Бо қарори Ҳукумати ҶТ аз 28.12.2006с. № 609 беэътибор дониста шуд

ҲУКУМАТИ ҶУМҲУРИИ ТОҶИКИСТОН

ҚАРОР

Масъалаҳои кумитаи кор бо ҷавонони назди Ҳукумати Ҷумҳурии Тоҷикистон

Мутобиқи Фармони Президенти Ҷумҳурии Тоҷикистон аз 23 май соли 1997 № 727 "Дар бораи баъзе тадбирҳои беҳтар намудани кор бо ҷавонон" Ҳукумати Ҷумҳурии Тоҷикистон қарор мекунад:

1. Сохтори замимагардидаи дастгоҳи маркази ва нақшаи идораи Кумитаи кор бо ҷавонони назди Ҳукумати Ҷумҳурии Тоҷикистон тасдиқ карда шавад.

Шумораи кормандони дастгоҳи маркази ва нақшаи идораи Кумитаи кор бо ҷавонони назди Ҳукумати Ҷумҳурии Тоҷикистон ба миқдори 41 воҳид (бо дарназардошти ҳайати хизматрасони) дар ҳудуди миқдори умумии кормандони Кумита, ки бо қарори Ҳукумати Ҷумҳурии Тоҷикистон аз 27 май соли 1997 № 240 "Дар бораи таъсиси Кумитаи кор бо ҷавонони назди Ҳукумати Ҷумҳурии Тоҷикистон" ба теъдоди 300 воҳид муайян шудааст, муқаррар карда шавад.

2. Вазорати меҳнат ва шуғли аҳолии Ҷумҳурии Тоҷикистон аз ҳисоби мақомоти дастгоҳи марказии Вазорати меҳнат ва шуғли аҳолии Ҷумҳурии Тоҷикистон ба Кумитаи кор бо ҷавонони назди Ҳукумати Ҷумҳурии Тоҷикистон ба теъдоди 6 воҳид, Вазорати корҳои дохилии Ҷумҳурии Тоҷикистон ба Кумитаи кор бо ҷавонони назди Ҳукумати Ҷумҳурии Тоҷикистон аз ҳисоби мақомоти худ 294 воҳид бо хароҷоти дахлдор ҷиҳати таъсиси идора ва шӯъбаҳои кор бо ҷавонон дар маҳаллот ҷудо намояд.

3. Ба Кумитаи кор бо ҷавонони назди Ҳукумати Ҷумҳурии Тоҷикистон иҷозат дода шавад, ки ду муовини Раиси Кумита, аз ҷумла як муовини аввал ва дар ҳайати 7 нафар коллегия дошта бошад.

4. Шумораи кормандони дастгоҳи идораҳои кор бо ҷавонони шаҳри Душанбе ва вилоятҳо ба миқдори 32 воҳид ба шӯъбаҳои шаҳрӣ ва ноҳиявии кор бо ҷавонон ба миқдори 227 воҳид тасдиқ карда шавад.

5. Ба Кумитаи кор бо ҷавонони назди Ҳукумати Ҷумҳурии Тоҷикистон барои таъминот ҳафт автомашинаи хизмати бо ронандагон ва як микроавтобус, аз ҷумла чор мошини сабукрави хизмати барои идораҳои кор бо ҷавонони шаҳри Душанбе ва вилоятҳо муқаррар шавад.

6. Муқаррар гардад, ки нигоҳдошти идараҳои кор бо ҷавонони шаҳри Душанбе ва вилоятҳо, шӯъбаҳои шаҳрӣ ва ноҳиявии кор бо ҷавонон, тавассути Кумитаи кор бо ҷавонони назди Ҳукумати Ҷумҳурии Тоҷикистон аз ҳисоби буҷети ҷумҳуриявӣ сурат мегирад.

7. Вазорати алоқаи Ҷумҳурии Тоҷикистон бо воситаҳои, телефони дастгоҳи марказии Кумитаи кор бо ҷавонони назди Ҳукумати Ҷумҳурии Тоҷикистон, идора ва шӯъбаҳои маҳаллии онро аз рӯи тартиботи муқарраршуда таъмин намояд.

8. Кумитаи кор бо ҷавонони назди Ҳукумати Ҷумҳурии Тоҷикистон якҷоя бо раисони вилоятӣ ва шаҳру ноҳияҳо ба манзури таъсиси идораҳо ва шӯъбаҳои кор бо ҷавонон корҳои ташкилиро таъмин намоянд.

9. Бандҳои 3, 4 қарори Ҳукумати Ҷумҳурии Тоҷикистон аз 27 май соли 1997 № 240 "Дар бораи таъсиси Кумитаи кор бо ҷавонони назди Ҳукумати Ҷумҳурии Тоҷикистон" беэътибор дониста шавад.

СОХТОРИ ДАСТГОҲИ МАРКАЗИИ КУМИТАИ КОР БО ҶАВОНОНИ НАЗДИ ҲУКУМАТИ ҶУМҲУРИИ ТОҶИКИСТОН

Роҳбарият

Идораи кор бо ҷавонони эҷодкор, донишҷӯён ва хонандагон

Идораи сиёсати иҷтимои

Идораи тарбияи ҳарбию ватандӯсти ва фарҳангии ҷавонон

Идораи робитаҳои хориҷӣ

Идораи робитаҳо бо иттиҳодияҳои ҷамъияти ва муносибатҳои байнимиллӣ

Идораи хоҷагӣ

Сектори тадқиқоти аналитики

Шӯъбаи умумӣ

Шӯъбаи муҳосиба

НАҚШАИ ИДОРАИ КУМИТАИ КОР БО ҶАВОНОНИ НАЗДИ ҲУКУМАТИ ҶУМҲУРИИ ТОҶИКИСТОН

Дастгоҳи маркази

Идораҳои вилоятии кор бо ҷавонон

Идораи кор бо ҷавонони шаҳри Душанбе

Шӯъбаҳои шаҳри ва ноҳиявии кор бо ҷавонон