бо қарори Ҳукумати ҶТ аз 28.03.2024 № 176 аз эътибор соқит дониста шуд

Ҳукумати Ҷумҳурии Тоҷикистон

ҚАРОР

Дар бораи ҷамъоварии боҷ барои истифодаи номҳои "Тоҷикистон", "Ҷумҳурии Тоҷикистон" ва ибораҳои аз онҳо таркибӣ ёфта дар номи корхонаю ташкилотҳо ва маҳсулоте, ки онҳо истехсол мекунанд

Ҳукумати Ҷумҳурии Тоҷикистон қарор мекунад:

1. Корхонаҳо, муассисаҳо ва ташкилотҳое, ки дар номи худ ва номи маҳсулоте, ки истеҳсол мекунанд, калимаҳои "Тоҷикистон", " Ҷумҳурии Тоҷикистон" ва ибораҳои аз онҳо таркибӣ ёфтаро истифода мнбарданд, сарфи назар аз шакли моликияташон, боҷ медиҳад.

2. Инҳо аз пардохти боҷ озод карда мешаванд:

- мақомоти ҳокимияти қонунбаррор, иҷроияи ва судии Ҷумҳурии Тоҷикистон;

- Бонки милии Ҷумҳурии Тоҷикистон;

- муассисаҳо ва ташкилотҳое, ки пурра аз ҳисоби Буҷети давлатӣ нигоҳ дошта мешаванд;

- редакцияҳои воситаҳоиахбори умум /ба ғайр аз нашрияҳои рекламави/.

3. Чунин меъёрҳои чамъоварии боҷ муқаррар карда шаванд:

барои корҳонаҳо, муассисаҳо ва ташкилотҳо, 0,5 фоиз аз арзиши маҳсулоти фурӯхташуда /кору химаросониҳо/;

барои корхонаю ташкилотҳои маҳсулоттайёркунанда. Фурӯшанда ва савдо, ҷумла савдои яклухт 0,05 фоиз аз ҳаҷми. Боч аз хисоби фоидае (даромаде) ки дар ихтиёрикорхона ва ташкилот мемонад, пардохта, ба даромади буҷети ҷумҳури гузаронда мешавад.

4. Вазорати молияи Ҷумҳурии Тоҷикистон, Вазорати иқтисод ва робитаҳои иқтисодии хориҷи Ҷумҳурии Тоҷикистон, Вазорати адлияи Ҷумҳурии Тоҷикистон ба Вазорати корҳои хориҷии Ҷумҳурии Тоҷикистон ҳангоми бақайдгирии корхонаҳои муштарак, субъектҳои фаъолияти иқтисодии хориҷи ва дигар корхонаю муассисаҳое, ки дар номи худ аз калимаҳои "Тоҷикистон", " Ҷумҳурии Тоҷикистон" ва ибораҳои аз онҳо таркибъёфта истифода мебарданд, сидонидани пардохти махсусро пешбинӣ намоянд.

5. Вазорати молияи Ҷумҳурии Тоҷикистон якҷоя бо Кумитаи андози назди Ҳукумати Ҷумҳурии Тоҷикистон дастурумали тартиби баҳисобгирӣ ва пардохти боҷи бо ҳамин қарор муқарраршударо таҳия ва тасдиқ намояд.