Бо Қарори Ҳукумати ҶТ аз 2.10.2010 № 527 аз эътибор соқит дониста шуд

Ҳукумати Ҷумҳурии Тоҷикистон

ҚАРОР

Дар бораи ваколати Ассоциацияи байналхалқии боркашонии автомобилии Тоҷикистон /АББАТ/

Ҳукумати Ҷумҳурии Тоҷикистон қарор мекунад:

1. Ба Ассоциацияи байналхалқии боркашонии автомобилии Тоҷикистон /АББАТ/ назди Вазорати нақлиёт ва хоҷагии роҳи Ҷумҳурии Тоҷикистон ҷиҳати иҷрои ҳамаи шартҳои Конвенцияи Иттиҳоди нақлиётчиёни автомобилӣ /ИНА/ ва борои фаъолияти минбаъда дар боркашонии байналхалқии Ҷумҳурии Тоҷикистон ваколат дода шавад.

2. Вазорати нақлиёт ва хоҷагии роҳи Ҷумҳурии Тоҷикистон якҷоя бо Ассоциацияи байналхалқии боркашонии автомобилии Тоҷикистон тартиби додани бланкаҳои иҷозатномаҳои хориҷӣ ва лицензияҳоро ҷиҳати боркашонии байналхалқӣ дар асоси Созишномаҳои байниҳукуматӣ таҳия намояд.

Назорати фаъолияти Ассоциацияи байналхалқии боркашонии автомобили Тоҷикистон оид додани иҷозатномаҳо ва лицензияҳо ҷиҳати боркашонии байналхалқӣ ба зиммаи Вазорати нақлиёт ва хоҷагии роҳи Ҷумҳурии Тоҷикистон гузошта шавад.