Бо қарори Ҳукумати ҶТ аз 26.06.1998с. №202 беэътибор дониста шуд

ҲУКУМАТИ ҶУМҲУРИИ ТОҶИКИСТОН

ҚАРОР

Дар бораи тасдиқ кардани Низомномаи тартиби ташаккулдиҳӣ ва татбиқи нарху тарифҳои озод

Бо мақсади иҷрои Фармони Президенти Ҷумҳурии Тоҷикистон аз 3 декабри соли 1994 № 8 "Дар бораи тадбирҳои аввалиндараҷаи таъмиқи бозсозиҳои иқтисодӣ ва тезонидани ҷараёни гузариш ба муносибатҳои бозаргонӣ" Ҳукумати Ҷумҳурии Тоҷикистон қарор мекунад:

1. Низомномаи замимагардидаи тартиби ташаккулъёбӣ ва мавриди истифода қарор додани нарху тарифҳои озод аз 10 май соли 1995 тасдиқ карда, амалӣ гардонда шавад.

2. Дар баробари қабул гардидани ҳамин қарор:

Низомномаи муваққатии тартиби истифодаи нарху тарифҳои озод (бозорӣ) нисбат ба маҳсулоти таъиноти истеҳсолию техникӣ, молҳои талаботи халқ ва хизматрасонӣ, ки бо қарори Девони Вазирони Ҷумҳурии Тоҷикистон аз 8 январи соли 1992 № 3 тасдиқ гардидааст:

қарори Девони Вазирони Ҷумҳурии Тоҷикистон аз 10 июли соли 1992 № 252 "Дар бораи дохил намудани тағъирот бо қарорҳои Девони Вазирони Чумҳурии Тоҷикистон аз 8 январи соли 1992 № 2 ва аз 8 январи соли 1992 № 3";

қарори Шӯрои Вазирони Ҷумҳурии Тоҷикистон аз 8 январи соли 1993 № 7 "Дар бораи паҳн намудани амали қарори Девони Вазирони Ҷумҳурии Тоҷикистон аз 10 июли соли 1992 № 252 ба озуқаворие, ки берун аз қаламрави Ҷумҳурии Тоҷикистон харидорӣ мегардад", беэътибор дониста шаванд.