бо қарори Ҳукумати ҶТ аз 28.10.2023 № 505 аз эътибор соқит дониста шуд

Ҳукумати Ҷумҳурии Тоҷикистон

ҚАРОР

Дар бораи тасдиқи Низомномаи калкулятсияи арзиши аслии маҳсулот (кору хизматрасонӣ) дар корҳонаҳо ва ташкилотҳои Ҷумҳурии Тоҷикистон

Ҳукумати Ҷумҳурии Тоҷикистон қарор мекунад:

1. Низомномаи калкулятсияи арзиши аслии маҳсулот (кору хизматрасонӣ) дар корҳонаҳо ва ташкилотҳои Ҷумҳурии Тоҷикистон тасдиқ гардида аз 1 июли соли 1999 ҷорӣ карда шавад.

2. Вазоратҳо ва идораҳои Ҷумҳурии Тоҷикистон:

дар мувофиқат бо Вазорати молияи Ҷумҳурии Тоҷикистон ва Хадамоти зиддиинҳисории назди Хукумати Ҷумҳурии Тоҷикистон низомномаҳои соҳавии калкулятсияи арзиши аслии маҳсулот (кору, хизматрасонӣ) дар корхонаҳо ва ташкилотҳоро тасдиқ намоянд; (Қарори Ҳукумати ҶТ аз 03.12.2002с. № 487, аз 25.11.2021, №504).

санадҳои меъёрии идоравиро бо қарори мазкур мутобиқ гардонанд.

3. Вазорати молияи Ҷумҳурии Тоҷикистон тамоми меъёрҳо ва санадҳои меъёриро, ки аз Низомномаи бо қарори мазкур тасдиқшудаи калкулятсияи арзиши аслии маҳсулот (кору, хизматрасонӣ) дар корҳонаҳо ва ташкилотҳои Ҷумҳурии Тоҷикистон бармеоянд, тасдиқ намояд.

4. Қарори Шӯрои Вазирони Ҷумҳурии Тоҷикистон аз 26 апрели соли 1994 № 193 "Дар хусуси тасдиқи Низомномаи таркиби хароҷоти истеҳсол ва фурӯши маҳсулоти (кору хизматрасонӣ) ба арзиши маҳсулот (кору хизматрасонӣ) дохилкардашаванда ва тартиби ташаккулдиҳии натиҷаҳои молиявии ҳангоми андозбандии фоида дар корҳонаҳои Ҷумҳурии Тоҷикистон баҳисобгирифташаванда" аз эътибор соқит дониста шавад.