ҲУКУМАТИ ҶУМҲУРИИ ТОҶИКИСТОН

ҚАРОР

Оид ба тасдиқи Низомномаи Хадамоти давлатии муҳоҷирати назди Вазорати меҳнат ва шуғли аҳолии Ҷумҳурии Тоҷикистон

Мутобиқи Қонуни Ҷумҳурии Тоҷикистон "Дар бораи муҳоҷират" ва консепсияи сиёсати давлатии муҳоҷирати Ҷумҳурии Тоҷикистон, ҳукумати Ҷумҳурии Тоҷикистон қарор мекунад:

1. Низомномаи замимагардидаи Хадамоти давлатии муҳоҷирати назди Вазорати меҳнат ва ҳифзи иҷтимоии аҳолии Ҷумҳурии Тоҷикистон тасдиқ карда шавад (Қарори Ҳукумати ҶТ аз 1.09.2005с. № 347).

2. Пардохти музди меҳнати кормандони Хадамоти давлатии мухоҷирати назди Вазорати меҳнат ва ҳифзи иҷтимоии аҳолии Ҷумҳурии Тоҷикистон ба шартҳои музди меҳнати мақомоти дахлдори идораи давлати баробар карда шавад.

3. Қарори ҳукумати Ҷумҳурии Тоҷикистон аз 6 марти соли 1998 № 76 "Дар бораи тасдиқи Низомномаи Хадамоти давлатии муҳоҷирати назди Вазорати меҳнат ва шуғли аҳолии Ҷумҳурии Тоҷикистон ва шартҳои пардохти музди меҳнати кормандони ин хадомот" аз эътибор соқит дониста шавад.