СОЗИШНОМА байни Вазорати маориф ва илми Ҷумҳурии Тоҷикистон ва Вазорати илм ва маорифи Ҷумҳурии Озарбойҷон оид ба мутақобилан ҳамасола ҷудо намудани бурсияҳои таҳсилӣ

Вазорати маориф ва илми Ҷумҳурии Тоҷикистон ва Вазорати илм ва маорифи Ҷумҳурии Озарбойҷон (минбаъд «Тарафҳо» ва дар алоҳидагӣ «Тараф») номида мешаванд,

бо кушиши рушд ва тақвият додани робитаҳо дар соҳаи маориф,

муқаррароти Созишнома байни Ҳукумати Ҷумҳурии Тоҷикистон ва Ҳукумати Ҷумҳурии Озарбойҷон оид ба ҳамкорӣ дар соҳаи маориф, ки 13 августи соли 2007 дар шаҳри Боку ба имзо расидааст, ба роҳбарӣ гирифта,

бо мақсади муқаррар намудани бурсияҳои муштарак ҷиҳати қабули шаҳрвандони давлатҳои Тарафҳо ба муассисаҳои таҳсилоти олии якдигар,

ба мувофиқаи зерин расиданд:

Моддаи 1

Тарафҳо ҳамасола дар асоси мутақобила, мубодилаи 10 (даҳ) донишҷӯро барои таҳсил дар сатҳи таҳсилоти олии дараҷаи бакалавр, магистратура ва докторантура (барномаи доктори фалсафа /номзади илм) дар доираи барномаи таълимӣ барои муҳлати муқарраргардида ба роҳ мемонанд.

Барои донишҷӯёни зарурат ба курсҳои тайёридошта, ба муҳлати на кам аз 6 (шаш) моҳ ва то 1 (як) сол омӯзиш дар курсҳои тайёрӣ ташкил карда мешавад.

Моддаи 2