Протокол оид ба ворид намудани тағйирот ба Созишнома дар бораи ҳамкории давлатҳои аъзои ИДМ оид ба таъсис додани системаи мувофиқи миллии тибби фосилавӣ, рушд ва истифодаи минбаъдаи он аз 19 ноябри соли 2010

Ҳукуматҳои давлатҳои иштирокдори Созишнома дар бораи ҳамкории давлатҳои аъзои ИДМ оид ба таъсис додани системаи мувофиқи миллии тибби фосилавӣ, рушд ва истифодаи минбаъдаи он аз 19 ноябри соли 2010, ки минбаъд «Тарафҳо» номида мешаванд, ба мувофиқаи зерин расиданд:

Моддаи 1

Ба Созишнома дар бораи ҳамкории давлатҳои аъзои ИДМ оид ба таъсис додани системаи мувофиқи миллии тибби фосилавӣ, рушд ва истифодаи минбаъдаи он аз 19 ноябри соли 2010 (минбаъд - Созишнома) тағйироти зерин ворид карда шавад:

1.Дар моддаи 1 Созишнома калимаҳои «таъсис додани» ба калимаҳои «ҳамкории мутақобилаи давлатҳои аъзои ИДМ дар кори таъсиси» иваз карда шаванд;

2. Дар моддаи 2 Созишнома:

- сархати дуюм дар таҳрири зерин ифода карда шавад:

«технологияҳои тибби фосилавӣ – технологияҳои иттилоотие, ки ҳамкории мутақобилаи фосилавии кормандони тиббиро байни худ, бо беморон ва (ё) намояндагони қонунии онҳо, идентификатсия (шиносоӣ) ва аутентификатсияи (асолатсанҷӣ) шахсони зикршуда, мустанадкунонии амалҳои зимни машварати табибӣ анҷомдодаи онҳо ва назорати фосилавии тиббии вазъи саломатии беморро таъмин мекунанд»;

- сархати сеюм хориҷ карда шавад;

- сархати чорум дар таҳрири зерин ифода карда шавад:

«системаи мувофиқи тибби фосилавӣ – системаи иттилоотӣ дар соҳаи тандурустии давлати узви Созишномаи мазкур, ки ҳамкории мутақобилаи фосилавии кормандони тиббиро зимни ташкил ва расонидани ёрии тиббӣ бо истифода аз технологияҳои тибби фосилавӣ, инчунин амалкарди мутақобилаи иттилоотиро бо системаҳои миллии тибби фосилавии давлатҳои дигари аъзои Созишномаи мазкур таъмин мекунад»;

- пас аз сархати чорум сархати нав бо мазмуни зерин илова карда шавад:

«ёрии тиббии фаромарзӣ (байнисарҳадӣ) – маҷмуи хидматрасониҳои тиббии иттилоотӣ, ки зимни анҷом додани онҳо иштирокдорон - беморон ва кормандони тиббӣ дар тарафҳои гуногуни сарҳади давлатӣ амал мекунанд»;

- сархати чорум мутаносибан сархати сеюм ҳисобида шавад.

3. Дар моддаи 3 Созишнома:

- сархати якум дар таҳрири зерин ифода карда шавад:

«Тарафҳо бо мақсади таъмини имконият дар давлатҳои аъзои Созишномаи мазкур барои ташкил ва расонидани ёрии тиббӣ бо истифода аз технологияҳои тибби фосилавӣ бо додани кафолат аз ҷониби давлатҳо барои ҳифзи ҳуқуқу манфиатҳои қонунии шахсони воқеӣ ва ҳуқуқӣ дар раванди гирифтан ва пешниҳоди он, системаҳои мувофиқи миллии тибби фосилавиро созмон медиҳанд ё имконияти амалкарди мутақобилаи иттилоотиро байни системаҳои мувофиқи миллии тибби фосилавии мавҷудбуда таъмин мекунанд»;

- пас аз сархати дуюм сархати нав бо мазмуни зерин илова карда шавад:

«таъмини ҳамкории фосилавии мутақобила байни кормандони тиббӣ ҳангоми ташкил ва расонидани ёрии тиббӣ бо истифода аз технологияҳои тибби фосилавӣ, аз ҷумла технологияҳои фаромарзӣ;»;

- сархатҳои сеюм ва чорум дар таҳрири зерин ифода карда шаванд:

«таъмини фародастрасӣ ва сифати ёрии тиббӣ ба аҳолӣ, новобаста аз макони зист;»;

- сархатҳои панҷум-ҳафтум хориҷ карда шаванд;

- дар сархати ҳаштум калимаи «соҳаи» ба калимаи «технологияҳои» иваз карда шавад;

- сархатҳои даҳум ва ёздаҳум хориҷ карда шаванд;

- сархатҳои сеюм ва чорум мутаносибан сархати чорум ва сархатҳои ҳаштум ва нуҳум мутаносибан сархатҳои шашум ва ҳафтум ҳисобида шаванд.

4. Дар моддаи 4 Созишнома:

- сархати дуюм дар таҳрири зерин ифода карда шавад:

«мутобиқи қонунгузории давлатҳои аъзои Созишномаи мазкур оид ба ҳифзи маълумоти шахсӣ, анҷом додани коркарди маълумоти шахсӣ, ки сирри табибиро (маълумот дар бораи вазъи муроҷиати шаҳрванд барои гирифтани ёрии тиббӣ, вазъи саломатӣ ва ташхиси ў, иттилооти дигаре, ки ҳангоми муоинаи тиббӣ ва табобати ў ба даст омадаанд) ташкил медиҳанд»;

- пас аз сархати дуюм сархати нав бо мазмуни зерин илова карда шавад:

«баррасӣ ва дар созишномаҳои байнидавлатии дахлдори давлатҳои аъзои Созишномаи мазкур муқаррар намудани масъалаҳои интиқоли фаромарзии маълумоти шахсӣ, аз ҷумла маълумоте, ки сирри табибиро ташкил медиҳанд;»;

- дар сархати чорум калимаҳои «маълумотҳо дар бораи шахсро» ба калимаҳои «маълумоти шахсӣ, аз ҷумла маълумоти фарогири сирри табибиро» иваз карда шаванд;

- дар сархати панҷум калимаҳои «хизматрасонии тибби фосилавии мушаххас» ба калимаҳои «намуди мутаносиби ёрии тиббӣ бо истифода аз технологияҳои тибби фосилавӣ» иваз карда шаванд;

- сархатҳои сеюм-шашум мутаносибан сархатҳои чорум-ҳафтум ҳисобида шаванд;

5. Дар моддаи 5 Созишнома:

- пас аз сархати якум сархати нав бо мазмуни зерин илова карда шавад:

«заминаи ҳуқуқии ҳамкории мутақобилаи фосилавӣ байни кормандони тиббӣ ҳангоми ташкил ва расонидани ёрии тиббии фаромарзӣ бо истифода аз технологияҳои тибби фосилавӣ, аз ҷумла фарогири масъалаҳои эътирофи мутақобилаи хулосаҳои тиббӣ аз рўйи натиҷаи машваратҳо бо истифода аз технологияҳои тибби фосилавӣ, масъалаҳои масъулияти ташкилоти тиббии машваратдиҳанда, инчунин ташкилоти тиббии дархосткунандаи машварат, талаботи стандартишуда (меъёрпазир) ба иттилооте, ки ба машварат бо истифода аз технологияҳои тибби фосилавӣ, аз ҷумла талабот ба нишондоди тасвирҳои тиббӣ (қолаб, возеҳияти рамзнигории ранга ва ғ.) барои услуби гуногуни тасвирсозии тиббӣ (томографияи компютерӣ, томографияи магнитию резонансӣ ва ғ.) нигаронида шудаанд, ҳамгунсозии стандартҳои рамзнигорӣ, луғатҳо ва таснифоти иттилооти тиббӣ;»;

- сархати ҳаштум дар таҳрири зерин ифода карда шавад:

«тартиби таҳия ва пешбурди стандартҳои мубодилаи маълумот байни системаҳои муштараки тибби фосилавии давлатҳои аъзои Созишномаи мазкур бо дарназардошти меъёрҳои байналхалқӣ ва меъёрҳои (амалкунанда, қабулшуда) дар ҳудуди давлатҳои аъзои Созишномаи мазкур муқарраршуда;»;

- сархатҳои сеюм-ҳаштум мутаносибан сархатҳои чорум-нуҳум ҳисобида шаванд.

6. Дар моддаи 6 Созишнома:

- пас аз сархати якум сархатҳои нав бо мазмуни зерин илова карда шаванд:

«мутобиқати заминаҳои ҳуқуқии қаблан таҳияшудаи ҳамкории мутақобилаи фосилавӣ байни кормандони тиббӣ ҳангоми ташкил ва расонидани ёрии фаромарзии тиббӣ бо истифода аз технологияҳои тибби фосилавӣ;

коркарди заминаи ҳуқуқии ҳамкории мутақобилаи фосилавӣ байни кормандони тиббӣ ҳангоми ташкил ва расонидани ёрии тиббии фаромарзӣ бо истифода аз технологияҳои тибби фосилавӣ, аз ҷумла фарогири масъалаҳои эътирофи мутақобилаи хулосаҳои тиббӣ аз рўи натиҷаҳои машваратҳо бо истифода аз технологияҳои тибби фосилавӣ, масъалаҳои масъулияти ташкилоти тиббии машваратдиҳанда, инчунин ташкилоти тиббии дархосткунандаи машварат, талаботи стандартишуда (меъёрпазир) ба иттилооте, ки ба машварат бо истифода аз технологияҳои тибби фосилавӣ, аз ҷумла талабот ба нишондоди тасвирҳои тиббӣ (қолаб, возеҳияти рамзнигории ранга ва ғ.) барои услуби гуногуни тасвирсозии тиббӣ (томографияи компютерӣ, томографияи магнитию резонансӣ ва ғ.), ҳамгунсозии стандартҳои рамзнигорӣ, луғатҳо ва таснифоти иттилооти тиббӣ нигаронида шудаанд;»;

- сархати дуюм хориҷ карда шавад;

- сархати сеюм дар таҳрири зерин ифода карда шавад:

«истифодаи стандартҳои мубодилаи маълумот байни системаҳои муштараки тибби фосилавии давлатҳои аъзои Созишномаи мазкур бо дарназардошти меъёрҳои байналмилалӣ ва меъёрҳои (амалкунанда, қабулшуда) дар ҳудуди давлатҳои аъзои Созишномаи мазкур муқарраршуда;»;

- сархати чорум хориҷ карда шавад;

- сархати панҷум дар таҳрири зерин иятифода карда шавад:

«дар системаҳои муштараки тибби фосилавӣ бо тарз ва воситаҳои муосири ҳифзи иттиллот таъмин намудани чораҳои зарурии ҳифзи маълумоти шахсӣ, аз ҷумла маълумоте, ки сирри табибиро ташкил медиҳанд;»;

- сархати шашум хориҷ карда шавад;

- сархати ҳафтум дар таҳрири зерин ифода карда шавад:

«таъмини ҳамкории мутақобилаи иттилоотии системаҳои муштараки тибби фосилавии давлатҳои аъзои Созишномаи мазкур ҳангоми ташкил ва расонидани ёрии тиббӣ бо истифода аз технологияҳои тибби фосилавӣ, аз ҷумла технологияҳои фаромарзӣ;»;

- сархати ҳаштум хориҷ карда шавад;

- сархати нуҳум дар таҳрири зерин ифода карда шавад:

«мақомот ё ташкилотҳои ваколатдори давлатҳои аъзои Созишномаи мазкур метавонанд бо мақсади табодули таҷрибаи байни Тарафҳо ҳамкории мутақобиларо оид ба масъалаҳои коркард ва истифодаи системаҳои муштараки миллии тибби фосилавӣ, илмӣ-дастурӣ, ташкилӣ ва дигар масъалаҳои алоқаманд ба ташкил ва фаъолияти системаҳои муштараки миллии тибби фосилавӣ, ташкил ва истифодаи тарз ва воситаҳои ҳифзи маълумоти шахсӣ, аз ҷумла маълумоти дорои сирри табибӣ анҷом диҳанд;»;

- сархатҳои сеюм, ҳафтум ва нуҳум мутаносибан сархатҳои чорум, шашум ва ҳафтум ҳисобида шаванд;

7. Дар моддаи 7 Созишнома:

- сархати дуюм дар таҳрири зерин ифода карда шавад:

«ҳамкории мутақобилаи мақомот ва ташкилотҳои ваколатдори давлатҳои аъзои Созишномаи мазкур бо мақсади тарҳрезии талабот ба ҳамгироии системаҳои муштараки миллии тибби фосилавии давлатҳои аъзои Созишномаи мазкур барои ташаккул додани ҳамкории мутақобилаи иттиллоотии фаромарзӣ ҳангоми ташкил ва расонидани ёрии тиббӣ бо истифода аз технологияҳои тибби фосилавӣ;»;

- сархати сеюм дар таҳрири зерин ифода карда шавад:

«барои ташкили ҳамкории мутақобилаи иттилоотии фаромарзӣ, бо дарназардошти қонунгузории давлатҳои аъзои Созишномаи мазкур, аз ҷумла дар бахши таъмини бехатарии иттилоотӣ, тарҳрезии талабот ба номгўи иттилооте, ки ба машварат бо истифода аз технологияҳои тибби фосилавӣ аз ҷумла талабот ба нишондоди тасвирҳои тиббӣ (қолаб, возеҳияти рамзнигории ранга ва ғ.) барои услуби гуногуни тасвирсозии тиббӣ (томографияи компютерӣ, томографияи магнитию резонансӣ ва ғ.), ҳамгунсозии стандартҳои рамзнигорӣ, луғатҳо ва таснифоти иттилооти тиббӣ нигаронида шудаанд;»;

- сархати чорум хориҷ карда шавад;

- сархати панҷум дар таҳрири зерин ифода карда шавад:

«ташкили мубодилаи ҳифзгардидаи иттилоотии маълумоти шахсии фарогири сирри табибӣ ҳангоми ҳалли вазифаҳои гуногун дар раванди истифодабарии системаҳои муштараки миллии тибби фосилавӣ;»;

- пас аз сархати ҳафтум сархатҳои нав бо мазмуни зерин илова карда шаванд:

«ҷалби муассисаҳои илмӣ ба самти рушди системаҳои иттилоотии миллӣ дар соҳаи тандурустӣ. Ин гуна муассисаҳо метавонанд захираҳоро барои тарҳрезӣ ва санҷиши ташаббусҳои гуногун дар соҳаи технологияҳои тибби фосилавӣ ҷудо намоянд, инчунин истифодаи мунтазами амалии тибби фосилавиро таъмин намуда, самаранокии онро баҳогузорӣ намоянд;

баҳогузорӣ ва нашри густурдаи натиҷаҳои татбиқи системаҳои иттилоотии миллӣ дар соҳаи тандурустӣ;

банақшагирии дақиқ ва баҳогузории ташаббусҳо дар соҳаи технологияҳои тибби фосилавӣ;»;

- сархатҳои панҷум-ҳафтум мутаносибан сархатҳои чорум-шашум ҳисобида шаванд.

8. Моддаи 8 Созишнома дар таҳрири зерин ифода карда шавад:

«Таъминоти молиявии чорабиниҳо оид ба амалисозии Созишномаи мазкур аз ҷониби Тарафҳо мустақилона бо тартиби пешбининамудаи қонунгузории давлатҳои аъзои Созишномаи мазкур, аз ҳисоби маблағҳои мақомот ва ташкилотҳои ваколатдор, ки дар буҷетҳои миллӣ барои амалисозии барномаҳои миллӣ пешбинӣ шудаанд ва аз сарчашмаҳои ғайрибуҷетӣ ҷалб карда мешаванд, анҷом дода мешавад.».

9. Моддаи 9 Созишнома дар таҳрири зерин баён карда шавад:

«Интиқоли фаромарзии маълумоти шахсӣ, ки бо баргузории машваратҳои тибби фосилавӣ алоқаманд аст ва коркарди маълумоти шахсӣ, аз ҷумла маълумоте, ки сирри табибиро ташкил медиҳанд, мутобиқи қонунгузории давлатҳои аъзои Созишномаи мазкур, инчунин бо дарназардошти санадҳои меъёрии ҳуқуқии байналмилалӣ дар соҳаи интиқоли фаромарзии маълумот, аз ҷумла маълумоти фарогири сирри табибӣ амалӣ карда мешавад.».

10. Моддаи 11 Созишнома дар таҳрири зерин ифода карда шавад:

«Ҳамкории мақомот ва ташкилотҳо оид ба таъмини ба ҳам созгори системаҳои миллии тибби фосилавӣ дар асоси принсипҳои барорбарҳуқуқӣ ва манфиати мутақобила, бо дарназардошти хусусияти иқтисодӣ ва ҷуғрофии ҳар як давлати узви Созишномаи мазкур ба роҳ монда мешавад.».

Моддаи 2

Протоколи мазкур пас аз 30 рӯзи ба маҳфуздоранда дастрас шудани огоҳиномаи сеюм оид ба иҷро гардидани расмиёти дохилидавлатӣ аз ҷониби Тарафҳое, ки онро ба имзо расониданд ва барои эътибор пайдо кардани он зарур мебошад, эътибор пайдо мекунад.

Барои Тарафҳои расмиёти дохилидавлатиро дертар иҷрокарда Созишномаи мазкур пас аз 30 рӯзи аз ҷониби маҳфуздоранда гирифтани ҳуҷҷатҳои дахлдор эътибор пайдо мекунад.

Дар шаҳри Ашқобод 24 майи соли 2024 дар як нусхаи асл ба забони русӣ таҳия гардид. Нусхаи асл дар Кумитаи иҷроияи Иттиҳоди Давлатҳои Мустақил нигоҳ дошта мешавад, ки он ба ҳар давлати Созишномаи мазкурро баимзорасонида, нусхаи тасдиқнамудаи онро мефиристад.