ҲУКУМАТИ ҶУМҲУРИИ ТОҶИКИСТОН 

ҚАРОР

Қарори Шӯрои Маҷлиси намояндагони Маҷлиси Олии Ҷумҳурии Тоҷикистон аз 23 декабри соли 2024, №2494 «Дар бораи лоиҳаи Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи ҷавобгарӣ барои поймол намудани киштзор, зарар расонидан ба зироатҳои кишоварзӣ, тутзор ва дигар дарахту буттазор»-ро баррасӣ намуда, Ҳукумати Ҷумҳурии Тоҷикистон қарор мекунад:

Хулосаи замимагардидаи Ҳукумати Ҷумҳурии Тоҷикистон ба лоиҳаи Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи ҷавобгарӣ барои поймол намудани киштзор, зарар расонидан ба зироатҳои кишоварзӣ, тутзор ва дигар дарахту буттазор» ба баррасии Маҷлиси намояндагони Маҷлиси Олии Ҷумҳурии Тоҷикистон пешниҳод карда шавад.

Хулосаи Ҳукумати Ҷумҳурии Тоҷикистон ба лоиҳаи Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи ҷавобгарӣ барои поймол намудани киштзор, зарар расонидан ба зироатҳои кишоварзӣ, тутзор ва дигар дарахту буттазор»

Ҳукумати Ҷумҳурии Тоҷикистон лоиҳаи Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи ҷавобгарӣ барои поймол намудани киштзор, зарар расонидан ба зироатҳои кишоварзӣ, тутзор ва дигар дарахту буттазор»-ро, ки бо қарори Шӯрои Маҷлиси намояндагони Маҷлиси Олии Ҷумҳурии Тоҷикистон аз 23 декабри соли 2024, №2494 барои додани хулоса ба Ҳукумати Ҷумҳурии Тоҷикистон пешниҳод гардидааст, мавриди баррасӣ қарор дода, оид ба моддаи 1 таклифҳои зеринро манзур менамояд:

1) дар қисми 1 калимаҳои «Дар» ва «ва» мувофиқан ба калимаҳои «Ба» ва «гардида,» иваз карда шаванд;

2) оид ба қисми 3:

- сархати якум дар таҳрири зерин ифода карда» шавад:

«- дар номи модда калимаҳои «Товони зараре, ки» ба калимаҳои «Ҷуброни зиён» иваз гардида, калимаҳои «рӯёнида мешавад» хориҷ карда шаванд;

- сархати дуюм дар таҳрири «зерин ифода карда шавад:

«- дар матни модда калимаҳои «Товони зараре», «ва буттаву дарахтони мевадори соҳаи кишоварзӣ, ки аз тарафи шаҳрвандон ё худ» ва «расидааст, аз зараррасон ситонида» мувофиқан ба калимаҳои «Зиёне», «аз тарафи шахсони воқеӣ бевосита ё» ва «расонда шудааст, аз ҳисоби шахсони гунаҳкор ҷуброн карда» иваз карда шаванд;»;

3) оид ба қисми 4:

- сархати якум хориҷ карда шавад, зеро номи моддаи 4 Қонуни мазкур дуруст ва фаҳмо мебошад;

- дар сархати дуюм калимаҳои «ошкор» ва «онҳо» мувофиқан ба калимаҳои «муайян» ва «он» иваз карда шаванд;

- сархати дуюм, қисми дуюми ба моддаи 4 Қонуни мазкур иловашаванда бинобар мавзуи танзими он набудан, хориҷ карда шавад.

4) Бо назардошти тағйироти пешбинигардидаи қисмҳои 3 ва 4 лоиҳаи қонун моддаи 7 қонуни амалкунанда таҷдиди назар карда шавад.

Пешниҳод карда мешавад, ки хатоҳои имлоӣ, грамматикӣ ва техникии дар лоиҳа ҷойдошта ислоҳ гардида, матни забони русӣ ба матни забони тоҷикӣ мутобиқ карда шавад.