ҲУКУМАТИ ҶУМҲУРИИ ТОҶИКИСТОН

ҚАРОР

Қарори Шӯрои Маҷлиси намояндагони Маҷлиси Олии Ҷумҳурии Тоҷикистон аз 23 декабри соли 2024, №2495 «Дар бораи лоиҳаи Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи хоҷагии деҳқонӣ (фермерӣ)»-ро баррасӣ намуда, Ҳукумати Ҷумҳурии Тоҷикистон қарор мекунад:

Хулосаи замимагардидаи Ҳукумати Ҷумҳурии Тоҷикистон ба лоиҳаи Қонуни Ҷумҳурии Тоҷикистон «Оид ба ворид намудани тағйироту иловаҳо ба Қонуни Ҷумҳурии Тоҷикистон «Дар бораи хоҷагии деҳқонӣ (фермерӣ)» ба баррасии Маҷлиси намояндагони Маҷлиси Олии Ҷумҳурии Тоҷикистон пешниҳод карда шавад.

Хулосаи Ҳукумати Ҷумҳурии Тоҷикистон ба лоиҳаи Қонуни Ҷумҳурии Тоҷикистон «Оид ба ворид намудани тағйироту иловаҳо ба Қонуни Ҷумҳурии Тоҷикистон «Дар бораи хоҷагии деҳқонӣ (фермерӣ)»

Ҳукумати Ҷумҳурии Тоҷикистон лоиҳаи Қонуни Ҷумҳурии Тоҷикистон «Оид ба ворид намудани тағйироту иловаҳо ба Қонуни Ҷумҳурии Тоҷикистон «Дар бораи хоҷагии деҳқонӣ (фермерӣ)-ро, ки бо қарори Шӯрои Маҷлиси намояндагони Маҷлиси Олии Ҷумҳурии Тоҷикистон аз 23 декабри соли 2024, №2495 барои додани хулоса ба Ҳукумати Ҷумҳурии Тоҷикистон пешниҳод гардидааст, мавриди баррасӣ қарор дода, оид ба моддаи 1 лоиҳа таклифҳои зеринро манзур менамояд:

1) дар ном калимаи «ТАҒЙИРОТУ» ба калимаи «ТАҒЙИРУ» иваз карда шавад;

2) аз қисми 1 калимаҳои «аломат ва» хориҷ карда шаванд;

3) дар қисми 4 калимаи «даҳум» ба калимаи «нуҳум» иваз карда шавад;

4) қисми 5 ба талаботи техникаи ҳуқуқэҷодкунӣ, ки Қонуни Ҷумҳурии Тоҷикистон «Дар бораи санадҳои меъёрии ҳуқуқӣ» муайян кардааст, мутобиқ карда шавад;

5) дар қисми 6 калимаҳои «истифода нашуда» якҷо навишта шаванд;

6) қисми 9 дар таҳрири зерин ифода карда шавад:

«9. Дар қисми 1 моддаи 24 калимаи «тадқиқотӣ» ба калимаҳои «илмию таҳқиқотӣ» иваз карда шавад;

7) дар қисми 10 сархати дуюми дар таҳрири нав ифодашавандаи моддаи 26 дар таҳрири зерин ифода карда шавад:

«- шаҳрвандоне, ки бегона намудани ҳуқуқи истифодаи қитъаи заминро доранд;»;

8) сархати якуми қисми 11 хориҷ карда шавад, зеро меъёри амалкунанда дуруст ва фаҳмо мебошад;

9) дар сархати дуюми қисми 12 калимаҳои «бо шакли» ба калимаи «тариқи» иваз карда шавад;

10) дар қисми 13:

- дар муқаддимаи қисм калимаи «дар» ба калимаи «Дар» иваз карда шавад;

- дар асархати дуюм калимаҳои «меъморӣ ва шаҳрсозии» ба калимаҳои «сохтмон ва меъмории» иваз карда шаванд.

Ҳамзамон, хатоҳои техникию ҳуқуқӣ ва имлоӣ ислоҳ карда шуда, матни русии лоиҳа ба матни тоҷикии он мутобиқ гардонида шавад.