бо дар назар доштани пешгирии ҳолатҳои вайронкунии қонунгузории гумрукӣ ба манфиатҳои иқтисодӣ, тиҷоратӣ, молиявӣ, иҷтимоӣ ва фарҳангии давлатҳои Тарафҳои аҳдкунанда;
бо дар назар доштани зарурати таъмини баҳисобгирии амиқ, ситонидани боҷҳои гумрукӣ, андозҳо ва дигар пардохтҳо ва хироҷҳо ҳангоми воридоту содироти молҳо, инчунин, татбиқи қоидаҳо дар бораи мамнуият, маҳдудият ва назорат,
бо дар назар доштани фаъолияти самаранок оид ба пешгирии вайронкунии қонунгузории гумрукӣ, тавассути ҳамкориҳо байни мақомоти гумрук;
бо дар назар доштани вусъат ва афзоиш додани пешгирии гардиши ғайриқонунии маводи нашъадор, моддаҳои психотропӣ ва прекурсорҳои онҳо, ки ба саломатии инсон ва ҷомеа хатари ҷиддӣ мерасонанд;
ва бо дар назар доштани он, ки конвенсияҳои байналмилалӣ дар давлатҳои Тарафҳои аҳдкунанда дар заминаи ёрии байниҳамдигарӣ, тибқи тавсияҳои Созмони умумиҷаҳонии гумрук амалӣ карда мешаванд,
ба мувофиқаи зерин расиданд.
а) мақомоти гумрук - барои Ҷумҳурии Тоҷикистон маънои Хадамоти гумруки назди Ҳукумати Ҷумҳурии Тоҷикистон ва барои Ҷумҳурии Арабии Миср маънои Мақомоти гумруки Вазорати молияи Ҷумҳурии Арабии Миср;
б) «қонунгузории гумрукӣ» - муқаррароти дар қонун ва санадҳои зерқонунии муқарраргардида вобаста ба воридот, содирот, интиқоли молҳо ё дигар расмиёти гумрукие, ки ба боҷҳои гумрукӣ, андозҳо ва ё ҳама гуна хироҷҳои гумрукии аз ҷониби маъмуриятҳои гумрук ситонидашаванда, инчунин, чораҳо оид ба мамнуият, маҳдудият ва назорати аз ҷониби хадамотҳои гумрук амалишаванда, аз ҷумла, муомилоти ғайриқонунии маводи мухаддир ва дигар молҳо;
в) пардохтҳои гумрукӣ - боҷҳо, андозҳо, хироҷҳо ва ё дигар пардохтҳое, ки аз Тарафи мақомоти гумруки Тарафҳои аҳдкунанда ҳангоми воридот, содирот, инчунин, дар дохил ва берун аз ҳудуди Тарафҳои аҳдкунанда тибқи қонунгузории гумрукӣ ситонида мешаванд;
г) ҳукуқвайронкуниҳои гумрукӣ - ҳама гуна вайронкунӣ ва ё кӯшиши вайрон кардани қонунгузории гумрукӣ;
ғ) тарафи дархосткунанда - мақоми гумрукие, ки дархости мусоидат намудааст;
д) тарафи дархостшаванда - мақоми гумрукие, ки аз ӯ дархости мусоидат намудаанд;
е) воситаҳои нашъадор - маводи табиӣ ё синтетикие, ки ба ҷадвали I ва II-и Конвенсияи ягона дар бораи воситаҳои нашъадор, аз соли 1961, бо дарназардошти Протокол дар бораи тағйирот ба Конвенсияи ягона дар бораи воситаҳои нашъадор аз соли 1972 ва бандҳои (n) ва (r)-и моддаи 1-и Конвенсияи Созмони Милали Муттаҳид бар зидди гардиши ғайриқонунии воситаҳои нашъадор ва моддаҳои психотропӣ аз 20-уми декабри соли 1988 дохил карда шудааст;
ё) шахси мансабдор - шахси мансабдори мақомоти гумрук ва ё дигар мақомоти давлатие, ки барои татбиқи қонунгузории гумрукӣ аз ҷониби мақомоти гумруки Тарафҳо таъин шудааст;
ж) моддаҳои психотропӣ - ҳама гуна моддаҳои табиӣ ва синтетикие, ки ба Рӯйхати I, II, III ва IV Конвенсияи Созмони Милали Муттаҳид дар бораи моддаҳои психотропӣ аз соли 1971 ва бандҳои (n) ва (r)-и моддаи 1-и Конвенсияи Созмони Милали Муттаҳид бар зидди гардиши ғайриқонунии воситаҳои нашъадор ва моддаҳои психотропӣ аз 20 декабри соли 1988 дохил карда шудааст;
з) прекурсор - моддаҳои химиявии назоратшавандаи дар истеҳсоли воситаҳои нашъадор ва психотропӣ истифодашавандае, ки ба Рӯйхати I ва II Конвенсияи Созмони Милали Муттаҳид бар зидди гардиши ғайриқонунии воситаҳои нашъадор ва моддаҳои психотропӣ аз соли 1988 дохил карда шудаанд;
и) молҳои таъсирбахш - маводҳое, ки дар моддаи 4-и Созишномаи мазкур дарҷ гардидаанд;
й) маълумот - ҳама гуна маълумоти коркардшуда, коркарднашуда ва ё таҳқиқшуда, ҳуҷҷатҳо, ҳисобот ё дигар иттилоот дар ҳама гуна шакл аз ҷумла, нусхаи электронии маълумот ё ҳама гуна нусхаҳон тасдиқшудаи он;
й) шахс - шахси воқеӣ ва ҳуқуқӣ мебошад, агар дар муқаррароти матн маънои дигар пешбинӣ нашуда бошад;
к) маълумот дар бораи шахс - ҳама гуна маълумот оид ба шахси воқеии муайянгардида ё муайяншаванда;
қ) таҳвили назоратшаванда - маънои усулеро дорад, ки тибқи он молҳои ғайриқонунӣ интиқолдодашуда ё эҳтимолияти ғайриқонунии интиқолро доранд, бо огоҳӣ ё таҳти назорати мақомоти салоҳиятдори кишварҳо ва бо мақсади муайян кардани ҷинояткорон ё шахсоне, ки онҳоро ёрӣ мерасонанд ба ҳудуди Тарафи дигари аҳдкунанда содир ва ё ворид карда мешаванд.
...
