КОНВЕНСИЯ ДАР БОРАИ ИМТИЁЗҲО ВА МАСУНИЯТИ КОТИБОТ, ҲАЙАТИ ОН ВА НАМОЯНДАГОНИ ДАВЛАТҲОИ ИШТИРОКДОРИ МАШВАРАТҲОИ ҲАМКОРӢ ВА ТАДБИРҲОИ БОВАРӢ ДАР ОСИЁ

 Давлатҳои иштирокдори Машваратҳои ҳамкорӣ ва тадбирҳои боварӣ дар Осиё, ки Конвенсияи мазкурро ба имзо расониданд, бо риояи принсипҳо ва меъёрҳои эътирофшудаи ҳуқуқи байналмилалӣ ва муқаррароти Санади Алматоӣ аз 4 июни соли 2002, бо мақсади татбиқи муқаррароти банди 2 моддаи 5 Созишнома дар бораи Котиботи Машваратҳои ҳамкорӣ ва тадбирҳои боварӣ дар Осиё аз 17 июни соли 2006, ба мувофиқаи зерин расиданд:

Моддам 1. Мафҳумҳо 

Барои ҳадафҳои ин Конвенсия мафҳумҳои зерин чунин истифода мешаванд:

a) «МҲТБО» - Машваратҳои ҳамкорӣ ва тадбирҳои боварӣ дар Осиё;

b) «Котибот» - Котиботи МҲТБО;

c) «Тарафҳо» - давлатҳои иштирокдори МҲТБО, ки ин Конвенсияро тасвиб, қабул ё тасдиқ намудаанд ё ба он ҳамроҳ шудаанд;

d) «Директори иҷроия» - шахси асосии роҳбарикунандаи Котибот;

е) «Муовини директори иҷроия» - муовини шахси асосии роҳбарикунандаи Котибот;

f) «Аъзои ҳайати касбӣ» - шахсони масъули Котибот, ки аз ҷониби давлатҳои иштирокдори МҲТБО фиристода шуда, бо тасдиқи Кумитаи шахсони мансабдори калони МҲТБО таъин мегарданд;

g) «Аъзои оила» - ҳамсар ва фарзандони вобаста то синни 18, ки бо директори иҷроия, муовини директори иҷроия ва аъзои ҳайати касбии Котибот зиндагӣ мекунанд;

h) «Намояндагони Тарафҳо» - шахсоне, ки аз ҷониби Тарафҳои дахлдор барои иштирок дар ҷаласаҳои МҲТБО фиристода мешаванд.

Моддаи 2. Қобилиятп ҳуқуқии Котибот 

Котибот дар қаламрави ҳар як Тараф қобилияти ҳуқукие дорад, ки барои иҷрои вазифаҳои он зарур аст.

Моддаи 3. Имтиёзҳо ва масуният 

Муқаррароти умумӣ

1. Имтиёзҳо ва масуният тибқи ин Конвенсия барои манфиати шахсии шахсони дахлдор дода намешаванд, балки барои таъмини иҷрои мустақили вазифаҳои расмии онҳо мебошанд.

2. Аз додани имтиёзҳо метавон даст кашида шавад, агар он ба расонидани адолат халал расонад ё даст кашидан аз он ба ҳадафҳое, ки имтиёз дода мешавад, зарар нарасонад. Қарори даст кашидан бояд возеҳ ифода карда бошад.

Қарори даст кашидан аз иммунитет қабул карда мешавад:

а) Дар робита ба директори иҷроия ва муовини директори иҷроия - аз ҷониби вазирони корҳои хориҷӣ ё намояндагони расмии онҳо бо тавсияи Кумитаи шахсони мансабдори калони МҲТБО;

b) Дар робита ба аъзои ҳайати касбӣ - аз ҷониби Кумитаи шахсони мансабдори калони МҲТБО бо тавсияи директори иҷроия;

c) Дар робита ба намояндагони Тарафҳо - аз ҷониби Тарафи ирсолкунанда

3. Шахсоне, ки ба онҳо имтиёзҳо ва масуният дода шудаанд, бояд қонунгузории Тарафҳоро риоя кунанд.

Моддаи 4. Имтиёзҳо ва масунияти Котибот

1. Котибот, молу мулк ва дороиҳои онҳо, новобаста аз ҷойгиршавӣ ва истифода, аз ҳама гуна таъсироти маъмурӣ ё дахолати судӣ иммунитет доранд.

2. Архивҳо ва дигар ҳуҷҷатҳои Котибот дахлнопазиранд.

3. Котибот ҳуқуқ дорад, ки дороиҳо ва ҳисобҳоро дар ҳудуди зарурӣ барои фаъолиятҳои худ истифода барад.

Моддаи 5. Имтиёзҳо ва масунияти директори иҷроия, муовинидиректори иҷроия ва ҳайати касбӣ

 1. Директори иҷроия, муовини директори иҷроия ва иштирокдори ҳайати касбӣ иммунитет аз боздошти шахсӣ ва дахолати судӣ доранд.

Моддаи 6. Имтиёзҳо ва масунияти намояндагони Тарафҳо

1. Намояндагони Тарафҳо ҳангоми иҷрои вазифаҳои худ иммунитет ва имтиёзҳои дахлдорро доранд.

Моддаи 7. Раводидҳо 

Тарафҳо барои гирифтани виза барои намояндагон ва ҳайати Котибот мусоидат мекунанд.

Моддаи 8. Таъсир ба ҳуқуқҳо ва уҳдадориҳои дигар 

Ин Конвенсия ба ҳуқуқҳо ва уҳдадориҳои Тарафҳо, ки аз дигар созишномаҳои байналмилалӣ бармеоянд, таъсир намерасонад.

Моддаи 9. Муқаррароти ниҳоӣ 

1. Конвенсияи мазкур барои имзо ба давлатҳои иштирокдори МҲТБО боз аст.

2. Конвенсия пас аз тасвиб ё қабул аз ҷониби 14 давлат эътибор пайдо мекунад.

3. Котибот ҳамчун маҳфуздорандаи ин Конвенсия амал мекунад.

Санади мазкур 8 июни соли 2010 дар шаҳри Истанбул дар як нусхаи асли ба забони англисӣ ба имзо расид.