ҲУКУМАТИ ҶУМҲУРИИ ТОҶИКИСТОН

ҚАРОР 

Мутобиқи моддаи 56 Қонуни Ҷумҳурии Тоҷикистон «Дар бораи санадҳои меъёрии ҳуқуқӣ» Ҳукумати Ҷумҳурии Тоҷикистон қарор мекунад:

Ба Қоидаҳои барасмиятдарорӣ ва додани шиносномаҳои хориҷии дорои ҳомили электронии иттилоот ва шаҳодатномаи бозгашт ба Ҷумҳурии Тоҷикистон ба шаҳрвандони Ҷумҳурии Тоҷикистон, ки бо қарори Ҳукумати Ҷумҳурии Тоҷикистон аз 27 майи соли 2020, № 294 «Дар бораи Қоидаҳои барасмиятдарорӣ ва додани шиносномаҳои хориҷии дорои ҳомили электронии иттилоот ва шаҳодатномаи бозгашт ба Ҷумҳурии Тоҷикистон ба шаҳрвандони Ҷумҳурии Тоҷикистон» тасдиқ шудааст, тағйиру иловаи зерин ворид карда шаванд:

1) дар сархати панҷуми банди 11, сархати чоруми банди 12, сархати сеюми банди 16 ва сархати шашуми банди 60 калимаҳои «расид дар бораи пардохти» ба калимаҳои «маълумот доир ба тариқи ғайринақдӣ пардохт гардидани» иваз карда шаванд;

2) банди 69 бо мазмуни зерин илова карда шавад:

«69. Пардохтҳои марбут ба хизматрасониҳое, ки дар Қоидаҳои мазкур пешбинӣ шудаанд, тариқи ғайринақдӣ амалӣ карда мешаванд.».