Замимаи 1

ба Фармони Президенти

Ҷумҳурии Тоҷикистон

аз "17" июни соли 2010 № 884

Низомнома дар бораи намояндагони ваколатдори (афсарони алоқаи) мақомоти салоҳиятдори Ҷумҳурии Тоҷикистон дар назди Маркази минтақавии ҳамоҳангсозии иттилоотии Осиёи Марказӣ оид ба мубориза бо муомилоти ғайриқонунии воситаҳои нашъадор, моддаҳои психотропӣ ва прекурсорҳои онҳо

(Фармони Президенти ҶТ аз 14.06.2014 № 215)

1. Муқаррароти умумӣ

1) Низомнома дар бораи намояндагони ваколатдори (афсарони алоқаи) мақомоти салоҳиятдори Ҷумҳурии Тоҷикистон дар назди Маркази минтақавии ҳамоҳангсозии иттилоотии Осиёи Марказӣ оид ба мӯбориза бо муомилоти ғайриқонунии воситаҳои нашъадор, моддаҳои психотропӣ ва прекурсорҳои онҳо (минбаъд - Низомнома) бо мақсади татбиқи муқаррароти Созишнома байни Ҷумҳурии Озарбойҷон, Ҷумҳурии Қазоқистон, Ҷумҳурии Қирғизистон, Федератсияи Россия, Ҷумҳурии Тоҷикистон, Туркманистон ва Ҷумҳурии ӯзбекистон дар бораи таъсиси Маркази минтақавии ҳамоҳангсозии иттилоотии Осиёи Марказӣ оид ба мубориза бо муомилоти ғайриқонунии воситаҳои нашъадор, моддаҳои психотропӣ ва прекурсорҳои онҳо аз 16 декабри соли 2006 тасдиқ карда шуда, вазъи ҳуқуқӣ, функсия ва вазифаҳо, ҳамчунин асосҳои ташкилии фаъолияти намояндагони ваколатдори (афсарони алоқаи) мақомоти салоҳиятдори Ҷумҳурии Тоҷикистон (минбаъднамояндагони ваколатдор) дар назди Маркази минтақавии ҳамоҳангсозии иттилоотии Осиёи Марказӣ оид ба мубориза бо муомилоти ғайриқонунии воситаҳои нашъадор, моддаҳои психотропӣ ва прекурсорҳои онҳоро (минбаъд-Марказ) муайян мекунад.

2) Мақомоти салоҳиятдор оид ба мубориза бо муомилоти ғайриқонунии воситаҳои нашъадор, моддаҳои психотропӣ ва прекурсорҳои онҳо инҳоянд:

-Агентии назорати маводи нашъаовари назди Президенти Ҷумҳурии Тоҷикистон;

-Вазорати корҳои дохилии Ҷумҳурии Тоҷикистон;

-Кумитаи давлатии амнияти миллии Ҷумҳурии Тоҷикистон;

-Хадамоти гумруки назди Ҳукумати Ҷумҳурии Тоҷикистон.