ҲУКУМАТИ ҶУМҲУРИИ ТОҶИКИСТОН

ҚАРОР

Дар бораи ворид намудани тағйиру иловаҳо ба қарори Ҳукумати Ҷумҳурии Тоҷикистон аз 28 январи соли 2021, № 5

Мутобики моддаи 56 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

1. Ба қарори Ҳукумати Ҷумҳурии Тоҷикистон аз 28 январи соли 2021, № 5 "Дар бораи грантҳои Президенти Ҷумҳурии Тоҷикистон ҷиҳати дастгирӣ ва рушди фаъолияти соҳибкории занон барои солҳои 2021-2025" тағйиру иловаҳои зерин ворид карда шавад:

1) дар банди 1:

- дар қисмати муқаддимавӣ рақамҳо ва калимаҳои "80" ва "2500000 (ду миллиону панҷсад ҳазор)" мувофиқан ба рақамҳо ва калимаҳои "120" ва "5000000 (панҷ миллион)" иваз карда шуда, пас аз калимаи "занон" калимаҳои ", ки 10 дарсади он барои лоиҳаҳои ба иқлим алоқаманд ҷудо карда мешаванд," илова карда шаванд;

- сархатҳои якум ва дуюм бо мазмуни зерин илова карда шаванд:

"- 20 грант ба андозаи 60000 (шаст ҳазор) сомонӣ;

- 20 грант ба андозаи 50000 (панҷоҳ ҳазор) сомонӣ;";

- дар сархати якум рақам ва калимаҳои "40000 (чил ҳазор)" ба рақам ва калимаҳои "45000 (чилу панҷ ҳазор)" иваз карда шаванд;

- дар сархати дуюм рақам ва калимаҳои "35000 (сию панҷ ҳазор)" ба рақам ва калимаҳои "40000 (чил ҳазор)" иваз карда шаванд;

- дар сархати чорум рақам ва калимаҳои "20000 (бист ҳазор) ба рақам ва калимаҳои "25000 (бисту панҷ ҳазор)" иваз карда шаванд;

2) дар Қоидаҳои ҷудо намудани грантҳои Президенти Ҷумҳурии Тоҷикистон ҷиҳати дастгирӣ ва рушди фаъолияти соҳибкории занон барои солҳои 2021-2025:

- ба банди 3 пас аз калимаи "занон" калимаҳои "лоиҳаҳои ба иқлим алоқаманд" илова карда шавад;

- дар банди 12 рақам ва калимаи "80 (ҳаштод)" ба рақам ва калимаҳои "120 (як саду бист)" иваз карда шавад;

- дар банди 17 калимаҳои "як моҳ" ба рақам ва калимаҳои "45 рӯзи корӣ" иваз карда шаванд.

2. Вазорати молияи Ҷумҳурии Тоҷикистон афзоиши маблағгузории грантҳои Президенти Ҷумҳурии Тоҷикистон ҷиҳати дастгирӣ ва рушди фаъолияти соҳибкории занонро дар соли 2024 аз ҳисоби маблағҳои захиравии буҷети ҷумҳуриявӣ, ки барои рушди соҳаҳои иҷтимоӣ пешбинӣ шудааст, таъмин намояд.