ҲУКУМАТИ ҶУМҲУРИИ ТОҶИКИСТОН

ҚАРОР

Дар бораи ворид намудани тағйирот ба қарори Ҳукумати Ҷумҳурии Тоҷикистон аз 2 декабри соли 2005, № 472

Мутобиқи моддаи 56 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

Ба қарори Ҳукумати Ҷумҳурии Тоҷикистон аз 2 декабри соли 2005, № 472 "Дар бораи тасдиқи андозаи хироҷҳои гумрукӣ барои хизматрасонии гумрукӣ" тағйироти зерин ворид карда шавад:

- дар сархати якуми банди 1 замима ба қарори Ҳукумати Ҷумҳурии Тоҷикистон аз 2 декабри соли 2005, № 472 "Дар бораи тасдиқи андозаи хироҷҳои гумрукӣ барои хизматрасонии гумрукӣ" рақам ва калимаҳои "то 5001 долл.ИМА" ба рақам ва калимаҳои "аз 101 то 5001 долл. ИМА" иваз карда шаванд;

- дар эзоҳи замима ба қарори Ҳукумати Ҷумҳурии Тоҷикистон аз 2 декабри соли 2005, № 472 "Дар бораи тасдиқи андозаи хироҷҳои гумрукӣ барои хизматрасонии гумрукӣ" калимаҳои "барасмиятдарории ордери хазинавии гумрукӣ," хориҷ карда шаванд.