ҲУКУМАТИ ҶУМҲУРИИ ТОҶИКИСТОН

ҚАРОР

Дар бораи ворид намудани тағйиру иловаҳо ба қарори Ҳукумати Ҷумҳурии Тоҷикистон аз 4 октябри соли 2013, №443

Мутобиқи моддаи 56 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

1. Дар ном, муқаддима ва матни қарори Ҳукумати Ҷумҳурии Тоҷикистон аз 4 октябри соли 2013, №443 "Дар бораи таъсиси Комиссияи доимоамалкунандаи байниидоравӣ оид ба муқовимат ба қонунигардонии (расмикунонии) даромадҳои бо роҳи ҷиноят бадастоварда, маблағгузории терроризм ва маблағгузории паҳнкунии силоҳи қатли ом" калимаҳои "қонунигардонии (расмикунонии)" ва "моддаи 14(1)" мувофиқан ба калимаҳои "қонунигардонӣ (расмикунонӣ)-и" ва "моддаи 4" иваз карда шаванд.

2. Замимаи 1 қарори Ҳукумати Ҷумҳурии Тоҷикистон аз 4 октябри соли 2013, №443 "Дар бораи таъсиси Комиссияи доимоамалкунандаи байниидоравӣ оид ба муқовимат ба қонунигардонии (расмикунонии) даромадҳои бо роҳи ҷиноят бадастоварда, маблағгузории терроризм ва маблағгузории паҳнкунии силоҳи қатли ом" дар таҳрири нав тасдиқ карда шавад (замима мегардад).

3. Ба замимаи 2 қарори Ҳукумати Ҷумҳурии Тоҷикистон аз 4 октябри соли 2013, №443 "Дар бораи таъсиси Комиссияи доимоамалкунандаи байниидоравӣ оид ба муқовимат ба қонунигардонии (расмикунонии) даромадҳои бо роҳи ҷиноят бадастоварда, маблағгузории терроризм ва маблағгузории паҳнкунии силоҳи қатли ом" тағйиру иловаҳои зерин ворид карда шаванд:

1) дар ном ва матн калимаҳои "қонунигардонии (расмикунонии)" ба калимаҳои "қонунигардонӣ (расмикунонӣ)-и" иваз карда шаванд;

2) дар банди 3:

- ба сархати сеюм пеш аз калимаи "таҳия" калимаҳои "ҳамоҳангсозии" илова карда шавад;

- сархатҳои нуҳум ва даҳум бо мазмуни зерин илова карда шаванд:

"- ҳамоҳангсозии омӯзиш ва таҳлили тамоюлҳо ва типологияҳо дар соҳаи муқовимат ба қонунигардонӣ (расмикунонӣ)-и даромадҳои бо роҳи ҷиноят бадастоварда, маблағгузории терроризм ва маблағгузории паҳнкунии силоҳи қатли ом;

- ҳамоҳангсозии гузарондани баҳодиҳии хавфҳои маблағгузории терроризм дар сохторҳои ғайритиҷоратӣ, ки аз ҷониби мақомоти назораткунандаи сохторҳои ғайритиҷоратӣ якҷо бо мақоми ваколатдор ва мақомоти ҳифзи ҳуқуқ амалӣ карда мешавад;";

3) дар банди 4:

- дар сархати якум калимаҳои "мутахассисони мақомоти давлатӣ ва коршиносон гурӯҳҳои корие" ба калимаҳои "мутахассисон ва коршиносони мақомоти давлатӣ, корхонаҳо, муассисаҳо ва ташкилотҳо гурӯҳҳои кории муваққатӣ ва доимоамалкунандае" иваз карда шаванд;

- сархатҳои сеюм, чорум ва панҷум бо мазмуни зерин илова карда шаванд:

"- бо мақсади ҳамоҳангсозии фаъолияти мақоми ваколатдор, мақомоти назоратӣ ва субъектҳои ҳисоботдиҳанда шурои комплаенсро таъсис диҳад ва низомномаи онро тасдиқ намояд;

- ҳисобот ва методологияҳои баҳодиҳии хавфҳоро дар соҳаи муқовимат ба қонунигардонӣ (расмикунонӣ)-и даромадҳои бо роҳи ҷиноят бадастоварда, маблағгузории терроризм ва маблағгузории паҳнкунии силоҳи қатли ом омода ва тасдиқ намояд;

- аз рӯйи иҷрои қарорҳои Комиссия дар доираи ваколатҳои худ назорат намояд;";

4) ба банди 5 сархати нуҳум бо мазмуни зерин илова карда шавад:

"- ба аъзои Комиссия дар доираи ваколатҳои худ супориш медиҳад ва иҷрои онро назорат менамояд;";

5) дар банди 20 калимаҳои "мутахассисони мақомоти давлатӣ ва коршиносон гурӯҳҳои корӣ" ба калимаҳои "мутахассисон ва коршиносони мақомоти давлатӣ, корхонаҳо, муассисаҳо ва ташкилотҳо гурӯҳҳои кории муваққатӣ ва доимоамалкунанда" иваз карда шаванд.

Ҳайати Комиссияи доимоамалкунандаи байниидоравӣ оид ба муқовимат ба қонунигардонӣ (расмикунонӣ)-и даромадҳои бо роҳи ҷиноят бадастоварда, маблағгузории терроризм ва маблағгузории паҳнкунии силоҳи қатли ом (мувофиқи вазифа)

Ёрдамчии Президенти Ҷумҳурии Тоҷикистон оид ба масъалаҳои ҳуқуқӣ - роҳбари Комиссия;

Муовини раиси Бонки миллии Тоҷикистон - муовини роҳбари Комиссия;

Директори департаменти мониторинги молиявии назди Бонки миллии Тоҷикистон - котиби Комиссия.

Аъзои Комиссия:

1. Муовини раиси Суди Олии Ҷумҳурии Тоҷикистон (дар мувофиқа);

2. Муовини Прокурори генералии Ҷумҳурии Тоҷикистон;

3. Муовини вазири адлияи Ҷумҳурии Тоҷикистон;

4. Муовини вазири молияи Ҷумҳурии Тоҷикистон;

5. Муовини вазири рушди иқтисод ва савдои Ҷумҳурии Тоҷикистон;

6. Муовини вазири корҳои дохилии Ҷумҳурии Тоҷикистон;

7. Муовини вазири корҳои хориҷии Ҷумҳурии Тоҷикистон;

8. Муовини раиси Кумитаи давлатии амнияти миллии Ҷумҳурии Тоҷикистон;

9. Муовини раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон;

10. Муовини раиси Кумитаи андози назди Ҳукумати Ҷумҳурии Тоҷикистон;

11. Муовини раиси Кумитаи дин, танзими анъана ва ҷашну маросими назди Ҳукумати Ҷумҳурии Тоҷикистон;

12. Муовини директори Агентии назорати давлатии молиявӣ ва мубориза бо коррупсияи Ҷумҳурии Тоҷикистон;

13. Муовини директори Агентии назорати маводи нашъаовари назди Президенти Ҷумҳурии Тоҷикистон;

14. Муовини директори Агентии омори назди Президенти Ҷумҳурии Тоҷикистон;

15. Муовини сардори Хадамоти гумруки назди Ҳукумати Ҷумҳурии Тоҷикистон;

16. Муовини сардори Хадамоти алоқаи назди Ҳукумати Ҷумҳурии Тоҷикистон;

17. Муовини сардори Хадамоти иҷрои назди Ҳукумати Ҷумҳурии Тоҷикистон;

18. Сардори Хадамоти муҳоҷирати Вазорати меҳнат, муҳоҷират ва шуғли аҳолии Ҷумҳурии Тоҷикистон;

19. Муовини директори Агентии амнияти химиявӣ, биологӣ, радиатсионӣ ва ядроии Академияи миллии илмҳои Тоҷикистон;

20. Раиси Ассотсиатсияи бонкҳои Ҷумҳурии Тоҷикистон (дар мувофиқа);

21. Раиси Ассотсиатсияи ташкилотҳои маблағгузории хурди Тоҷикистон (дар мувофиқа);

22. Раиси Ассотсиатсияи миллии ташкилотҳои суғуртавии Тоҷикистон (дар мувофиқа).