ҲУКУМАТИ ҶУМҲУРИИ ТОҶИКИСТОН

ҚАРОР

Дар бораи Тартиби ба номи шахси ҳуқуқӣ дохил кардани ишора ба номи пурра ё мухтасари расмӣ (номи давлат), инчунин ворид намудани чунин нишондод ё унсурҳои рамзҳои давлатӣ дар унсурҳои ҳуҷҷатҳо ё маводди рекламавии шахси ҳуқуқӣ

Мутобиқи моддаи 55 Кодекси мадании Ҷумҳурии Тоҷикистон ва моддаи 57 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

1. Тартиби ба номи шахси ҳуқуқӣ дохил кардани ишора ба номи пурра ё мухтасари расмӣ (номи давлат), инчунин ворид намудани чунин нишондод ё унсурҳои рамзҳои давлатӣ дар унсурҳои ҳуҷҷатҳо ё маводди рекламавии шахси ҳуқуқӣ тасдиқ карда шавад (замима мегардад).

2. Вазорату идораҳои дахлдор иҷрои Тартиби мазкурро таъмин намоянд.

3. Қарори Ҳукумати Ҷумҳурии Тоҷикистон аз 18 июли соли 1996, № 323 "Дар бораи ҷамъоварии боҷ барои истифодаи номҳои "Тоҷикистон", "Ҷумҳурии Тоҷикистон" ва ибораҳои аз онҳо таркибёфта дар номи корхонаю ташкилотҳо ва маҳсулоте, ки онҳо истеҳсол мекунанд" аз эътибор соқит дониста шавад.