ҲУКУМАТИ ҲУКУМАТИ ҶУМҲУРИИ ТОҶИКИСТОН

ҚАРОР

Дар бораи ворид намудани тағйиру илова ба қарори Ҳукумати Ҷумҳурии Тоҷикистон аз 1 ноябри соли 2019, №550

Мутобиқи моддаи 56 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

Ба Тартиби иҷозатдиҳӣ ба идоракунии воситаҳои нақлиёт, ки бо қарори Ҳукумати Ҷумҳурии Тоҷикистон аз 1 ноябри соли 2019, № 550 "Дар бораи Тартиби иҷозатдиҳӣ ба идоракунии воситаҳои нақлиёт" тасдиқ шудааст, тағйиру иловаи зерин ворид карда шаванд:

- банди 13(1) бо мазмуни зерин илова карда шавад:

"13(1). Маблағи хироҷ ва хизматрасониҳое, ки дар Тартиби мазкур пешбинӣ шудаанд, тариқи ғайринақдӣ тавассути ташкилотҳои қарзии молиявӣ ва инфрасохтори дигари қабули пардохтҳои ғайринақдӣ пардохт карда мешавад.";

- дар сархати сеюми банди 16 калимаҳои "расиди (квитансия) пардохти" ба калимаҳои "пардохт шудани" иваз карда шаванд.