ҲУКУМАТИ ҶУМҲУРИИ ТОҶИКИСТОН

ҚАРОР

Дар бораи ворид намудани тағйиру иловаҳо ба қарори Ҳукумати Ҷумҳурии Тоҷикистон аз 28 январи соли 2021, №5

Мутобиқи моддаи 56 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

Ба Қоидаҳои ҷудо намудани грантҳои Президенти Ҷумҳурии Тоҷикистон ҷиҳати дастгирӣ ва рушди фаъолияти соҳибкории занон барои солҳои 2021-2025, ки бо қарори Ҳукумати Ҷумҳурии Тоҷикистон аз 28 январи соли 2021, № 5 "Дар бораи грантҳои Президенти Ҷумҳурии Тоҷикистон ҷиҳати дастгирӣ ва рушди фаъолияти соҳибкории занон барои солҳои 2021-2025" тасдиқ шудааст, тағйиру иловаҳои зерин ворид карда шаванд:

1) дар банди 5 калимаҳои "қарори ҳайати мушовараи" ба калимаҳои "фармоиши раиси" иваз карда шаванд;

2) дар банди 10:

- сархати чорум бо мазмуни зерин илова карда шавад:

"- рӯйхати захиравии довталабони грантиро муайян менамояд;";

- ба сархати панҷум пас аз калимаи "грантиро" калимаҳои "тибқи рӯйхати захиравӣ" илова карда шаванд;

3) ба банди 12 пас аз калимаи "банақшагирифташуда" калимаҳои "баъд аз хулосаи Комиссияи грантӣ" илова карда шаванд;

4) дар бандҳои 13, 14, 21, 23, 24, 26 ва 31 калимаҳои "соҳибкор", "Соҳибкороне", "соҳибкорон", "Соҳибкоре" ва "Соҳибкор" мувофиқан ба калимаҳои "грантгиранда", "Грантгирандагоне", "грантгирандагон", "Грантгирандае" ва "Грантгиранда" иваз карда шаванд;

5) дар банди 27 калимаҳои "Соҳибкор" ва "соҳибкор" мувофиқан ба калимаҳои "Грантгиранда" ва "грантгиранда" иваз карда шуда, калимаи "соҳибкории" хориҷ карда шавад.