ҲУКУМАТИ ҶУМҲУРИИ ТОҶИКИСТОН

ҚАРОР

Дар бораи ворид намудани тағйироту илова ба қарори Ҳукумати Ҷумҳурии Тоҷикистон аз 5 марти соли 2008, №106 ва аз эътибор соқит донистани қарори Ҳукумати Ҷумҳурии Тоҷикистон аз 6 июни соли 2003, №261

Мутобиқи моддаҳои 56 ва 57 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

1. Ба қарори Ҳукумати Ҷумҳурии Тоҷикистон аз 5 марти соли 2008, №106 "Оид ба тасдиқи Низомнома дар бораи намунаи либоси хизматии шахсони мансабдор, ки назорати давлатии байториро амалӣ менамоянд" тағйиру иловаи зерин ворид карда шаванд:

- дар ном ва банди 1 калимаи "байториро" ба калимаҳои "байторӣ ва карантинию фитосанитариро" иваз карда шавад;

- дар муқаддима рақами "11" ба рақами "3" иваз гардида, пеш аз калимаҳои "Ҳукумати Ҷумҳурии Тоҷикистон" калимаҳои "ва моддаи 32 Қонуни Ҷумҳурии Тоҷикистон "Дар бораи карантин ва муҳофизати растаниҳо" илова карда шаванд.

2. Ба Низомнома дар бораи намунаи либоси хизматии шахсони мансабдор, ки назорати давлатии байториро амалӣ менамоянд, ки бо қарори Ҳукумати Ҷумҳурии Тоҷикистон аз 5 марти соли 2008, №106 "Оид ба тасдиқи Низомнома дар бораи намунаи либоси хизматии шахсони мансабдор, ки назорати давлатии байториро амалӣ менамоянд" тасдиқ шудааст, тағйироти зерин ворид карда шаванд:

- дар ном калимаи "байториро" ба калимаҳои "байторӣ ва карантинию фитосанитариро" иваз карда шавад;

- дар банди 1 ва бобҳои II, III, VI ва VIII калимаҳои "байториро дар Ҷумҳурии Тоҷикистон анҷом медиҳанд", "байториро дар Ҷумҳурии Тоҷикистон амалӣ менамоянд" ва "байториро Ҷумҳурии Тоҷикистон анҷом медиҳанд" мувофиқан ба калимаҳои "байторӣ ва карантинию фитосанитариро амалӣ менамоянд" иваз карда шаванд;

- дар банди 2 калимаҳои "байториро ба ӯҳда доранд" ба калимаҳои "байторӣ ва карантинию фитосанитариро дар Кумитаи бехатарии озуқавории назди Ҳукумати Ҷумҳурии Тоҷикистон (минбаъд - Кумита) амалӣ менамоянд" иваз карда шаванд;

- дар сархати сеюми банди 4 калимаҳои "раёсати назорати давлатии байторӣ" ба калимаҳои "раёсати Кумита" иваз карда шаванд;

- дар зербандҳои а), б), д), ж), и), л), н) банди 18 ва зербандҳои а), в), г), д) ва з) банди 19 калимаҳои "хадамоти давлатии байтории Ҷумҳурии Тоҷикистон" ва "сардори хадамоти давлатии байтории Ҷумҳурии Тоҷикистон" мувофиқан ба калимаҳои "Кумита" ва "раиси Кумита" иваз карда шаванд;

- дар зербанҳои б), в), д), л) банди 20 ва бандҳои 21, 22, 24 ва 28 калимаҳои "хадамоти давлатии байтории Ҷумҳурии Тоҷикистон", "хадамоти давлатии байтории ҷумҳурӣ", "хадамоти давлатии байторӣ" ва "Назорати давлатии байторӣ" мувофиқан ба калимаҳои "Кумита" ва "Назорати давлатии байторӣ ва фитосанитарию карантинӣ" иваз карда шаванд;

- банди 23 дар таҳрири зерин ифода карда шавад:

"23. Аломатҳои китфӣ шакли чоркунҷа, тарафҳои паҳлуии мувозеҳ ва лаби болоии гирд дошта, дарозии онҳо 14-16 см ва барашон 5 см мебошад. Аломатҳои фарқкунанда аз матои ранги кабуд тайёр карда мешаванд. Таги аломатҳои фарқкунанда барои ҳайати олӣ аз шерози бофти махсус тайёр карда мешавад, таги аломатҳо барои ҳайати олӣ ва хурд суфта мебошад. Дар таги аломатҳо барои ҳайати олӣ ситораҳои зардӯзии байнашон нуқрагун бо андозаи 20 мм, таги аломатҳо барои ҳайати олӣ ду рахи кӯндаланги нуқрагуни 5-7 мм ва ситораҳои металии нуқрагуни андозаашон 20 мм ҷойгир карда мешаванд. Масофаи байни рахҳо 5 мм мебошад. Таги аломатҳои китфӣ барои ҳайати хурд аз як рахи кӯндаланги нуқрагун дар масофаи 10 мм аз лаби поёнии аломат иборат буда, дар болояш ситораҳои металии андозаашон 13 мм дорад. Ситораҳои аломатҳои китфӣ қад-қади рахи марказии аломати китфӣ ҷойгир мешаванд. Аломатҳои китфӣ гирдогирди лабҳо, ба ғайр аз лаби поёнӣ мағзӣ доранд. Дар қисми болоии аломатҳои китфӣ аломати Кумита ҷойгир аст. Аломатҳои китфӣ дар ду шакл тайёр мешаванд: аз рӯй дӯхташуда барои костюмҳои мардонаю занона ва остини ҷудошаванда барои қисмҳои дигари либоси расмӣ.

Аломатҳои фарқкунандаи китфӣ муқаррар карда мешаванд:

- барои раиси Кумита - 3 ситораи зардӯзии байнашон нуқрагун бо андозаи 20 мм;

- барои муовини якуми раиси Кумита - 2 ситораи зардӯзии байнашон нуқрагун бо андозаи 20 мм;

- барои муовини раиси Кумита - 1 ситораи зардӯзии байнаш нуқрагун бо андозаи 20 мм;

- барои сардорони раёсатҳои дастгоҳи марказии Кумита - 2 рахи кӯндаланг бо 3 ситорачаи андозаашон 20 мм;

- барои муовинони сардорони раёсатҳо, шуъбаҳои мустақили дастгоҳи марказии Кумита ва сардорони раёсатҳои Кумита дар сарҳади давлатӣ ва нақлиёт, Вилояти Мухтори Кӯҳистони Бадахшон, вилоятҳо, шаҳри Душанбе ва шаҳру ноҳияҳои тобеи ҷумҳурӣ - 2 рахи кӯндаланг бо 2 ситорачаи андозаашон 20 мм;

- барои сардорони шуъбаҳо ва мудирони бахшҳои дастгоҳи марказии Кумита, муовинони сардорони раёсатҳо ва сардорони шуъбаҳои раёсати Кумита дар сарҳади давлатӣ ва нақлиёт, Вилояти Мухтори Кӯҳистони Бадахшон, вилоятҳо, шаҳри Душанбе ва шаҳру ноҳияҳои тобеи ҷумҳурӣ ва сардорони марказҳои таъминоти бехатарии озуқаворӣ дар шаҳру ноҳияҳои ҷумҳурӣ - 2 рахи кӯндаланг бо 1 ситорачаи андозаашон 20 мм;

- барои сармутахассисони дастгоҳи марказии Кумита, мудирони бахшҳои раёсати Кумита дар сарҳади давлатӣ ва нақлиёт, Вилояти Мухтори Кӯҳистони Бадахшон, вилоятҳо, шаҳри Душанбе ва шаҳру ноҳияҳои тобеи ҷумҳурӣ, сардорони шуъбаҳои марказҳои таъминоти бехатарии озуқаворӣ дар шаҳру ноҳияҳои ҷумҳурӣ ва сардорони нуқтаҳои назорати давлатии бехатарии озуқаворӣ дар сарҳад ва нақлиёт - 1 рахи кӯндаланг бо 4 ситорачаи андозаашон 13 мм;

- барои мутахассисони пешбари дастгоҳи марказии Кумита, сармутахассисони раёсати Кумита дар сарҳади давлатӣ ва нақлиёт, Вилояти Мухтори Кӯҳистони Бадахшон, вилоятҳо, шаҳри Душанбе ва шаҳру ноҳияҳои тобеи ҷумҳурӣ - 1 рахи кӯндаланг бо 3 ситорачаи андозаашон 13 мм;

- барои мутахассисони дастгоҳи марказии Кумита, мутахассисони пешбари раёсатҳои Кумита дар сарҳади давлатӣ ва нақлиёт, Вилояти Мухтори Кӯҳистони Бадахшон, вилоятҳо, шаҳри Душанбе ва шаҳру ноҳияҳои тобеи ҷумҳурӣ, сармутахассисони марказҳои таъминоти бехатарии озуқаворӣ дар шаҳру ноҳияҳо ва нуқтаҳои назорати давлатии бехатарии озуқаворӣ дар сарҳад ва нақлиёт - 1 рахи кундаланг бо 2 ситорачаи андозааш 13 мм;

- барои мутахассисони раёсатҳои Кумита дар сарҳади давлатӣ ва нақлиёт, Вилояти Мухтори Кӯҳистони Бадахшон, вилоятҳо, шаҳри Душанбе ва шаҳру ноҳияҳои тобеи ҷумҳурӣ, мутахассисони пешбари марказҳои таъминоти бехатарии озуқаворӣ дар шаҳру ноҳияҳо ва нуқтаи назорати давлатии бехатарии озуқаворӣ дар сарҳад ва нақлиёт - 1 рахи кундаланг бо 1 ситорачаи андозааш 13 мм;

- барои мутахассисони марказҳои таъминоти бехатарии озуқаворӣ дар шаҳру ноҳияҳо ва нуқтаи назорати давлатии бехатарии озуқаворӣ дар сарҳад ва нақлиёт - 1 рахи кундаланг.

Барои фарқ намудани шахсони мансабдор, ки назорати давлатии байторӣ ва карантинию фитосанитариро амалӣ менамоянд, хангоми иҷрои вазифаи хизматӣ бо либоси хизматӣ ва махсуси расмӣ аломати сариостинии Кумита дар шакли сипари фосиладори нуқрагун бо таги хокистаранги сиёҳтоб, бо тасвири доираи нуқрагуни гирдаш сабзи салиби ранги кабуд часпонда мешавад. Дар мобайни салиб тасвири ҷоми нуқрагун бо мор ҷойгир карда шудааст. Аломат аз чанбараки баргҳои дарахти булути нуқрагун, дар қисми поён дар ҷои ҳамдигарро буридани чамбарак навиштаҷоти нуқрагун аз боло "Кумитаи бехатарии озуқавории назди Ҳукумати Ҷумҳурии Тоҷикистон" ва аз поён "Комитет продовольственной безопасности при Правительстве Республики Таджикистан" иборат аст. Аломати сариостинӣ дар қисми берунии остини чап дар масофаи 80 мм аз нуқтаи болоии остин то аломат ҷойгир мешавад.";

- дар номи боби IV калимаҳои "Хадамоти назорати давлатии байторӣ" ба калимаи "Кумита" иваз карда шаванд;

- боби V дар таҳрири зерин ифода карда шавад:

"V. Аз рӯйи мансаб ба гурӯҳҳо тақсим намудани шахсони мансабдори Кумита

25. Аз рӯйи мансаб шахсони мансабдори Кумита ба гурӯҳҳои зерин тақсим мешаванд:

- раис, муовини якуми раис, муовини раиси Кумита - ҳайати роҳбарикунанда;

- сардорони раёсатҳо ва муовинони онҳо, сардорони шуъбаҳои мустақили дастгоҳи марказӣ ва мудирони бахши Кумита, сардорони раёсатҳои Кумита дар сарҳади давлатӣ ва нақлиёт, Вилояти Мухтори Кӯҳистони Бадахшон, вилоятҳо, шаҳри Душанбе ва шаҳру ноҳияҳои тобеи ҷумҳурӣ, сардорони марказҳои таъминоти бехатарии озуқаворӣ дар шаҳру ноҳияҳои ҷумҳурӣ - ҳайати калони нозиротӣ;

- сармутахассисон ва мутахассисони пешбари дастгоҳи марказии Кумита, сардорони шуъбаҳо, мудирони бахшҳо ва сармутахассисони мақомоти ҳудудии бехатарии озуқаворӣ - ҳайати миёнаи нозиротӣ;

- мутахассисони дастгоҳи марказии Кумита, мутахассисони пешбар ва мутахассисони мақомоти ҳудудии бехатарии озуқаворӣ - ҳайати хурди нозиротӣ.";

- аз банди 29 калимаҳои "барои нозирони давлатии байторӣ" хориҷ карда шаванд.

3. Қарори Ҳукумати Ҷумҳурии Тоҷикистон аз 6 июни соли 2003, №261 "Дар хусуси тасдиқи тавсифи парчам, нишони сарисинагӣ, рамз, эмблема, намунаҳо ва низомномаи либоси расмии шахсони мансабдори Хадамоти давлатии карантини растаниҳои Ҷумҳурии Тоҷикистон" аз эътибор соқит дониста шавад.