ФАРМОНИ ПРЕЗИДЕНТИ ҶУМҲУРИИ ТОҶИКИСТОН

Дар бораи ворид намудани тағйироту илова ба фармони Президенти Ҷумҳурии Тоҷикистон аз 25 ноябри соли 2015, № 587

Мутобиқи моддаи 56 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" фармон медиҳам:

1. Дар ном, муқаддима ва банди 1 фармони Президенти Ҷумҳурии Тоҷикистон аз 25 ноябри соли 2015, № 587 "Дар бораи Низомномаи ҳамоҳангсозии фаъолияти мақомоти мубориза бар зидди коррупсия" калимаҳои "мақомоти мубориза бар зидди коррупсия" ба калимаҳои "субъектҳои муқовимат ба коррупсия" иваз карда шаванд.

2. Ба Низомномаи ҳамоҳангсозии фаъолияти мақомоти мубориза бар зидди коррупсия, ки бо фармони Президенти Ҷумҳурии Тоҷикистон аз 25 ноябри соли 2015, № 587 "Дар бораи Низомномаи ҳамоҳангсозии фаъолияти мақомоти мубориза бар зидди коррупсия" тасдиқ шудааст, тағйироту иловаи зерин ворид карда шаванд:

1) дар ном, бандҳои 1, 4, қисми муқаддимавии банди 5, бандҳои 11 ва 20 калимаҳои "мақомоти мубориза бар зидди коррупсия" ба калимаҳои "субъектҳои муқовимат ба коррупсия" иваз карда шаванд;

2) дар банди 2 калимаҳои "мақомоти мубориза бар зидди коррупсия", "Дар бораи мубориза бар зидди коррупсия" ва "мубориза бо коррупсия" мувофиқан ба калимаҳои "субъектҳои муқовимат ба коррупсия", "Дар бораи муқовимат ба коррупсия" ва "муқовимат ба коррупсия" иваз карда шуда, калимаи "(Сарқонуни)" хориҷ карда шавад;

3) банди 3 дар таҳрири зерин ифода карда шавад:

"3. Бо мақсади баланд бардоштани самаранокии муқовимат ба коррупсия дар Ҷумҳурии Тоҷикистон Агентии назорати давлатии молиявӣ ва мубориза бо коррупсияи Ҷумҳурии Тоҷикистон (минбаъдАгентӣ) фаъолияти субъектҳои муқовимат ба коррупсияро ҷиҳати пешбурди кори таҳлилӣ, пешгирӣ, сари вақт ошкор намудану тафтиш кардани ҷиноятҳои коррупсионӣ, иқтисодии хусусияти коррупсионидошта ва ба андоз алоқаманд, инчунин бартараф намудани сабабу шароитҳои ба онҳо мусоидаткунанда ҳамоҳанг месозад. Бо ин мақсадҳо дар назди Агентӣ аз ҳисоби намояндагони мақомоти дахлдор Шӯрои ҳамоҳангсозии фаъолияти субъектҳои муқовимат ба коррупсия (минбаъад - Шӯро) таъсис дода мешавад.";

4) дар банди 6:

- дар қисми муқаддимавӣ калимаҳои "мақомоти мубориза бар зидди коррупсия" ба калимаҳои "субъектҳои муқовимат ба коррупсия" иваз карда шаванд;

- дар сархати панҷум калимаҳои "мубориза бар зидди" ба калимаҳои "муқовимат ба" иваз карда шаванд;

5) дар банди 7:

- дар қисми муқаддимавӣ, сархатҳои сеюм ва ҳафтум калимаҳои "мақомоти мубориза бар зидди коррупсия" ба калимаҳои "субъектҳои муқовимат ба коррупсия" иваз карда шаванд;

- дар сархати чорум калимаҳои "мубориза бар зидди" ба калимаҳои "муқовимат ба" иваз карда шаванд;

6) дар сархатҳои сеюм, шашум ва ҳафтуми банди 8 калимаҳои "мубориза бар зидди" ва "мақомоти мубориза бар зидди коррупсия" мувофиқан ба калимаҳои "муқовимат ба" ва "субъектҳои муқовимат ба коррупсия" иваз карда шаванд;

7) дар банди 9:

- дар сархати дуюм калимаҳои "зарур, вале на камтар аз як маротиба дар шаш моҳ бевосита" ба калимаи "зарурӣ" иваз карда шавад;

- дар сархати шашум калимаҳои "мақомоти ваколатдори мубориза бар зидди коррупсия" ба калимаҳои "субъектҳои муқовимат ба коррупсия" иваз карда шаванд;

- дар сархатҳои ҳаштум ва нуҳум калимаҳои "мубориза бо" ва "мубориза бар зидди" ба калимаҳои "муқовимат ба" иваз карда шаванд;

8) банди 12 дар таҳрири зерин ифода карда шавад:

"12. Ба ҳайати Шӯрои ҳамоҳангсозӣ директори Агентӣ (раиси Шӯро) ва роҳбарони аввали Прокуратураи генералии Ҷумҳурии Тоҷикистон, Вазорати корҳои дохилии Ҷумҳурии Тоҷикистон, Вазорати мудофиаи Ҷумҳурии Тоҷикистон, Кумитаи давлатии амнияти миллии Ҷумҳурии Тоҷикистон, Агентии назорати маводи нашъаовари назди Президенти Ҷумҳурии Тоҷикистон, Гвардияи миллии Ҷумҳурии Тоҷикистон ва Хадамоти гумруки назди Ҳукумати Ҷумҳурии Тоҷикистон (аъзои Шӯро), шомил мешаванд ва ҳуқуқҳои баробар доранд.";

9) бандҳои 15 ва 16 дар таҳрири зерин ифода карда шаванд:

"15. Дар ҷаласаҳои Шӯро дар мувофиқа бо раиси Шӯро метавонанд тибқи тартиби муқарраргардида дигар шахсони мансабдори субъектҳои муқовимат ба коррупсия ширкат намоянд.

16. Барои иштирок ва омода намудани масъалаҳои дар Шӯро баррасишаванда метавонанд намояндагони ташкилотҳои ҷамъиятӣ, байналмилалӣ, воситаҳои ахбори омма, кормандони илмию омузгорӣ, инчунин намояндагони мақомоти давлатии дигар ҷалб карда шаванд.";

10) дар банди 21 калимаҳои "Агентии назорати давлатии молиявӣ ва мубориза бо коррупсияи Ҷумҳурии Тоҷикистон ва Котиботи Шӯро" ба калимаҳои "Агентӣ, Котиботи Шӯро ва сарчашмаҳои дигари маблағгузорӣ, ки қонунгузорӣ манъ накардааст," иваз карда шаванд;

11) банди 22 дар таҳрири зерин ифода карда шавад:

"22. Котиботи Шӯро аз ҳисоби намояндагони мақомоти дар банди 12 Низомнома пешбинигардида бо қарори Шӯро таъсис дода мешавад. Роҳбарии Котиботи Шӯро ба зиммаи Котиби масъули Шӯро, ки аз ҳисоби кормандони Агентӣ аз ҷониби раиси Шӯро таъин мегардад, вогузор карда шуда, Котиботи Шӯроро назорат мебарад ва барои пешбурди фаъолияти он масъул мебошад.";

12) ба банди 23 сархати шашум бо мазмуни зерин илова карда шавад:

"- лоиҳаи ҳуҷҷатҳоро оид ба масъалаҳои дар Шӯро баррасишаванда, ки аз ҷониби мақомот ё гурӯҳи корӣ тариқи ташаббус пешниҳод гардидаанд, омода менамояд;";

13) боби 9 хориҷ карда шавад.