ҲУКУМАТИ ҶУМҲУРИИ ТОҶИКИСТОН

ҚАРОР

Дар бораи ворид намудани тағйирот ба қарори Ҳукумати Ҷумҳурии Тоҷикистон аз 23 октябри соли 1999, №441

Мутобиқи моддаи 56 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

Ба Тартиби бақайдгирии давлатии воситаҳои механикии нақлиёт ва ядакҳо, ки бо қарори Ҳукумати Ҷумҳурии Тоҷикистон аз 23 октябри соли 1999, № 441 "Дар бораи тасдиқи Тартиби бақайдгирии давлатии воситаҳои механикии нақлиёт ва ядакҳо" тасдиқ шудааст, тағйироти зерин ворид карда шавад:

- аз банди 26 калимаҳои "ва аломатҳои қайди давлатӣ" хориҷ карда шаванд;

- ҷумлаҳои якум ва дуюми банди 53 хориҷ карда шаванд;

- аз банди 74 калимаҳои "(ба истиснои аломатҳои бақайдгирии дар музояда бурдкардашуда, ки муҳлати нигоҳдориашон аз лаҳзаи супоридан 12 моҳ пешбинӣ шудааст)" ва ҷумлаи чорум хориҷ карда шаванд;

- номи боби 6 дар таҳрири зерин ифода карда шавад:

"VI. Додани нусхаҳои дуюми ҳуҷҷатҳои бақайдгирӣ ва аломатҳои бақайдгирии нав";

- бандҳои 89 ва 91 дар таҳрири зерин ифода карда шаванд:

"89. Ҳангоми додани нусхаҳои дуюми ҳуҷҷатҳои бақайдгирӣ амалҳои дар банди 18 ҳамин Тартиб пешбинишуда анҷом дода мешаванд.

91. Додани нусхаҳои дуюми аломатҳои бақайдгирӣ манъ аст.";

- банди 115 хориҷ карда шавад.