ҲУКУМАТИ ҶУМҲУРИИ ТОҶИКИСТОН

ҚАРОР

Дар бораи Барномаи ислоҳоти низоми адолати судӣ нисбат ба кӯдакон барои солҳои 2023-2027

Мутобиқи моддаҳои 4 ва 12 Қонуни Ҷумҳурии Тоҷикистон "Дар бораи банақшагирии стратегӣ ва дурнамосозии давлатӣ" Ҳукумати Ҷумҳурии Тоҷикистон қарор мекунад:

1. Барномаи ислоҳоти низоми адолати судӣ нисбат ба кӯдакон барои солҳои 2023-2027 ва Нақшаи амал барои солҳои 2023-2025 оид ба иҷрои Барномаи ислоҳоти низоми адолати судӣ нисбат ба кӯдакон барои солҳои 2023-2027 тасдиқ карда шаванд (замимаҳои 1 ва 2).

2. Вазорати адлияи Ҷумҳурии Тоҷикистон:

- ҳамоҳангсози Барномаи мазкур муайян карда шуда, якҷо бо вазорату идораҳои дахлдор ҷиҳати амалисозии он дар доираи маблағҳои ғайрибуҷетӣ чораҳои зарурӣ андешад;

- оид ба рафти иҷрои Барномаи мазкур ҳар сол то 1 феврал ба Ҳукумати Ҷумҳурии Тоҷикистон ҳисобот пешниҳод намояд.