ҲУКУМАТИ ҶУМҲУРИИ ТОҶИКИСТОН

ҚАРОР

Дар бораи ворид намудани тағйиру иловаҳо ба қарори Ҳукумати Ҷумҳурии Тоҷикистон аз 2 апрели соли 2015, №187

Мутобиқи моддаи 56 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

1. Ба қарори Ҳукумати Ҷумҳурии Тоҷикистон аз 2 апрели соли 2015, № 187 "Дар бораи Вазорати молияи Ҷумҳурии Тоҷикистон" тағйиру иловаҳои зерин ворид карда шаванд:

1) дар банди 2 рақамҳои "281" ва "1470" мувофиқан ба рақамҳои "305" ва "1457" иваз карда шаванд;

2) банди 4 хориҷ карда шавад;

3) дар банди 5 калимаҳои "давлатии "Донишкадаи" ба калимаҳои "Донишгоҳи давлатии" иваз карда шаванд;

4) банди 6 хориҷ карда шавад.

2. Дар замимаи 1:

1) дар банди 1 калимаҳои "марказии ҳокимияти иҷроия дар таркиби Ҳукумати Ҷумҳурии Тоҷикистон мебошад, ки" ва "асъорӣ" мувофиқан ба калимаҳои "иҷроияи марказии ҳокимияти давлатӣ буда," ва "гаравхона, бизнеси бозӣ" иваз карда шаванд;

2) дар банди 2 калимаҳои "Агентии рушди бозори коғазҳои қиматнок ва бақайдгирии махсусгардонидашуда" ба калимаҳои "Агентии коғазҳои қиматнок ва бақайдгирии махсус" иваз карда шаванд;

3) бандҳои 3 ва 4 дар таҳрири зерин ифода карда шаванд:

"3. Вазорат фаъолияти худро дар ҳамкорӣ бо мақомоти намояндагӣ, мақомоти иҷроияи марказии ҳокимияти давлатӣ, мақомоти иҷроияи маҳаллии ҳокимияти давлатӣ, мақомоти худидоракунии шаҳрак ва деҳот, ташкилотҳои байналмилалӣ, шахсони ҳуқуқӣ, новобаста аз шакли моликият, амалӣ мегардонад.

4. Вазорат фаъолияти худро дар асоси Конститутсияи Ҷумҳурии Тоҷикистон, қонунҳои конститутсионӣ, кодексҳо, қонунҳо, қарорҳои якҷояи Маҷлиси миллӣ ва Маҷлиси намояндагони Маҷлиси Олии Ҷумҳурии Тоҷикистон, қарорҳои Маҷлиси миллӣ ва Маҷлиси намояндагони Маҷлиси Олии Ҷумҳурии Тоҷикистон, фармонҳо ва амрҳои Президенти Ҷумҳурии Тоҷикистон, қарорҳо ва фармоишҳои Ҳукумати Ҷумҳурии Тоҷикистон, санадҳои ҳуқуқии байналмилалии эътирофнамудаи Ҷумҳурии Тоҷикистон, санадҳои меъёрии ҳуқуқии дигар ва Низомномаи мазкур ба роҳ мемонад.";

4) дар номи боби II калимаи "Ваколатҳои" ба калимаҳои "Ваколатҳо ва вазифаҳои" иваз карда шавад;

5) дар банди 5:

- сархати якум дар таҳрири зерин ифода карда шавад:

"- таҳия ва татбиқи сиёсати буҷету андоз, баҳисобгирии муҳосибӣ, ҳисоботи молиявӣ, фаъолияти аудиторӣ, хазинадории марказӣ, суғурта, гаравхона, бизнеси бозӣ, пардохтҳои гумрукӣ, муомилоти металлҳои қиматбаҳо ва сангҳои қиматбаҳо, бозори молиявӣ, коғазҳои қиматнок ва сиёсати дигари ба зиммаи мақомоти молия гузошташуда, иштирок дар таҳияи сиёсати сармоягузорӣ, нарх, пулию қарзӣ ва асъорӣ;";

- сархатҳои дуюм, сеюм, чорум, панҷум ва шашум бо мазмуни зерин илова карда шаванд:

"- ҳамоҳангсозии фаъолияти мақомоти иҷроияи ҳокимияти давлатӣ оид ба иҷро ва риояи қонунгузории андозу гумрук, назорати ҳисоби дуруст, пурра ва сари вақт ба буҷети давлатӣ ва фондҳои давлатӣ ворид намудани андозҳо, боҷҳои гумрукӣ ва пардохтҳои дигари ҳатмӣ;

- таъмини амалисозии сиёсати ягонаи давлатӣ дар соҳаи молияи давлатӣ;

- таҳияи стратегияҳои миёнамуҳлати идоракунии қарзи давлатии Ҷумҳурии Тоҷикистон;

- муайян намудани самтҳои афзалиятнок ва амалӣ намудани ислоҳоти идоракунии қарзи давлатии Ҷумҳурии Тоҷикистон барои давраи миёнамуҳлат;

- аз ҳисоби маблағҳои буҷети давлатии дар соли молиявии ҷорӣ барои ташкилотҳои буҷетӣ пешбинишуда пардохт намудани қарзҳои кредитории онҳо аз рӯйи уҳдадориҳои мутобиқи қонунгузории Ҷумҳурии Тоҷикистон қабул кардашуда;";

- дар сархати чорум калимаҳои "самарабахши оперативии" ба калимаҳои "самарабахшу фаврии" иваз карда шаванд;

- дар сархати шашум калимаҳои "баҳисобгирӣ ва ҳисоботи муҳосибӣ" ба калимаҳои "баҳисобгирии муҳосибӣ ва ҳисоботи молиявӣ" иваз карда шаванд;

- дар сархати ҳафтум калимаҳои "истифодаи онҳо ва хароҷот, қонунан" ба калимаҳои "истифода ва хароҷоти онҳо" иваз карда шаванд;

- дар сархати ҳаштуми банди мазкур ва сархати сию панҷуми банди 6 калимаҳои "автоматикунонидашудаи хазинадории" ба калимаҳои "иттилоотии идоракунии молияи" иваз карда шаванд;

- дар сархати даҳум калимаҳои "такмили шаклҳои" ба калимаҳои "амалӣ намудани" иваз карда шаванд;

- аз сархати ёздаҳум калимаҳои ", ки рушди иқтисоди кишвар ва баланд бардоштани сатҳи некӯаҳволии мардумро таъмин менамояд" хориҷ карда шаванд;

- аз сархати сенздаҳум калимаҳои "дар бозори маблағҳо" хориҷ карда шаванд;

- дар сархати ҳаждаҳум калимаи "инфраструктураи" ба калимаи "инфрасохтори" иваз карда шавад;

- дар сархати бистум калимаҳои "лотереяҳои ҷумҳуриявӣ" ба калимаи "лотереяҳо" иваз карда шаванд;

- сархатҳои сиву якум, сиву дуюм ва сиву сеюм бо мазмуни зерин илова карда шаванд:

"- пешбурди махзани маълумоти воҳидҳои сохтории аудити дохилии ташкилотҳои бахши давлатӣ ва феҳристи аудитороне, ки бомуваффақият аз санҷиши тахассусии аудиторҳои дохилӣ дар бахши давлатӣ гузаштаанд;

- пешбурди феҳристи давлатии бақайдгирии аудитороне, ки дорои шаҳодатномаи тахассусии аудиторӣ ва иҷозатнома барои фаъолияти аудиторӣ мебошанд;

- амалӣ намудани назорати берунаи сифати аудити ташкилотҳои аудиторӣ, аудиторони инфиродӣ ва ташкилотҳои касбии аудиторӣ;";

- дар сархати сиву чорум калимаи "Вазорат" ба калимаи "молия" иваз карда шавад;

- сархати сиву панҷум хориҷ карда шавад;

- дар сархати сиву ҳафтум калимаҳои "соҳаи андоз" ба калимаҳои "соҳаҳои буҷет, андоз, пардохтҳои гумрукӣ, баҳисобгирии муҳосибӣ ва ҳисоботи молиявӣ, хазинадории марказӣ, суғурта, гаравхона, муомилоти металлҳои қиматбаҳо ва сангҳои қиматбаҳо, бозори молиявӣ, коғазҳои қиматнок ва самтҳои дигари ба зиммаи мақомоти молия гузошташуда" иваз карда шаванд;

- сархати сиву нуҳум дар таҳрири зерин ифода карда шавад:

"- татбиқи сиёсати ягонаи давлатӣ дар соҳаи суғурта;";

- дар сархати чилу якум калимаҳои "молиявиашонро барои соли пешбинишуда ва" ба калимаи "молиявӣ," иваз карда шавад;

- дар сархати чилу дуюм калимаи "таъмини" ба калимаҳои "ба роҳ мондани" иваз карда шавад;

- дар сархати чилу сеюм калимаҳои "ва маблағгузории терроризм" ба калимаҳои ", маблағгузории терроризм ва маблағгузории паҳнкунии силоҳи қатли ом" иваз карда шаванд;

- дар сархати чилу панҷум пас аз калимаи "қиматнок" калимаҳои ", истеҳсоли ҳуҷҷатҳо ва варақаҳои баҳисобгирию ҳисоботии қатъӣ" илова карда шаванд;

- сархатҳои чилу шашум ва чилу ҳафтум бо мазмуни зерин илова карда шаванд:

"- татбиқи сиёсати давлатӣ дар соҳаи фаъолияти гаравхонаҳо ва танзими он;

- татбиқи сиёсати давлатӣ дар соҳаи бизнеси бозӣ ва танзими он;";

- сархати чилу шашум дар таҳрири зерин ифода карда шавад:

"- амалӣ намудани ваколатҳои дигар тибқи санадҳои меъёрии ҳуқуқии Ҷумҳурии Тоҷикистон.";

6) дар банди 6:

- дар муқаддима калимаҳои "вазифаҳои" ва "ваколатҳои" мувофиқан ба калимаҳои "ваколатҳои" ва "вазифаҳои" иваз карда шаванд;

- сархати дуюм хориҷ карда шавад;

- аз сархати ҳафтум калимаҳои "буҷетӣ, аз ҷумла бо" хориҷ карда шуда, пас аз калимаи "институтҳои" калимаи "молиявию" илова карда шавад;

- дар сархати нуҳум калимаҳои "ва андоз" ба калимаҳои ", андоз, пардохтҳои гумрукӣ, баҳисобгирии муҳосибӣ ва ҳисоботи молиявӣ, хазинадории марказӣ, суғурта, гаравхона, муомилоти металлҳои қиматбаҳо ва сангҳои қиматбаҳо, бозори молиявӣ, коғазҳои қиматнок ва самтҳои дигари ба зиммаи мақомоти молия гузошташуда" иваз карда шаванд;

- сархати ёздаҳум бо мазмуни зерин илова карда шавад:

- аудиторони мақомоти молияро дар барои гузарондани чорабиниҳои аудиторӣ тибқи дархости мақомоти дигари давлатӣ сафарбар менамояд;";

- дар сархати дувоздаҳум калимаҳои "андози давлатӣ" ба калимаи "андоз" иваз карда шаванд;

- дар сархати сенздаҳум калимаи "давлатро" ба калимаи "давлатиро" иваз карда шавад;

- дар сархати чордаҳум пас аз калимаи "баҳисобгирии" калимаҳои "ҳиссаи давлат аз фаъолияти муштарак ва" илова карда шуда, калимаи "ломбардҳо" ба калимаи "гаравхонаҳо" иваз ва калимаҳои "фаъолияти суғуртавӣ" хориҷ карда шаванд;

- дар сархати понздаҳум калимаҳои "лотереяҳои ҷумҳуриявиро" ба калимаҳои "лотерея, иқдом ва бозиҳои бурднокро" иваз карда шаванд;

- сархати бистум дар таҳрири зерин ифода карда шавад:

"- пешбурди фаъолият оид ба грантҳои ҷалбшуда ва қарзҳои берунӣ, аз ҷумла меъёри фоиз, лимит ва тартиби баргардонидани онҳоро амалӣ менамояд;";

- дар сархати сиюм калимаҳои "ҳисоботдиҳӣ" ва "бонкӣ ва қарзиро" мувофиқан ба калимаҳои "ҳисоботи молиявӣ" ва "буҷетиро" иваз карда шаванд;

- дар сархати сиву шашум калимаҳои "низоми автоматикунонидашудаи хазинадории давлатии иҷрои Буҷети давлатии Ҷумҳурии Тоҷикистонро такмил дода," ба калимаҳои "тавассути низоми иттилоотии идоракунии молияи давлатӣ" иваз карда шаванд;

- дар сархати сиву ҳаштум калимаи "хазинадории" ба калимаи "хазинавии" иваз карда шавад;

- дар сархатҳои чилу чорум ва чилу панҷум калимаҳои "Вазоратро" ва "Вазорат" мувофиқан ба калимаҳои "молияро" ва "молия" иваз карда шаванд;

- дар сархати чилу ҳафтум калимаҳои "ҷиноятҳои вазифавӣ" ба калимаҳои "кирдорҳои зиддиҳуқуқӣ бо истифода аз мақоми хизматӣ" иваз карда шуда, калимаҳои "таҳия ва" хориҷ карда шаванд;

- сархати чилу ҳаштум дар таҳрири зерин ифода карда шавад:

"- пешниҳод, ариза, шикоят ва муроҷиатҳои дигари шахсони воқеӣ ва ҳуқуқиро баррасӣ намуда, дар ҳолати зарурӣ санҷиши онҳоро дар ҷой ташкил менамояд, ҷиҳати бартараф намудани камбудиҳои ҷойдошта дар ташкили кор ва фаъолияти мақомоти молия ва ташкилотҳои зертобеъ тадбирҳо меандешад. Таҳлили фаъолияти мақомоти молия ва муассисаю ташкилотҳои зертобеъро вобаста ба баррасии ариза, шикоят ва муроҷиатҳои дигар анҷом дода, оид ба такмили коргузорӣ дар ин самт таклиф пешниҳод менамояд;";

- дар сархати панҷоҳум калимаи "намуда" ба калимаи "дода" иваз карда шавад;

- аз сархати панҷоҳу сеюм калимаҳои "Ғайр аз ин," хориҷ карда шаванд;

- дар сархати панҷоҳу панҷум калимаи "депозитҳои" ба калимаи "пасандозҳои" иваз карда шавад;

7) дар банди 7:

- ба сархати бисту дуюм пас аз калимаи "амалкунанда," калимаҳои "инчунин тибқи санадҳои судӣ" илова карда шаванд;

- дар сархати бисту панҷум аломати нуқта ба аломати нуқтавергул ";" иваз гардида, сархатҳои бисту шашум, бисту ҳафтум, бисту ҳаштум ва бисту нуҳум бо мазмуни зерин илова карда шаванд:

"- дар ҳолати ба миён омадани тафовути муваққатии хазинавӣ дар раванди таҳияи дурнамои даромад ва хароҷоти буҷети давлатӣ, меъёри хазинавиро барои маблағгузории вазорату идораҳо ва ташкилотҳои буҷетӣ тариқи низоми иттилоотии идоракунии молияи давлатӣ муқаррар намояд;

- ба судҳои Ҷумҳурии Тоҷикистон бо тартиби муқарраргардида бо аризаи даъвогӣ барои ҳифзи манфиатҳои Вазорат ва буҷети давлатӣ муроҷиат намояд;

- бо тартиби муқарраргардида дар бораи беҳдошти меҳнат, таъминоти моддӣ ва иҷтимоию маишии кормандони мақомоти молия пешниҳод манзур намояд;

- бо мақсади баланд бардоштани донишу малакаи кормандони мақомоти молияи кишвар ва такмили ихтисоси онҳо курсҳои сайёр ва курсҳои бозомӯзии кчтоҳмуддат ташкил намояд.";

8) дар банди 8 калимаҳои "молиявии давлатӣ" ба калимаҳои "буҷет, андоз, пардохтҳои гумрукӣ, баҳисобгирии муҳосибӣ ва ҳисоботи молиявӣ, хазинадории марказӣ, суғурта, гаравхона, муомилоти металлҳои қиматбаҳо ва сангҳои қиматбаҳо, бозори молиявӣ, коғазҳои қиматнок, бизнеси бозӣ ва самтҳои дигари ба зиммаи мақомоти молия гузошташуда" иваз карда шаванд;

9) бандҳои 8(1), 8(2), 8(3) ва 8(4) бо мазмуни зерин илова карда шаванд:

"8(1). Вазорат барои таъминоти моддӣ ва иҷтимоии кормандони мақомоти молия бо тартиби муқарраргардида ба сохторҳои дахлдор пешниҳодот манзур менамояд, таъминоти моддию техникии мақомоти молияи ҷумҳуриро ташкил мекунад, дар бобати амалӣ намудани сохтмони асосӣ ва таъмири биноҳои мақомот ва ташкилотҳои молия аз ҳисоби маблағҳои буҷетӣ, маблағҳои махсус ва сарчашмаҳои дигари маблағгузорӣ, ки қонунгузории Ҷумҳурии Тоҷикистон манъ накардааст, тадбирҳо меандешад.

8(2) . Вазорат мутобиқи санадҳои меъёрии ҳуқуқӣ озмунҳо мегузаронад ва барои расондани мол, иҷрои кор ва хизматрасонӣ, инчунин гузарондани корҳои илмиву тадқиқотӣ барои эҳтиёҷоти давлатӣ шартномаҳо мебандад.

8(3). Вазорат ваколати тақсимкунандаи асосӣ ва қабулкунандаи воситаҳои буҷетии ҷумҳуриявиро, ки барои нигоҳдории Вазорат ва иҷро намудани вазифаҳои ба он вогузоршуда пешбинӣ шудаанд, амалӣ менамояд.

8(4) . Вазорат бо тартиби муқарраршуда ба мақомот ва ташкилотҳои низоми молия маблағ ҷудо намуда, дар онҳо баҳисобгирии муҳосибӣ ва ҳисоботи молиявиро ташкил ва назорат менамояд.";

10) дар банди 10 калимаи "аввал" ба калимаи "якум" иваз карда шавад;

11) банди 12 дар таҳрири зерин ифода карда шавад:

"12. Вазир дар доираи ваколати худ:

- санадҳои меъёрии ҳуқуқиро тасдиқ менамояд, фармоишҳо қабул менамояд ва супоришҳо медиҳад, ки иҷрои онҳо аз ҷониби ҳамаи кормандони дастгоҳи марказӣ ва мақомоти нақшаи идоракунии Вазорат, инчунин ташкилотҳои низоми он ҳатмӣ буда, иҷрои онҳоро месанҷад;

- ҷаласаҳои ҳайати мушовараи Вазоратро ташкил менамояд ва ба онҳо роҳбарӣ мекунад;

- кормандони дастгоҳи марказии Вазорат, ҳайати роҳбарикунандаи мақомоти нақшаи идоракунӣ ва ташкилотҳои системаи Вазорат, роҳбарон ва кормандони мақомоти маҳаллии молияро дар Вилояти Мухтори Кӯҳистони Бадахшон, вилоятҳо, шаҳри Душанбе ва шаҳру ноҳияҳои Ҷумҳурии Тоҷикистон тибқи талаботи санадҳои меъёрии ҳуқуқии Ҷумҳурии Тоҷикистон ба мансаб таъин ва аз мансаб озод менамояд;

- бо мақсади истифодаи самараноки маҳорати касбӣ ва пешгирии зуҳуроти коррупсионӣ ҷойивазкунии кадрҳои роҳбарикунандаро дар низоми мақомоти молия амалӣ менамояд;

- дар хусуси ба мансаб таъин ва аз мансаб озод намудани муовини якум ва муовинони вазир, роҳбарони Агентии коғазҳои қиматнок ва бақайдгирии махсус, Хазинаи сарватҳои давлатӣ, Муассисаи таълимии "Донишгоҳи давлатии молия ва иқтисоди Тоҷикистон", Корхонаи махсуси (казонии) давлатии ҷумҳуриявии "Тиллои Тоҷик" ба Ҳукумати Ҷумҳурии Тоҷикистон пешниҳод ирсол менамояд;

- ваколати ба кор қабул ва аз кор озод намудани кормандони техникии мақомоти маҳаллии молияро ба роҳбарони онҳо вогузор менамояд;

- низомномаҳои воҳидҳои сохтории дастгоҳи марказии Вазорат, мақомоти дар нақшаи идоракунӣ пешбинишуда ва оинномаи ташкилотҳои низоми Вазоратро (ба истиснои низомномаҳои Агентии бозори коғазҳои қиматнок ва бақайдгирии махсус, Хазинаи сарватҳои давлатӣ) тасдиқ менамояд;

- нақшаи кори солона ва нишондиҳандаҳои фаъолияти мақомот ва ташкилотҳои нақшаи идоракунии Вазорат ва ҳисоботи иҷрои онҳоро тасдиқ менамояд;

- сохтор ва басти вазифаҳои Вазоратро тибқи талаботи намунавӣ дар доираи фонди музди меҳнат ва шумораи кормандон, ки Ҳукумати Ҷумҳурии Тоҷикистон муқаррар намудааст, сметаи ягонаи даромад ва хароҷоти Вазоратро дар доираи маблағҳои барои давраи дахлдор дар буҷети ҷумҳуриявӣ пешбинигардида тасдиқ мекунад;

- шумора ва фонди музди меҳнати кормандони ташкилотҳои низоми Вазорат ва воҳидҳои сохтории онҳоро дар доираи нишондиҳандаҳои муқаррарнамудаи Ҳукумати Ҷумҳурии Тоҷикистон, инчунин сметаи хароҷот барои нигоҳдории онҳоро дар доираи маблағҳои буҷетии барои соли молиявии дахлдор тасдиқшуда, ки дар буҷети давлатӣ барои идораи давлатӣ пешбинӣ шудаанд, тасдиқ менамояд;

- санад ва қарорҳои мақомот ва ташкилотҳои низоми Вазоратро, ки ба қонунгузории Ҷумҳурии Тоҷикистон мухолифат мекунанд, бекор мекунад, агар тартиби дигари бекор намудани онро қонунгузорӣ муайян накарда бошад;

- тибқи тартиби муқаррарнамудаи қонунгузории Ҷумҳурии Тоҷикистон ба роҳбарони воҳидҳои сохторӣ ва кормандони дастгоҳи марказӣ, роҳбарон ва кормандони мақомоти нақшаи идоракунӣ ва ташкилотҳои низоми мақомоти молия чораҳои ҷавобгарии интизомӣ татбиқ менамояд;

- дар доираи ваколатҳои худ ба кормандони дастгоҳи марказии Вазорат ва низоми мақомоти молия рутбаҳои тахассусӣ медиҳад, инчунин бо тартиби муқарраршуда барои додани рутбаҳои тахассусӣ ба Президенти Ҷумҳурии Тоҷикистон пешниҳод манзур менамояд;

- кормандони мақомоти молияро барои маҳорати касбӣ, дастовардҳои меҳнатӣ, хизмати бисёрсолаи софдилона ва бенуқсон, инчунин шахсони дигарро барои гузоштани саҳми арзанда дар соҳаи молия бо унвони корманди фахрии мақомоти молия, нишони сарисинагии "Аълочии молия", мукофотҳои идоравӣ, ифтихорнома ва сипосномаи Вазорати молияи Ҷумҳурии Тоҷикистон сарфароз мегардонад;

- низомнома дар бораи тартиби додани унвони корманди фахрии мақомоти молия, нишони сарисинагии "Аълочии молия", ифтихорнома ва сипосномаи Вазорати молияи Ҷумҳурии Тоҷикистонро тасдиқ менамояд;

- бо тартиби муқарраргардида кормандони Вазорат, мақомот ва ташкилотҳои низоми он ва шахсони дигареро, ки дар ин соҳа фаъолият менамоянд, барои сазовор гаштан ба унвони фахрӣ ва мукофотонидан бо мукофотҳои давлатии Ҷумҳурии Тоҷикистон пешбарӣ менамояд;

- тибқи тартиби муқаррарнамудаи қонунгузории хизмати давлатӣ масъалаҳои вобаста ба адои хизмати давлатиро дар Вазорат ҳал менамояд;

- ваколатҳои дигарро, ки бо қонунҳо ва санадҳои меъёрии ҳуқуқии Ҷумҳурии Тоҷикистон барои иҷрои вазифаҳо ва амалӣ намудани ваколатҳои Вазорат пешбинӣ шудаанд, иҷро менамояд.";

12) бандҳои 12(1), 12(2) ва 13(1) бо мазмуни зерин илова карда шаванд:

"12(1). Дар ҳолати набудани вазир, вазифаҳои вазирро муовини якуми вазир ва дар ҳолати набудани муовини якуми вазир, бо супориши вазир яке аз муовинони вазир иҷро мекунанд.

12(2). Вазорат дар ҳолатҳои зарурӣ бо вазоратҳо, кумитаҳои давлатӣ ва мақомоти дигари Ҷумҳурии Тоҷикистон фармоишҳои муштарак таҳия ва қабул менамояд.

13(1). Дар ҳолатҳои ҷудогона бо мақсади ҳалли масъалаҳои молиявӣ, ҷаласаҳои якҷояи ҳайати мушовара бо вазоратҳои дигар, кумитаҳои давлатӣ ва мақомоти идоракунии давлатӣ гузаронда мешаванд.";

13) ҷумлаи якуми банди 14 дар таҳрири зерин ифода карда шавад:

"Барои баррасии масъалаҳои фаъолияти соҳа ва пешниҳоди тавсияҳо дар назди Вазорат аз ҳисоби намояндагони вазорату идораҳо, мақомоти идоракунии давлатӣ ва ташкилотҳои дигар метавонад мақомоти ҳамоҳангсозию машваратии байниидоравӣ (шӯроҳо, комиссияҳо, гурӯҳҳои корӣ) таъсис дода шаванд.";

14) дар банди 17 калимаҳо ва рақами "хиёбони Академикҳо Раҷабовҳо-3" ба калимаҳо ва рақами "кӯчаи Шероз, 35" иваз карда шаванд.

3. Дар замимаи 2 калимаҳои "Раёсати рушди захираҳои кадрӣ" ва "Шуъбаи муносибатҳои иттилоотӣ ва барномасозии компютерӣ" мувофиқан ба калимаҳои "Раёсати кадрҳо" ва "Раёсати муҳосибот ва банақшагирӣ" иваз карда шуда, калимаҳои "Раёсати таҳлили молиявию хоҷагидории корхонаҳои азими давлатӣ" хориҷ карда шаванд.

4. Дар замимаи 3 пас аз калимаҳои "Сарраёсатҳои" ва "Раёсатҳои" калимаи "Вазорати" илова карда шуда, калимаҳои "Агентии рушди бозори коғазҳои қиматнок ва бақайдгирии махсусгардонидашуда" ба калимаҳои "Агентии коғазҳои қиматнок ва бақайдгирии махсус" иваз карда шаванд.

5. Замимаи 4 дар таҳрири нав тасдиқ карда шавад (замима мегардад).

Номгӯйи ташкилотҳои низоми Вазорати молияи Ҷумҳурии Тоҷикистон

Муассисаи таълимии "Донишгоҳи давлатии молия ва иқтисоди Тоҷикистон"

Муассисаи давлатии "Маркази татбиқи лоиҳаи "Дастрасӣ ба маблағгузории сабз ва маблағҳои рушди деҳот"

Муассисаи давлатии маҷаллаи "Молия ва ҳисобдорӣ"

Муассисаи давлатии "Раёсати корҳои сохтмону таъмир ва хизматрасонӣ"

Корхонаи махсуси (казонии) давлатии ҷумҳуриявии "Тиллои Тоҷик"

Корхонаи воҳиди давлатии "Маркази технологияҳои иттилоотии молиявӣ"

Корхонаи воҳиди давлатии "Маркази хизматрасонии маҳфуздорандаи ҳисоботи молиявӣ"

Муассисаи давлатии "Матбааи Вазорати молияи Ҷумҳурии Тоҷикистон"

Муассисаи давлатии "Маркази такмили ихтисоси кормандони мақомоти молияи Ҷумҳурии Тоҷикистон"

Муассисаи давлатии "Пажчҳишгоҳи илмию тадқиқотии молия"