Намунаи либоси расмии кормандони Хадамоти назорати давлатии энергетикӣ

1. Намунаи либоси расмии кормандони Хадамоти назорати давлатии энергетикӣ, шаклҳои либоси расмӣ барои мардон ва занони хадамоти мазкурро муайян менамояд.

2. Барои мардон либоси расмӣ ба таври зайл муқаррар карда мешавад:

- телпаки қароқули (папаха)-и рангаш кабуди хира бо насби кокардаи (нишони мисини) зарринтоби дар он Нишони давлатии Ҷумҳурии Тоҷикистон тасвирёфта (барои сарнозири давлатӣ оид ба назорати энергетикии Ҷумҳурии Тоҷикистон);

- телпаки мӯинагии рангаш кабуди хира бо насби кокардаи (нишони мисини) зарринтоби дар он Нишони давлатии Ҷумҳурии Тоҷикистон тасвирёфта;

- фуражкаи ҳаррӯза аз матои костюмвории нимпашмини рангаш кабуди хира, бо насби кокардаи (нишони мисини) зарринтоби дар он Нишони давлатии Ҷумҳурии Тоҷикистон тасвирёфта;

- пилотка аз матои костюмвории нимпашмини рангаш кабуди хира бо мағзии рангаш кабуди баланд бо насби кокардаи (нишони мисини) зарринтоби дар он Нишони давлатии Ҷумҳурии Тоҷикистон тасвирёфта;

- палто (нимпалто)-и зимистона аз моҳут (драп)-и рангаш кабуди хира бо се тугмаи зарринтоби дар он Нишони давлатии Ҷумҳурии Тоҷикистон тасвирёфта;

- боронӣ ё нимтанаи мавсимӣ аз матои нимпашмини рангаш кабуди хира.

- костюми ҳаррӯза бо шим (бо канти рангаш кабуди баланд) аз матои костюмвории пашмини рангаш кабуди хира;

- куртаи ҳаррӯза (рангаш сафед ва кабуди осмониранг, остиндароз ва остинкӯтоҳ);

- гарданбанди (галстук) рангаш кабуди баланди дар қисми болоияш Нишони давлатии Ҷумҳурии Тоҷикистон тасвирёфта;

- тасмаи чармини рангаш сиёҳ барои шим;

- нимботинкаи чармини рангаш сиёҳ;

- ниммӯзаи зимистонаи чармини рангаш сиёҳ;

- туфлии чармини рангаш сиёҳ.

3. Барои занон либоси расмӣ ба таври зайл муқаррар карда мешавад:

- телпаки қароқулӣ (кубанка)-и рангаш кабуди хира бо насби кокардаи (нишони мисини) зарринтоби дар он Нишони давлатии Ҷумҳурии Тоҷикистон тасвирёфта (барои сарнозири давлатӣ оид ба назорати энергетикии Ҷумҳурии Тоҷикистон);

- телпаки мӯинагии рангаш кабуди хира бо насби кокардаи (нишони мисини) зарринтоби дар он Нишони давлатии Ҷумҳурии Тоҷикистон тасвирёфта;

- пилотка аз матои костюмвории нимпашмини рангаш кабуди хира бо мағзии рангаш кабуди баланд, бо насби кокардаи (нишони мисини) зарринтоби дар он Нишони давлатии Ҷумҳурии Тоҷикистон тасвирёфта;

- палтои зимистона аз матои моҳут (драп)-и рангаш кабуди хира бо се тугмаи зарринтоби дар он Нишони давлатии Ҷумҳурии Тоҷикистон тасвирёфта;

- боронии мавсимӣ аз матои нимпашмини рангаш кабуди хира;

- костюми ҳаррӯза ва нимдомон аз матои костюмвории пашмини рангаш кабуди хира;

- куртаи ҳаррӯза (рангаш сафед ва кабуди осмониранг, остиндароз ва остинкӯтоҳ);

- гарданбанди (галстук) рангаш кабуди баланди дар қисми болоияш Нишони давлатии Ҷумҳурии Тоҷикистон тасвирёфта;

- мӯзаи зимистонаи чармини рангаш сиёҳ;

- туфлии чармини рангаш сиёҳ.

Нишонаҳои фарқкунандаи либоси расмии кормандони Хадамоти назорати давлатии энергетикӣ

1. Нишонаҳои фарқкунандаи либоси расмии кормандони Хадамоти назорати давлатии энергетикӣ аломатҳои соҳавии фарқкунандаи либоси расмӣ, ҷойгиронии кокарда (нишони мисин), тасвири нишони рӯйи синагӣ ва афтостинро муқаррар менамояд.

2. Нишонаи латтагини рангаш кабуди баланд дар гиребон ва банди зарринтоб дар қисми поёни рӯи остин ҳамчун аломатҳои фарқкунанда хизмат мекунанд.

3. Нишонаҳои латтагини чоркунҷаи дар шакли параллелопипед дар бахмали кабуди бараш 30 мм ва дарозиаш 55 мм ҷойгир карда мешавад.

4. Андоза ва миқдори нишонаҳои дар гиребон ва рӯйи остинбуда, бояд ба вазифаи корманди Хадамоти назорати давлатии энергетикӣ мувофиқат кунанд.

5. Барои сарнозири давлатӣ оид ба назорати энергетикии Ҷумҳурии Тоҷикистон нишонаи латтагини кабуд дар гиребон бараш 30 мм ва дарозии 55 мм, дар қисми болояш Нишони давлатии Ҷумҳурии Тоҷикистон тасвирёфта ва як аломати калони зарринтоби раъду барқи дар он тасвиршуда, инчунин 3 хатти зарринтоби дар гирди қисми поёнии рӯйи остин, пешбинӣ карда мешавад.

6. Барои муовини сарнозири давлатӣ оид ба назорати энергетикии Ҷумҳурии Тоҷикистон нишонаи латтагини кабуд дар гиребон бараш 30 мм ва дарозии 55 мм, се аломати зарринтоби раъду барқи дар он тасвиршуда, инчунин 2 хатти зарринтоби дар гирди қисми поёнии рӯйи остин, пешбинӣ карда мешавад.

7. Барои нозири калони давлатӣ оид ба назорати энергетикии Ҷумҳурии Тоҷикистон нишонаи латтагини кабуд дар гиребон бараш 30 мм ва дарозии 55 мм, ду аломати зарринтоби раъду барқи дар он тасвиршуда, инчунин як хатти зарринтоби дар гирди қисми поёнии рӯйи остин, пешбинӣ карда мешавад.

8. Барои нозири давлатӣ оид ба назорати энергетикии Ҷумҳурии Тоҷикистон нишонаи латтагини кабуд дар гиребон бараш 30 мм ва дарозии 55 мм, як аломати зарринтоби раъду барқи дар он тасвиршуда, пешбинӣ карда мешавад.

9. Кокарда (нишони мисин дар қисми пеши каллапӯш) шакли гирда дошта, ҳаҷмаш 30 мм-ро ташкил медиҳад. Дар маркази он доираи рангаш зарринтоби ҳаҷмаш 15 мм ҷойгир аст. Дар маркази доира шакли зарринтоби Нишони давлатии Ҷумҳурии Тоҷикистон тасвир ёфтааст.

10. Нишони рӯйисинагии шакли сипар дошта, дарозиаш 55 мм ва бараш 45 мм мебошад.

11. Дар қисми болои он Нишони давлатии Ҷумҳурии Тоҷикистон ҷойгир шудааст. Дар заминаи ранги сабз навиштаҷоти "Хадамоти назорати давлатии энергетикӣ" бо ранги сурх навишта шудааст. Дар маркази сипар дар заминаи ранги сурх расмҳои лулаҳои дудбарои маркази барқу гармидиҳӣ, пояи оҳанин бо ноқилҳои хатҳои интиқоли барқ, зарфҳои нигоҳдории нафту газ, сарбанди неругоҳи барқу обӣ бо оби рангаш кабуди ороми аз иншоот бароянда рамзан тасвир ёфтааст. Дар поёни сипар Парчами давлатии Ҷумҳурии Тоҷикистон бо 7 ситора ва тоҷ тасвир ёфтааст.

12. Афтостин (шеврон) барои остини костюм пешбинӣ шуда, андозаи он 90 ба 70 мм дар шакли сипар дар матои чармини ранги сурх, бо хати зарринтоб ҷудо карда шудааст.

13. Дар қисми болоии он Нишони давлатии Ҷумҳурии Тоҷикистон ҷойгир шудааст. Дар заминаи ранги сабз навиштаҷоти "Хадамоти назорати давлатии энергетикӣ" бо ранги сурх навишта шудааст. Дар маркази сипар дар заминаи ранги сурх расмҳои лулаҳои дудбарои маркази барқу гармидиҳӣ, пояи оҳанин бо ноқилҳои хатҳои интиқоли барқ, зарфҳои нигоҳдории нафту газ, сарбанди неругоҳи барқи обӣ бо оби рангаш кабуди ороми аз иншоот бароянда рамзан тасвир ёфтааст. Дар поёни сипар Парчами давлатии Ҷумҳурии Тоҷикистон бо 7 ситора ва тоҷ тасвир ёфтааст.

Тартиби таъминоти ашё ва меъёри додани он ба кормандони Хадамоти назорати давлатии энергетикӣ

1. Ҳангоми таъмини кормандони Хадамоти назорати давлатии энергетикӣ бо ашё шароити иқлимии ноҳияҳое, ки дар он нозирони Хадамоти назорати давлатии энергетикӣ маскан доранд, ба назар гирифта мешавад.

2. Ба ноҳияҳо ва шаҳрҳои кӯҳии иқлимашон хунук мавзеъҳои зерин дохиланд:

- дар ноҳияҳои тобеи ҷумҳурӣ - ноҳияҳои Лахш, Рашт, Сангвор, Тоҷикобод ва Нуробод;

- дар Вилояти Мухтори Кӯҳистони Бадахшон - ҳамаи ноҳияҳои он ва шаҳри Хоруғ.

3. Ҳамаи ноҳияҳо ва шаҳрҳои боқимондаи ҷумҳурӣ ба шароити иқлимии гарм ва мӯътадил дохил мешаванд.

4. Ҳангоми тағйир ёфтани тақсимоти маъмурӣ-ҳудудӣ (барҳам додан, тағйири ном кардан, муттаҳидкунӣ, таъсиси воҳидҳои нави маъмурӣ), меъёри таъминот дар доираи муқаррароти банди 1 Тартиби мазкур амалӣ карда мешавад.

5. Муҳлати истифодаи ашёи шайъӣ як давраи вақти муайянест, ки дар тӯли он ашё бояд бо мақсади муайян мавриди истифода қарор дода шавад. Муҳлати нигоҳдории ашёи шайъӣ дар анборҳо ба муҳлати истифодабарии манфиатовар ба ҳисоб гирифта намешавад. Барои ашёи мавсимӣ муҳлати истифодабарӣ дар тӯли як мавсим як сол ҳисоб карда мешавад.

6. Ашёи моддӣ аз рӯйи ҳуқуқи истифода ба ашёи истифодаи шахсӣ ва таҷҳизот оид ба ҳуқуки истифодабарӣ ҷудо мешавад.

7. Ашёи либоси расмӣ бо дарназардошти номгӯйи матоъ ба кормандони воҳидҳои Хадамоти назорати давлатии энергетикӣ дода мешавад.

8. Ашёи инвентарӣ, ки барои истифодаи шахсӣ ба кормандони Хадамоти назорати давлатии энергетикӣ дода мешавад, моликияти онҳо ба ҳисоб меравад. Муҳлати пӯшидани (истифодабарии) онҳо аз рӯзи ҳақиқатан додани ашё барои пӯшидани ӯ ҳисоб мегардад.

9. Ашёву таҷҳизот моликияти Хадамоти назорати давлатии энергетикӣ ба ҳисоб рафта, танҳо барои ҳалли вазифаҳои хизматӣ дар вақти корӣ дода мешавад.

10. Муҳлати истифодаи ашё аз рӯзи барои ба истифода додани он ҳисоб карда мешавад.

11. Ҳангоми гум кардани ашёи шайъӣ аз ҷониби корманди Хадамоти назорати давлатии энергетикӣ маблағи он, ба истиснои сабабҳои вобаста ба иҷрои уҳдадориҳои хизматӣ ё давлатӣ барқарор карда мешавад.

12. Нишонаҳои фарқкунанда дар як вақт бо ашёи либоси расмӣ, ки дар онҳо гирифта гаштани ин нишонаҳо пешбинӣ шудааст, дода мешавад. Ғайр аз ин, ҳангоми ба корманди Хадамоти назорати давлатии энергетикӣ додани рутбаи махсус ашёи либоси расмии ба ӯ додашуда, ки муҳлати истифодабариашон дар лаҳзаҳои додани рутбаи махсус нагузаштааст, иваз нашуда, танҳо нишонаҳои мухталиф ё латтагӣ дода мешавад.

13. Ашё сифатан аз як намуд иборат аст. Ба дараҷаҳо тааллуқ доштани нишонаҳои фарқкунандаро Хадамоти назорати давлатии энергетикӣ тибқи сохтор муайян мекунад.

14. Мувофиқи хоҳиши корманди Хадамоти назорати давлатии энергетикӣ барои иваз намудани як ашё бо дигар, ки дар меъёри таъминот пешбинӣ шудааст, дар доираи арзиши иҷозатдодашудаи ашёи ивазшаванда анҷом меёбад.

15. Меъёри додани ашё ба кормандони Хадамоти назорати давлатии энергетикӣ ба таври зайл муқаррар карда мешавад:

ҷадвал

Эзоҳ:

1. Бо хоҳиши корманд ба ҷойи телпаки пашмин телпаки гӯшакдор аз дигар мӯйинаи аслӣ бо пардохти тавофути арзиш иҷозат дода мешавад.

2. Дар ноҳияҳои кӯҳии иқлимаш хунук телпаки гӯшакдор дар ҳар як се сол дода мешавад.

3. Иҷозат дода мешавад, ки ба ҷойи нимботинкаи чармин ниммӯзаи чармини гарм бо пардохти тафовути арзиш дода шавад.

4. Ба ҷойи туфлии чармин иҷозат дода мешавад, ки ниммӯзаи чармин бо пардохти тафовути арзиш пардохта шавад.