ҲУКУМАТИ ҶУМҲУРИИ ТОҶИКИСТОН

ҚАРОР

Дар бораи таъсиси корхонаҳои воҳиди давлатии "Маркази таҳия ва амалисозии лоиҳаҳо" ва "Гурӯҳи ҷангалсозии Тоҷик"

Мутобиқи моддаҳои 125 Кодекси граждании Ҷумҳурии Тоҷикистон, моддаи 5 Қонуни Ҷумҳурии Тоҷикистон "Дар бораи корхонаҳои давлатӣ" ва моддаи 56 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

1. Корхонаҳои воҳиди давлатии "Маркази таҳия ва амалисозии лоиҳаҳо" ва "Гурӯҳи ҷангалсозии Тоҷик" таъсис дода шаванд.

2. Агентии хоҷагии ҷангали назди Ҳукумати Ҷумҳурии Тоҷикистон масъалаҳои ташкилию ҳуқуқӣ ва молиявии корхонаҳои воҳиди давлатии "Маркази таҳия ва амалисозии лоиҳаҳо" ва "Гурӯҳи ҷангалсозии Тоҷик"-ро тибқи қонунгузории Ҷумҳурии Тоҷикистон ҳал намояд.

3. Ба замимаи 3 қарори Ҳукумати Ҷумҳурии Тоҷикистон аз 28 феврали соли 2014, №132 "Дар бораи Агентии хоҷагии ҷангали назди Ҳукумати Ҷумҳурии Тоҷикистон" сархатҳои панҷоҳу дуюм ва панҷоҳу сеюм бо мазмуни зерин илова карда шаванд:

"Корхонаи воҳиди давлатии "Маркази таҳия ва амалисозии лоиҳаҳо"

Корхонаи воҳиди давлатии "Гурӯҳи ҷангалсозии Тоҷик"".