ФАРМОНИ ПРЕЗИДЕНТИ ҶУМҲУРИИ ТОҶИКИСТОН

Оид ба ворид намудани тағйиру иловаҳо ба фармони Президенти Ҷумҳурии Тоҷикистон аз 29 июни соли 2009, №673

Мутобиқи моддаи 56 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" фармон медиҳам:

1. Ба фармони Президенти Ҷумҳурии Тоҷикистон аз 29 июни соли 2009, №673 "Дар бораи масъалаҳои таъмини фаъолияти Ваколатдор оид ба ҳуқуқи инсон дар Ҷумҳурии Тоҷикистон" тағйиру иловаҳои зерин ворид карда шаванд:

- ба муқаддима пас аз калимаи "таъсисёбии" калимаи "мақоми" илова гардида, калимаи "(Сарқонуни)" хориҷ карда шавад;

- банди 1 дар таҳрири зерин ифода карда шавад:

"1. Шумораи ниҳоии кормандони мақоми Ваколатдор оид ба ҳуқуқи инсон 39 воҳиди корӣ (бе дар назар доштани ҳайати хизматрасон), аз ҷумла шумораи кормандони дастгоҳи марказӣ 33 воҳиди корӣ муқаррар карда шавад.";

- банди 2 хориҷ карда шавад;

- дар банди 3 калимаи "Дастгоҳи" ба калимаи "мақоми" иваз гардида, пас аз калимаи "Тоҷикистон" калимаҳои "ва сохторҳои маҳаллии он" илова карда шаванд;

- дар банди 4 пеш аз калимаи "Ваколатдор" калимаи "мақоми" илова карда шавад.

2. Вазорати молияи Ҷумҳурии Тоҷикистон хароҷоти нигоҳдорӣ (пардохти музди меҳнат ва суғуртаи иҷтимоӣ)-и 14 воҳиди кории иловагии мақоми Ваколатдор оид ба ҳуқуқи инсон дар Ҷумҳурии Тоҷикистонро дар соли 2023 ва дар солҳои минбаъда аз ҳисоби маблағҳои буҷети ҷумҳуриявӣ пешбинӣ намояд.

Президенти