ҲУКУМАТИ ҶУМҲУРИИ ТОҶИКИСТОН

ҚАРОР

Дар бораи ворид намудани тағйиру иловаҳо ба қарори Ҳукумати Ҷумҳурии Тоҷикистон аз 31 майи соли 2019, №273

Мутобиқи моддаи 56 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

1. Ба Андоза ва тартиби пардохти стипендия ба донишҷӯён, аспирантон ва докторантон аз рӯйи ихтисос, докторантон ва постдокторантон дар муассисаҳои таҳсилоти миёнаю олии касбӣ ва илмию таҳқиқотӣ, ки бо қарори Ҳукумати Ҷумҳурии Тоҷикистон аз 31 майи соли 2019, №273 "Дар бораи Андоза ва тартиби пардохти стипендия ба донишҷӯён, аспирантон ва докторантон аз рӯи ихтисос, докторантон ва постдокторантон дар муассисаҳои таҳсилоти миёнаю олии касбӣ ва илмию таҳқиқотӣ" тасдиқ шудааст, тағйиру иловаҳои зерин ворид карда шаванд:

- дар банди 1 пас аз калимаи "донишҷӯёни" калимаҳои "(бакалавр, мутахассис, магистр (минбаъд - донишҷӯён)" илова карда шаванд;

- банди 2 дар таҳрири зерин ифода карда шавад:

"2. Стипендияҳои давлатии академӣ барои донишҷӯёни муассисаҳои таҳсилоти миёнаю олии касбӣ ва илмию таҳқиқотӣ, инчунин стипендияҳои давлатӣ барои аспирантон ва докторантон аз рӯйи ихтисос, докторантон ва посдокторантони гурӯҳҳои буҷетии шуъбаи рӯзонаи муассисаҳои таҳсилоти миёнаю олии касбӣ ва илмию таҳқиқотӣ бо мақсади ҳавасманд гардондан ва дастгирии иҷтимоии онҳо барои 12 моҳ муқаррар карда мешавад.";

- дар банди 6 калимаҳои "ҳуқуқ доранд" ба калимаи "метавонанд" иваз карда шавад;

- аз банди 7 калимаҳои "дар як соли таҳсил ду маротиба (барои ҳар як давраи академӣ)" хориҷ карда шаванд;

- бандҳои 10 ва 11 дар таҳрири зерин ифода карда шаванд:

"10. Стипендияҳои давлатии академӣ ба донишҷӯёни курси якум (бакалавр, мутахассис) дар нимсолаи аввали соли таҳсил (семестри 1) аз рӯйи натиҷаи холҳои (баҳо) бадастовардааш дар имтиҳонҳои дохилшавӣ ба муассисаи таълимӣ таъин карда мешавад.

11. Аз нимсолаи дуюми соли таҳсил ба донишҷӯёни курси якум (бакалавр, мутахассис) ва дар курсҳои болоӣ таҳсилкунанда стипендияҳои давлатии академӣ дар асоси натиҷаи ҷамъбасти сессияи имтиҳони фаъол таъин карда мешаванд. Натиҷаи баҳои таҷрибаомӯзӣ ва лоиҳаи кори курсӣ зимни муайян намудани стипендия ба инобат гирифта намешавад.";

- банди 12 хориҷ карда шавад;

- дар банди 13 ҳарфи "Ғ" ба ҳарфҳои "Ғх, Ғ" иваз карда шуда, пас аз калимаҳои "иштирок накарданд" калимаҳои "ва қарздор мондаанд" илова ва ҷумлаи дуюм хориҷ карда шавад;

- ҷумлаи дуюми банди 14 хориҷ карда шавад;

- банди 17 дар таҳрири зерин ифода карда шавад:

"17. Ба донишҷӯёне, ки бо сабабҳои гуногун дар курсашон такроран мондаанд ё хориҷ гардидаанд, баъди барқарор гардидани онҳо стипендияҳои давлатии академӣ аз рӯйи натиҷаи ҷамъбасти сессияи имтиҳонии фаъол таъин карда мешаванд.";

- дар банди 23 рақамҳои "150", "105" ва "40" мувофиқан ба рақамҳои "270", "188" ва "72" иваз карда шаванд;

- дар банди 24 пас аз калимаи "донишҷӯёни" калимаҳои "зинаи бакалаври" илова карда шуда, рақамҳои "208", "150" ва "56" мувофиқан ба рақамҳои "373", "270" ва "100" иваз карда шаванд;

- дар банди 25 пас аз калимаи "донишҷӯёни" калимаҳои "зинаи интернатура, ординатура ва" илова карда шуда, рақамҳои "250" ва "200" мувофиқан ба рақамҳои "449" ва "359" иваз карда шаванд;

- дар банди 26 рақами "490" ба "880" иваз карда шавад.