Бо фармони Президенти
Ҷумҳурии Тоҷикистон
аз 27 январи соли 2023, № 523
тасдиқ шудааст
Низомнома дар бораи захираи кадрҳои хизмати давлатии Ҷумҳурии Тоҷикистон
1. МУҚАРРАРОТИ УМУМӢ
1. Низомнома дар бораи захираи кадрҳои хизмати давлатии Ҷумҳурии Тоҷикистон (минбаъд - Низомнома) тартиби ташкили захираи кадрҳо барои мансабҳои давлатии хизмати давлатӣ, таҳияи рӯйхати захираи кадрҳо ва кор бо кадрҳои захираро танзим менамояд.
2. Захираи кадрҳои хизмати давлатии Ҷумҳурии Тоҷикистон (минбаъд - захираи кадрҳо) барои ишғоли мансабҳои роҳбарикунандаи категорияҳои сеюм (танҳо барои мақомоти иҷроияи маҳаллии ҳокимияти давлатӣ), дуюм, якум, олӣ ва мансабҳои сиёсӣ (барои ҳамаи мақомоти давлатӣ) бо мақсади таъмини эҳтиёҷоти мақомоти давлатӣ бо кадрҳо ва болоравии мансабии хизматчиёни давлатӣ дар асоси дастовардҳои хизматӣ аз ҳисоби кадрҳои баландихтисос ва салоҳиятноки дорои қобилияти идоракунӣ ташкил карда мешавад.
3. Барои мансабҳое, ки нигоҳ дошта мешаванд (минбаъдмансабҳои нигоҳдошташаванда) ва мансабҳои дигари хизмати давлатии Ҷумҳурии Тоҷикистон захираи кадрҳо бо тартиби муқаррарнамудаи санадҳои меъёрии ҳуқуқии Ҷумҳурии Тоҷикистон ва Низомномаи мазкур ташкил карда мешавад.
4. Захираи кадрҳо барои мансабҳои интихобии мақомоти худидоракунии шаҳрак ва деҳот ташкил карда намешавад.
5. Захираи кадрҳои хизматчиёни ҳарбӣ ва хизматчиёни давлатии мақомоти ҳифзи ҳуқуқ тибқи қонунгузории соҳавӣ ташкил карда мешавад.
6. Принсипҳои асосии ташкили захираи кадрҳо ва кор бо кадрҳои захира:
- масъулияти роҳбари мақомоти давлатӣ барои ташкили захираи кадрҳо ва кор бо кадрҳои захира;
- ташкили ошкоро ва шаффофи захираи кадрҳо;
- баҳодиҳӣ ба сифатҳои касбӣ ва қобилияти кории кадрҳои захира;
- таъмини болоравии мансабӣ;
- таъмини баробарҳуқуқии кадрҳои захира.
7. Ташкили захираи кадрҳо, таҳияи рӯйхати захираи кадрҳо ва кор бо кадрҳои захира иҷрои вазифаҳои зеринро дар бар мегирад:
- муайян намудани эҳтиёҷоти мақомоти давлатӣ ба кадрҳои роҳбарикунанда;
- дохил намудан ба захираи кадрҳо ва таҳияи рӯйхати захираи кадрҳои мақомоти давлатӣ;
- пешниҳоди рӯйхати захираи кадрҳои мақомоти давлатӣ барои соли навбатӣ ва натиҷаи ҳолати кор бо кадрҳои захира дар соли гузашта ба мақоми ваколатдори соҳаи хизмати давлатӣ (минбаъд - Мақоми ваколатдор);
- тайёр намудани кадрҳои захира (такмили ихтисос ва таҷрибаомӯзӣ);
- истифодаи кадрҳои захира (таъин ба мансабҳои роҳбарикунанда).
8. Роҳбарони мақомоти марказии ҳокимияти давлатӣ ва мақомоти иҷроияи маҳаллии ҳокимияти давлатӣ (минбаъдРоҳбари мақоми давлатӣ) барои иҷрои чорабиниҳо оид ба ташкили захираи кадрҳо, тайёр намудани кадрҳои захира ва ба мансабҳои дахлдори давлатии хизмати давлатӣ пешниҳод ва таъини онҳо масъул мебошанд.
9. Ташкили кор бо захираи кадрҳоро хадамоти кадрии мақоми давлатӣ амалӣ менамояд.
10. Роҳбарии методӣ ва назорати фаъолияти мақомоти давлатӣ оид ба ташкили захираи кадрҳо ва кор бо кадрҳои захираро Мақоми ваколатдор амалӣ мегардонад.
2. ТАРТИБИ ТАШКИЛИ ЗАХИРАИ КАДРҲО ВА ТАҲИЯИ РӯЙХАТИ ЗАХИРАИ КАДРҲО
11. Захираи кадрҳо бо риояи талаботи тахассусии барои ишғолкунандагони мансабҳо муқарраргардида ва дигар хусусиятҳои соҳавӣ дар асоси пешниҳоди Роҳбари мақоми давлатӣ, роҳбарони воҳидҳои сохторӣ ва хадамоти кадрии мақоми давлатӣ, инчунин, тавсияи комиссияи аттестатсионии мақомоти давлатӣ ва натиҷаи баҳодиҳии фаъолияти хизматчиёни давлатӣ ташкил карда мешавад. Барои як мансаб мумкин аст то се нафар ба захираи кадрҳо дохил карда шавад.
12. Ҳангоми пешниҳод ба захираи кадрҳо талаботи зерин ба асос гирифта мешавад:
- сифатҳои касбӣ, яъне сатҳи донишҳои касбӣ;
- қобилияти корӣ, яъне доштани малакаи роҳбарӣ, ташаббускорӣ, донистани забони давлатӣ, забонҳои хориҷӣ, маҳорати кор бо технологияҳои иттилоотӣ;
- сифатҳои ахлоқӣ, яъне боодобӣ, поквиҷдонӣ, адолатнокӣ, ботамкинӣ, маҳорати кор карда тавонистан бо тобеон, ҳамкорон ва муроҷиаткунандагон.
13. Синни ниҳоии кадрҳои захира барои мансабҳои категорияҳои сеюм ва дуюм то 45, категорияи якум то 50 ва барои мансабҳои категорияи олӣ ва сиёсӣ то 55 мебошад.
14. Захираи кадрҳо барои мансабҳои роҳбарикунанда аз ҳисоби шахсони зерин ташкил карда мешавад:
- хизматчиёни давлатие, ки мувофиқи тавсияҳои комиссияи аттестатсионии мақоми давлатӣ ва натиҷаи баҳодиҳии фаъолияти хизматчии давлатӣ барои дохил кардан ба захираи кадрҳо пешбарӣ шудаанд;
- хизматчиёни давлатии воҳидҳои сохторҳои дастгоҳи марказӣ ва сохторҳои маҳаллии мақоми давлатӣ, кормандони корхонаҳо, муассисаҳо ва ташкилотҳои дигари соҳаи дахлдор барои дохил намудан ба захираи кадрҳои мақоми давлатии марказии дахлдор;
- хизматчиёни давлатии мақомоти иҷроияи маҳаллии ҳокимияти давлатӣ, мақомоти худидоракунии шаҳрак ва деҳот, кормандони корхонаҳо, муассисаҳо ва ташкилотҳои ҳудуди дахлдор барои дохил намудан ба захираи кадрҳои мақомоти иҷроияи маҳаллии ҳокимияти давлатӣ.
15. Захираи кадрҳо барои мансабҳои нигоҳдошташаванда ва дигар мансабҳо бе муқаррар намудани синни ниҳоӣ аз ҳисоби шахсони зерин ташкил карда мешавад:
- хизматчиёни давлатие, ки аз тарафи мақоми давлатӣ бо озод шудан аз мансаб ба таҳсил фиристода шудаанд, барои ишғоли мансабҳои қаблӣ ва баробар ба мансабе, ки то таҳсил ишғол намудаанд.Чунин хизматчиёни давлатӣ бо пешниҳоди хадамоти кадрии мақоми давлатие, ки онҳоро барои таҳсил фиристодааст, дар давраи таҳсил ба захираи кадрҳо дохил карда мешаванд;
- хизматчиёни давлатие, ки аз тарафи мақоми давлатӣ ҳангоми хизмати ҳарбии ҳатмии муҳлатнок аз кор озод карда шудаанд, барои ишғоли мансабҳои қаблӣ ё баробар ба мансабе, ки то даъват ба хизмати ҳарбӣ ишғол намудаанд. Чунин хизматчиёни давлатӣ бо пешниҳоди хадамоти кадрии мақоми давлатие, ки корманд аз он ба хизмати ҳарбӣ даъват шудааст, дар давраи адои хизмати ҳарбӣ ба захираи кадрҳо дохил карда мешаванд;
- хизматчиёни давлатие, ки бинобар барҳам додан, азнавташкилдиҳӣ ва таҷдиди мақоми давлатӣ, ихтисор шудани шумора ё воҳидҳои корӣ аз мансаб озод карда шудаанд, барои ишғоли мансабҳои баробар ба мансабҳое, ки то озод шудан ишғол намудаанд. Чунин хизматчиёни давлатӣ бо пешниҳоди хадамоти кадрии мақомоти давлатӣ ба муҳлати як сол ба захираи кадрҳо дохил карда мешаванд;
- дигар ҳолатҳое, ки қонунгузории Ҷумҳурии Тоҷикистон пешбинӣ намудааст.
16. Хизматчии давлатӣ ё корманде, ки ба якчанд мансаби роҳбарикунанда ба захираи кадрҳо пешниҳод карда шудааст, ба мансаби баландтари пешниҳодшуда ё дар ҳолати баробар будани мансабҳои пешниҳодшуда тибқи розигии ӯ ба як мансаб ба захираи кадрҳо дохил карда мешавад.
17. Кадрҳои захира ба мансабҳои пешбаришудаи категорияи олӣ, сиёсӣ бо тартиби муқарраргардида, ба мансабҳои категорияи сеюм, дуюм, якум бо риояи талаботи тахассусӣ бо тартиби муқаррарнамудаи қонунгузорӣ бе гузарондани озмун таъин карда мешаванд.
18. Роҳбари мақоми давлатӣ метавонад кадрҳои захираро ба мансабҳои роҳбарикунандаи пешниҳодшудаи баробар ва/ё пасттар (на пасттар аз мансаби ишғолнамуда) бо риояи талаботи тахассусӣ таъин намояд.
19. Дар Мақоми ваколатдор махзани маълумоти кадрҳои захира барои ишғоли мансабҳои роҳбарикунанда (категорияҳои сеюм, дуюм, якум, олӣ ва мансабҳои сиёсӣ) ташкил карда мешавад.
3. КОМИССИЯ ОИД БА ЗАХИРАИ КАДРҲОИ МАҚОМОТИ ДАВЛАТӢ
20. Бо фармоиш (қарор, амр)-и Роҳбари мақоми давлатӣ барои интихоби кадрҳои захира Комиссия оид ба захираи кадрҳои мақоми давлатӣ (минбаъд - Комиссия) таъсис дода мешавад.
21. Комиссия дар ҳайати раис, котиб ва аъзои Комиссия, иборат аз 5-7 нафар ташкил карда шуда, доимоамалкунанда мебошад.
22. Ба ҳайати Комиссия Роҳбари мақоми давлатӣ ва/ё муовинони ӯ, намояндаҳои хадамоти кадрӣ, иттифоқи касаба, дигар кормандони таҷрибадори мақоми давлатӣ дохил карда мешаванд.
23. Комиссия вазифаҳои зеринро иҷро менамояд:
- муайян кардани вақти баррасии пешниҳодҳо (тавсияҳои комиссияи аттестатсионӣ, натиҷаҳои баҳодиҳии фаъолияти хизматчии давлатӣ) дар бораи дохил намудан ба захираи кадрҳо;
- баррасии пешниҳодҳо (тавсияҳои комиссияи аттестатсионӣ, натиҷаҳои баҳодиҳии фаъолияти хизматчии давлатӣ) ва муайян намудани мувофиқати кадрҳои захирашаванда ба талаботи тахассусии мансабҳои пешбинишуда;
- омӯзиши сифатҳои касбӣ, қобилияти корӣ, рафтори хизматӣ (корӣ) ва ғайрихизматӣ (ғайрикорӣ)-и кадрҳои ба захира пешниҳодшуда;
- гузарондани суҳбат бо кадрҳои ба захира пешниҳодшуда;
- таҳия ва пешниҳоди рӯйхатҳои захираи кадрҳо барои соли навбатӣ барои тасдиқ ба Роҳбари мақоми давлатӣ ва рӯйхати кадрҳое, ки дар соли ҷорӣ аз ҳисоби захираи кадрҳо ба мансабҳо таъин карда шудаанд;
- баррасии пешниҳодҳо оид ба хориҷ намудан аз рӯйхати захираи кадрҳо.
24. Комиссия дар давоми сол (аз рӯйи зарурат) ва дар моҳи декабр (ҳатман) ҷаласа гузаронида, масъалаҳои дохил намудан ба захираи кадрҳо ва/ё хориҷ намудан аз захираи кадрҳоро баррасӣ мекунад. Қарорҳои Комиссия дар шакли протокол ба расмият дароварда мешаванд.
25. Ҷаласаи Комиссия ҳамон вақт салоҳиятнок ҳисоб карда мешавад, ки дар кори он аз се ду ҳиссаи аъзои Комиссия иштирок дошта бошанд.
26. Аз натиҷаи ҷаласаи Комиссия дар моҳи декабр рӯйхати захираи кадрҳои мақоми давлатӣ барои соли оянда таҳия шуда, барои тасдиқ ба Роҳбари мақоми давлатӣ пешниҳод карда мешавад. Ба рӯйхати захираи кадрҳо дар давоми сол, ба истиснои ҳолатҳои аз захира хориҷ намудан, тағйирот ворид карда намешавад.
27. Кадрҳои захира дар ҳолатҳои зерин аз рӯйхати захираи кадрҳо хориҷ карда мешаванд:
- татбиқ гардидани ҷазои интизомӣ;
- тавсияи комиссияи аттестатсионӣ дар бораи номувофиқ будан ба мансаби ишғолнамуда;
- пешниҳоди аризаи шахсӣ оид ба хориҷ намудан аз захираи кадрҳои мақоми давлатӣ;
- озод намудан аз мансаби ишғолнамуда ё таъин гардидан ба мансаби дигар;
- расидан ба синни ниҳоии барои кадрҳои захира муқарраргардида.
28. Масъалаи хориҷ намудан аз захираи кадрҳо бо пешниҳоди Роҳбари мақоми давлатӣ, роҳбарони воҳидҳои сохторӣ ва хадамоти кадрии мақоми давлатӣ аз ҷониби Комиссия баррасӣ карда мешавад. Қарори Комиссия дар бораи хориҷ намудан аз рӯйхати захираи кадрҳо дар асоси талаботи бандҳои 24 ва 27 Низомномаи мазкур ба расмият дароварда мешавад.
29. Хадамоти кадрии мақоми давлатӣ ба баррасии ҷаласаҳои Комиссия вобаста ба ташкили захираи кадрҳо ва/ё хориҷ намудан аз захираи кадрҳо ҳуҷҷатҳои зеринро пешниҳод менамояд:
- парвандаи шахсӣ ва маълумотномаи кадрҳои захира бо акси андозаи 4х6;
- тавсияҳои протоколии комиссияи аттестатсионӣ ва варақаи натиҷаи баҳодиҳии фаъолияти хизматчии давлатӣ;
- пешниҳоди Роҳбари мақоми давлатӣ, роҳбарони воҳидҳои сохторӣ ва хадамоти кадрӣ дар бораи дохил (хориҷ) намудан ба (аз) захираи кадрҳо.
4. ТАЙЁР НАМУДАНИ КАДРҲОИ ЗАХИРА
30. Тайёр намудани кадрҳои захира бо роҳи такмили ихтисос ва/ё таҷрибаомӯзӣ тибқи меъёрҳои пешбининамудаи қонунгузории соҳаи хизмати давлатӣ амалӣ карда мешавад.
31. Такмили ихтисоси кадрҳои захира дар муассисаҳои такмили ихтисоси соҳавӣ ё Академияи идоракунии давлатии назди Президенти Ҷумҳурии Тоҷикистон амалӣ карда мешавад.
32. Такмили ихтисос ва/ё таҷрибаомӯзии кадрҳои захира дар хориҷи кишвар низ ташкил карда мешавад.
33. Таҷрибаомӯзӣ дар шаклҳои зерин сурат мегирад:
- иҷрои уҳдадориҳои мансабии мансаби дар рӯйхати захираи кадрҳо пешбинишуда;
- иштирок дар чорабиниҳои мубодилаи таҷриба ва дорои хусусияти омӯзишӣ;
- омӯзиши таҷрибаи кишварҳои хориҷӣ.
5. МУҚАРРАРОТИ ХОТИМАВӢ
34. Баҳсҳо вобаста ба масъалаи захираи кадрҳо аз тарафи Роҳбари мақоми давлатӣ, Мақоми ваколатдор ё суд баррасӣ карда мешаванд.
35. Мақоми давлатӣ уҳдадор аст, ки рӯйхатҳои захираи кадрҳоро барои соли навбатӣ (мувофиқи замимаҳои 1 ва 2) ва рӯйхати кадрҳоеро, ки дар соли ҷорӣ аз ҳисоби захираи кадрҳо ба мансабҳо таъин карда шудаанд (мувофиқи замимаи 3), на дертар аз 10 январ ба Мақоми ваколатдор пешниҳод намояд.
36. Мақоми ваколатдор дар моҳи январ оид ба ҷамъбасти ҳолати кор бо захираи кадрҳои мақомоти давлатӣ ба Президенти Ҷумҳурии Тоҷикистон маълумоти солона пешниҳод менамояд.
Ниг. Ба Замимаҳои 1-2
Бо фармони Президенти
Ҷумҳурии Тоҷикистон
аз 27 январи соли 2023, № 523
тасдиқ шудааст
Низомнома дар бораи захираи кадрҳои хизмати давлатии Ҷумҳурии Тоҷикистон
1. МУҚАРРАРОТИ УМУМӢ
1. Низомнома дар бораи захираи кадрҳои хизмати давлатии Ҷумҳурии Тоҷикистон (минбаъд - Низомнома) тартиби ташкили захираи кадрҳо барои мансабҳои давлатии хизмати давлатӣ, таҳияи рӯйхати захираи кадрҳо ва кор бо кадрҳои захираро танзим менамояд.
2. Захираи кадрҳои хизмати давлатии Ҷумҳурии Тоҷикистон (минбаъд - захираи кадрҳо) барои ишғоли мансабҳои роҳбарикунандаи категорияҳои сеюм (танҳо барои мақомоти иҷроияи маҳаллии ҳокимияти давлатӣ), дуюм, якум, олӣ ва мансабҳои сиёсӣ (барои ҳамаи мақомоти давлатӣ) бо мақсади таъмини эҳтиёҷоти мақомоти давлатӣ бо кадрҳо ва болоравии мансабии хизматчиёни давлатӣ дар асоси дастовардҳои хизматӣ аз ҳисоби кадрҳои баландихтисос ва салоҳиятноки дорои қобилияти идоракунӣ ташкил карда мешавад.
3. Барои мансабҳое, ки нигоҳ дошта мешаванд (минбаъдмансабҳои нигоҳдошташаванда) ва мансабҳои дигари хизмати давлатии Ҷумҳурии Тоҷикистон захираи кадрҳо бо тартиби муқаррарнамудаи санадҳои меъёрии ҳуқуқии Ҷумҳурии Тоҷикистон ва Низомномаи мазкур ташкил карда мешавад.
4. Захираи кадрҳо барои мансабҳои интихобии мақомоти худидоракунии шаҳрак ва деҳот ташкил карда намешавад.
5. Захираи кадрҳои хизматчиёни ҳарбӣ ва хизматчиёни давлатии мақомоти ҳифзи ҳуқуқ тибқи қонунгузории соҳавӣ ташкил карда мешавад.
6. Принсипҳои асосии ташкили захираи кадрҳо ва кор бо кадрҳои захира:
- масъулияти роҳбари мақомоти давлатӣ барои ташкили захираи кадрҳо ва кор бо кадрҳои захира;
- ташкили ошкоро ва шаффофи захираи кадрҳо;
- баҳодиҳӣ ба сифатҳои касбӣ ва қобилияти кории кадрҳои захира;
- таъмини болоравии мансабӣ;
- таъмини баробарҳуқуқии кадрҳои захира.
7. Ташкили захираи кадрҳо, таҳияи рӯйхати захираи кадрҳо ва кор бо кадрҳои захира иҷрои вазифаҳои зеринро дар бар мегирад:
- муайян намудани эҳтиёҷоти мақомоти давлатӣ ба кадрҳои роҳбарикунанда;
- дохил намудан ба захираи кадрҳо ва таҳияи рӯйхати захираи кадрҳои мақомоти давлатӣ;
- пешниҳоди рӯйхати захираи кадрҳои мақомоти давлатӣ барои соли навбатӣ ва натиҷаи ҳолати кор бо кадрҳои захира дар соли гузашта ба мақоми ваколатдори соҳаи хизмати давлатӣ (минбаъд - Мақоми ваколатдор);
- тайёр намудани кадрҳои захира (такмили ихтисос ва таҷрибаомӯзӣ);
- истифодаи кадрҳои захира (таъин ба мансабҳои роҳбарикунанда).
8. Роҳбарони мақомоти марказии ҳокимияти давлатӣ ва мақомоти иҷроияи маҳаллии ҳокимияти давлатӣ (минбаъдРоҳбари мақоми давлатӣ) барои иҷрои чорабиниҳо оид ба ташкили захираи кадрҳо, тайёр намудани кадрҳои захира ва ба мансабҳои дахлдори давлатии хизмати давлатӣ пешниҳод ва таъини онҳо масъул мебошанд.
9. Ташкили кор бо захираи кадрҳоро хадамоти кадрии мақоми давлатӣ амалӣ менамояд.
10. Роҳбарии методӣ ва назорати фаъолияти мақомоти давлатӣ оид ба ташкили захираи кадрҳо ва кор бо кадрҳои захираро Мақоми ваколатдор амалӣ мегардонад.
2. ТАРТИБИ ТАШКИЛИ ЗАХИРАИ КАДРҲО ВА ТАҲИЯИ РӯЙХАТИ ЗАХИРАИ КАДРҲО
11. Захираи кадрҳо бо риояи талаботи тахассусии барои ишғолкунандагони мансабҳо муқарраргардида ва дигар хусусиятҳои соҳавӣ дар асоси пешниҳоди Роҳбари мақоми давлатӣ, роҳбарони воҳидҳои сохторӣ ва хадамоти кадрии мақоми давлатӣ, инчунин, тавсияи комиссияи аттестатсионии мақомоти давлатӣ ва натиҷаи баҳодиҳии фаъолияти хизматчиёни давлатӣ ташкил карда мешавад. Барои як мансаб мумкин аст то се нафар ба захираи кадрҳо дохил карда шавад.
12. Ҳангоми пешниҳод ба захираи кадрҳо талаботи зерин ба асос гирифта мешавад:
- сифатҳои касбӣ, яъне сатҳи донишҳои касбӣ;
- қобилияти корӣ, яъне доштани малакаи роҳбарӣ, ташаббускорӣ, донистани забони давлатӣ, забонҳои хориҷӣ, маҳорати кор бо технологияҳои иттилоотӣ;
- сифатҳои ахлоқӣ, яъне боодобӣ, поквиҷдонӣ, адолатнокӣ, ботамкинӣ, маҳорати кор карда тавонистан бо тобеон, ҳамкорон ва муроҷиаткунандагон.
13. Синни ниҳоии кадрҳои захира барои мансабҳои категорияҳои сеюм ва дуюм то 45, категорияи якум то 50 ва барои мансабҳои категорияи олӣ ва сиёсӣ то 55 мебошад.
14. Захираи кадрҳо барои мансабҳои роҳбарикунанда аз ҳисоби шахсони зерин ташкил карда мешавад:
- хизматчиёни давлатие, ки мувофиқи тавсияҳои комиссияи аттестатсионии мақоми давлатӣ ва натиҷаи баҳодиҳии фаъолияти хизматчии давлатӣ барои дохил кардан ба захираи кадрҳо пешбарӣ шудаанд;
- хизматчиёни давлатии воҳидҳои сохторҳои дастгоҳи марказӣ ва сохторҳои маҳаллии мақоми давлатӣ, кормандони корхонаҳо, муассисаҳо ва ташкилотҳои дигари соҳаи дахлдор барои дохил намудан ба захираи кадрҳои мақоми давлатии марказии дахлдор;
- хизматчиёни давлатии мақомоти иҷроияи маҳаллии ҳокимияти давлатӣ, мақомоти худидоракунии шаҳрак ва деҳот, кормандони корхонаҳо, муассисаҳо ва ташкилотҳои ҳудуди дахлдор барои дохил намудан ба захираи кадрҳои мақомоти иҷроияи маҳаллии ҳокимияти давлатӣ.
15. Захираи кадрҳо барои мансабҳои нигоҳдошташаванда ва дигар мансабҳо бе муқаррар намудани синни ниҳоӣ аз ҳисоби шахсони зерин ташкил карда мешавад:
- хизматчиёни давлатие, ки аз тарафи мақоми давлатӣ бо озод шудан аз мансаб ба таҳсил фиристода шудаанд, барои ишғоли мансабҳои қаблӣ ва баробар ба мансабе, ки то таҳсил ишғол намудаанд.Чунин хизматчиёни давлатӣ бо пешниҳоди хадамоти кадрии мақоми давлатие, ки онҳоро барои таҳсил фиристодааст, дар давраи таҳсил ба захираи кадрҳо дохил карда мешаванд;
- хизматчиёни давлатие, ки аз тарафи мақоми давлатӣ ҳангоми хизмати ҳарбии ҳатмии муҳлатнок аз кор озод карда шудаанд, барои ишғоли мансабҳои қаблӣ ё баробар ба мансабе, ки то даъват ба хизмати ҳарбӣ ишғол намудаанд. Чунин хизматчиёни давлатӣ бо пешниҳоди хадамоти кадрии мақоми давлатие, ки корманд аз он ба хизмати ҳарбӣ даъват шудааст, дар давраи адои хизмати ҳарбӣ ба захираи кадрҳо дохил карда мешаванд;
- хизматчиёни давлатие, ки бинобар барҳам додан, азнавташкилдиҳӣ ва таҷдиди мақоми давлатӣ, ихтисор шудани шумора ё воҳидҳои корӣ аз мансаб озод карда шудаанд, барои ишғоли мансабҳои баробар ба мансабҳое, ки то озод шудан ишғол намудаанд. Чунин хизматчиёни давлатӣ бо пешниҳоди хадамоти кадрии мақомоти давлатӣ ба муҳлати як сол ба захираи кадрҳо дохил карда мешаванд;
- дигар ҳолатҳое, ки қонунгузории Ҷумҳурии Тоҷикистон пешбинӣ намудааст.
16. Хизматчии давлатӣ ё корманде, ки ба якчанд мансаби роҳбарикунанда ба захираи кадрҳо пешниҳод карда шудааст, ба мансаби баландтари пешниҳодшуда ё дар ҳолати баробар будани мансабҳои пешниҳодшуда тибқи розигии ӯ ба як мансаб ба захираи кадрҳо дохил карда мешавад.
17. Кадрҳои захира ба мансабҳои пешбаришудаи категорияи олӣ, сиёсӣ бо тартиби муқарраргардида, ба мансабҳои категорияи сеюм, дуюм, якум бо риояи талаботи тахассусӣ бо тартиби муқаррарнамудаи қонунгузорӣ бе гузарондани озмун таъин карда мешаванд.
18. Роҳбари мақоми давлатӣ метавонад кадрҳои захираро ба мансабҳои роҳбарикунандаи пешниҳодшудаи баробар ва/ё пасттар (на пасттар аз мансаби ишғолнамуда) бо риояи талаботи тахассусӣ таъин намояд.
19. Дар Мақоми ваколатдор махзани маълумоти кадрҳои захира барои ишғоли мансабҳои роҳбарикунанда (категорияҳои сеюм, дуюм, якум, олӣ ва мансабҳои сиёсӣ) ташкил карда мешавад.
3. КОМИССИЯ ОИД БА ЗАХИРАИ КАДРҲОИ МАҚОМОТИ ДАВЛАТӢ
20. Бо фармоиш (қарор, амр)-и Роҳбари мақоми давлатӣ барои интихоби кадрҳои захира Комиссия оид ба захираи кадрҳои мақоми давлатӣ (минбаъд - Комиссия) таъсис дода мешавад.
21. Комиссия дар ҳайати раис, котиб ва аъзои Комиссия, иборат аз 5-7 нафар ташкил карда шуда, доимоамалкунанда мебошад.
22. Ба ҳайати Комиссия Роҳбари мақоми давлатӣ ва/ё муовинони ӯ, намояндаҳои хадамоти кадрӣ, иттифоқи касаба, дигар кормандони таҷрибадори мақоми давлатӣ дохил карда мешаванд.
23. Комиссия вазифаҳои зеринро иҷро менамояд:
- муайян кардани вақти баррасии пешниҳодҳо (тавсияҳои комиссияи аттестатсионӣ, натиҷаҳои баҳодиҳии фаъолияти хизматчии давлатӣ) дар бораи дохил намудан ба захираи кадрҳо;
- баррасии пешниҳодҳо (тавсияҳои комиссияи аттестатсионӣ, натиҷаҳои баҳодиҳии фаъолияти хизматчии давлатӣ) ва муайян намудани мувофиқати кадрҳои захирашаванда ба талаботи тахассусии мансабҳои пешбинишуда;
- омӯзиши сифатҳои касбӣ, қобилияти корӣ, рафтори хизматӣ (корӣ) ва ғайрихизматӣ (ғайрикорӣ)-и кадрҳои ба захира пешниҳодшуда;
- гузарондани суҳбат бо кадрҳои ба захира пешниҳодшуда;
- таҳия ва пешниҳоди рӯйхатҳои захираи кадрҳо барои соли навбатӣ барои тасдиқ ба Роҳбари мақоми давлатӣ ва рӯйхати кадрҳое, ки дар соли ҷорӣ аз ҳисоби захираи кадрҳо ба мансабҳо таъин карда шудаанд;
- баррасии пешниҳодҳо оид ба хориҷ намудан аз рӯйхати захираи кадрҳо.
24. Комиссия дар давоми сол (аз рӯйи зарурат) ва дар моҳи декабр (ҳатман) ҷаласа гузаронида, масъалаҳои дохил намудан ба захираи кадрҳо ва/ё хориҷ намудан аз захираи кадрҳоро баррасӣ мекунад. Қарорҳои Комиссия дар шакли протокол ба расмият дароварда мешаванд.
25. Ҷаласаи Комиссия ҳамон вақт салоҳиятнок ҳисоб карда мешавад, ки дар кори он аз се ду ҳиссаи аъзои Комиссия иштирок дошта бошанд.
26. Аз натиҷаи ҷаласаи Комиссия дар моҳи декабр рӯйхати захираи кадрҳои мақоми давлатӣ барои соли оянда таҳия шуда, барои тасдиқ ба Роҳбари мақоми давлатӣ пешниҳод карда мешавад. Ба рӯйхати захираи кадрҳо дар давоми сол, ба истиснои ҳолатҳои аз захира хориҷ намудан, тағйирот ворид карда намешавад.
27. Кадрҳои захира дар ҳолатҳои зерин аз рӯйхати захираи кадрҳо хориҷ карда мешаванд:
- татбиқ гардидани ҷазои интизомӣ;
- тавсияи комиссияи аттестатсионӣ дар бораи номувофиқ будан ба мансаби ишғолнамуда;
- пешниҳоди аризаи шахсӣ оид ба хориҷ намудан аз захираи кадрҳои мақоми давлатӣ;
- озод намудан аз мансаби ишғолнамуда ё таъин гардидан ба мансаби дигар;
- расидан ба синни ниҳоии барои кадрҳои захира муқарраргардида.
28. Масъалаи хориҷ намудан аз захираи кадрҳо бо пешниҳоди Роҳбари мақоми давлатӣ, роҳбарони воҳидҳои сохторӣ ва хадамоти кадрии мақоми давлатӣ аз ҷониби Комиссия баррасӣ карда мешавад. Қарори Комиссия дар бораи хориҷ намудан аз рӯйхати захираи кадрҳо дар асоси талаботи бандҳои 24 ва 27 Низомномаи мазкур ба расмият дароварда мешавад.
29. Хадамоти кадрии мақоми давлатӣ ба баррасии ҷаласаҳои Комиссия вобаста ба ташкили захираи кадрҳо ва/ё хориҷ намудан аз захираи кадрҳо ҳуҷҷатҳои зеринро пешниҳод менамояд:
- парвандаи шахсӣ ва маълумотномаи кадрҳои захира бо акси андозаи 4х6;
- тавсияҳои протоколии комиссияи аттестатсионӣ ва варақаи натиҷаи баҳодиҳии фаъолияти хизматчии давлатӣ;
- пешниҳоди Роҳбари мақоми давлатӣ, роҳбарони воҳидҳои сохторӣ ва хадамоти кадрӣ дар бораи дохил (хориҷ) намудан ба (аз) захираи кадрҳо.
4. ТАЙЁР НАМУДАНИ КАДРҲОИ ЗАХИРА
30. Тайёр намудани кадрҳои захира бо роҳи такмили ихтисос ва/ё таҷрибаомӯзӣ тибқи меъёрҳои пешбининамудаи қонунгузории соҳаи хизмати давлатӣ амалӣ карда мешавад.
31. Такмили ихтисоси кадрҳои захира дар муассисаҳои такмили ихтисоси соҳавӣ ё Академияи идоракунии давлатии назди Президенти Ҷумҳурии Тоҷикистон амалӣ карда мешавад.
32. Такмили ихтисос ва/ё таҷрибаомӯзии кадрҳои захира дар хориҷи кишвар низ ташкил карда мешавад.
33. Таҷрибаомӯзӣ дар шаклҳои зерин сурат мегирад:
- иҷрои уҳдадориҳои мансабии мансаби дар рӯйхати захираи кадрҳо пешбинишуда;
- иштирок дар чорабиниҳои мубодилаи таҷриба ва дорои хусусияти омӯзишӣ;
- омӯзиши таҷрибаи кишварҳои хориҷӣ.
5. МУҚАРРАРОТИ ХОТИМАВӢ
34. Баҳсҳо вобаста ба масъалаи захираи кадрҳо аз тарафи Роҳбари мақоми давлатӣ, Мақоми ваколатдор ё суд баррасӣ карда мешаванд.
35. Мақоми давлатӣ уҳдадор аст, ки рӯйхатҳои захираи кадрҳоро барои соли навбатӣ (мувофиқи замимаҳои 1 ва 2) ва рӯйхати кадрҳоеро, ки дар соли ҷорӣ аз ҳисоби захираи кадрҳо ба мансабҳо таъин карда шудаанд (мувофиқи замимаи 3), на дертар аз 10 январ ба Мақоми ваколатдор пешниҳод намояд.
36. Мақоми ваколатдор дар моҳи январ оид ба ҷамъбасти ҳолати кор бо захираи кадрҳои мақомоти давлатӣ ба Президенти Ҷумҳурии Тоҷикистон маълумоти солона пешниҳод менамояд.
Ниг. Ба Замимаҳои 1-2
