ҚОНУНИ ҶУМҲУРИИ ТОҶИКИСТОН

ОИД БА ВОРИД НАМУДАНИ ТАҒЙИРОТ БА ҚОНУНИ ҶУМҲУРИИ ТОҶИКИСТОН "ДАР БОРАИ ТЕЛЕВИЗИОН ВА РАДИОШУНАВОНӢ"

Моддаи 1. Ба Қонуни Ҷумҳурии Тоҷикистон "Дар бораи телевизион ва радиошунавонӣ" аз 14 декабри соли 1996 (Ахбори Маҷлиси Олии Ҷумҳурии Тоҷикистон, с. 1996, №24, мод. 408; с. 1998, №10, мод. 76; с. 1999, №6, мод. 166; с. 2000, №11, мод. 521; с. 2001, №7, мод. 481; с. 2004, №2, мод. 39; с. 2006, №4, мод. 197; с. 2013, №7, мод. 540; с. 2019, №1, мод. 19) тағйироти зерин ворид карда шаванд:

1. Дар моддаи 11:

- дар қисми якум калимаи "шахси" ба калимаи "шахсони" иваз карда шавад;

- дар қисми дуюм калимаҳои "шахси ҳуқуқӣ" ба калимаҳои "шахсони ҳуқуқӣ ва соҳибкорони инфиродӣ" иваз карда шаванд.

2. Дар моддаи 21:

- дар қисми якум калимаҳои "Маҷлиси Олии Ҷумҳурии Тоҷикистон" ба калимаҳои "ҷаласаҳои якҷояи Маҷлиси миллӣ ва Маҷлиси намояндагони Маҷлиси Олии Ҷумҳурии Тоҷикистон, Маҷлиси миллӣ ва Маҷлиси намояндагони Маҷлиси Олии Ҷумҳурии Тоҷикистон" иваз карда шаванд;

- дар ҷумлаи дуюми қисми дуюм калимаҳои "дар дасти" ба калимаҳои "ба зиммаи" иваз карда шаванд.

3. Дар қисми дуюми моддаи 23 калимаҳои "Маҷлисҳои вилоятӣ ва дигар маҷлисҳои маҳаллӣ" ба калимаҳои "Маҷлиси вакилони халқи Вилояти Мухтори Кӯҳистони Бадахшон, вилоят, шаҳри Душанбе, шаҳр ва ноҳия" иваз карда шаванд.

4. Дар сархати дуюми қисми шашуми моддаи 28 калимаҳои "радио ва видеоро" ба калимаи "радиоро" иваз карда шаванд.

5. Дар ҷумлаи дуюми қисми дуюми моддаи 31 калимаҳои "нафақаи гум кардани саробон" ба калимаҳои "нафақа барои маҳрум шудан аз саробон" иваз карда шаванд.

6. Матни моддаи 33 дар таҳрири зерин ифода карда шавад:

"Ҳамкориҳои байналмилалии ташкилотҳои телевизион ва радиошунавонӣ бо тартиби муқаррарнамудаи қонунгузории Ҷумҳурии Тоҷикистон ва санадҳои ҳуқуқии байналмилалие, ки Тоҷикистон онҳоро эътироф намудааст, амалӣ карда мешаванд.".

Моддаи 2. Қонуни мазкур пас аз интишори расмӣ мавриди амал қарор дода шавад.