ҲУКУМАТИ ҶУМҲУРИИ ТОҶИКИСТОН

ҚАРОР

Дар бораи Тартиби интихоб ва тайёр намудани мутахассисон дар давлатҳои хориҷӣ

Мутобиқи моддаи 17 Қонуни конститутсионии Ҷумқурии Тоҷикистон "Дар бораи Ҳукумати Ҷумқурии Тоҷикистон" Ҳукумати Ҷумҳурии Тоҷикистон қарор мекунад:

1. Тартиби интихоб ва тайёр намудани мутахассисон дар давлатхои хориҷӣ тасдиқ карда шавад (замима мегардад).

2. Вазорату идораҳо ва ташкилотҳо номгӯйи ихтисосҳои барои соҳаҳои иқтисодаёт, саноат ва иҷтимоиёгти ҷумҳурй заруриро ҳамасола то 1 сентябр ба Вазорати рушди иқгисод ва савдои Ҷумхурии Тоҷикистон пешниҳод намоянд.

3. Вазорати рушди иқтисод ва савдои Ҷумхурии Тоҷикистон дар асоси дархости асосноккардашудаи вазорату идораҳо ва ташкилотҳо номгӯйи ихтисосҳои барои соҳаҳои иқгисодиёт, саноат ва иҷтимоиёти ҷумҳурй заруриро ҳамасола то 1 ноябр ба Комиссияи ҷумҳуриявй оид ба интихоб ва тайёр намудани мутахассисон дар давлатҳои хориҷӣ пешниҳод намояд.

4. Комиссияи ҷумҳуриявӣ, вазорату идораҳо ва ташкилотҳо иҷрои қарори мазкурро таъмин намоянд.