ҲУКУМАТИ ҶУМҲУРИИ ТОҶИКИСТОН

ҚАРОР

Дар бораи ворид намудани тағйиру иловаҳо ба қарори Ҳукумати Ҷумҳурии Тоҷикистон аз 27 августи соли 2021, №327

Мутобиқи моддаи 56 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

1. Ба замимаи 1 қарори Ҳукумати Ҷумҳурии Тоҷикистон аз 27 августи соли 2021, №327 "Дар бораи Низомномаи фаъолияти комиссия оид ба қонунигардонии дороиҳо, намунаи шакли эъломия ва ариза, номгӯи ҳуҷҷатҳои барои қонунигардонии молу мулки ғайриманқул пешниҳодшаванда, намунаи шаҳодатнома дар бораи қонунигардонии дороиҳо, шакли феҳристи дороиҳои қонунигардонидашуда" тағйиру иловаҳои зерин ворид карда шаванд:

1) дар банди 4 калимаи "бошад," ба калимаҳои "ва молу мулки ғайриманқули меросиро, ки нисбат ба он баҳс вуҷуд надорад," иваз карда шавад;

2) дар зербанди 2) банди 10 ва банди 41 калимаҳои ", инчунин ҳама гуна" ба калимаҳои "ва ҳама гуна дигар" иваз карда шаванд;

3) зербанди 5) банди 39 хориҷ карда шуда, зербанди 6) зербанди 5) ҳисобида шавад;

4) бандҳои 44(1) ва 44(2) бо мазмуни зерин илова карда шаванд:

"44(1). Ворисони шахси фавтида метавонад ба Комиссия бо ариза оид ба қонунигардонии молу мулки ғайриманқули худсарона сохташудаи шахси фавтида муроҷиат намуда, молу мулки ғайриманқулро ба номи шахси фавтида қонунӣ гардонанд, агар талаботи қисми 3 моддаи 5 Қонун риоя шуда бошад.

44(2). Комиссия метавонад дар асоси аризаи шаҳрванд, ки ҳуқуқи истифодабарии қитъаи замин тибқи қонунгузории Ҷумҳурии Тоҷикистон ба ӯ тааллуқ дорад, бо розигии хаттии шаҳрванде, ки худсарона молу мулки ғайриманқулро дар қитъаи замини мазкур сохтааст, қонунӣ гардонад, агар талаботи қисми 3 моддаи 5 Қонун риоя гардида бошад.".

2. Дар зербанди 2) замимаи 3 қарори Ҳукумати Ҷумҳурии Тоҷикистон аз 27 августи соли 2021, №327 "Дар бораи Низомномаи фаъолияти комиссия оид ба қонунигардонии дороиҳо, намунаи шакли эъломия ва ариза, номгӯи ҳуҷҷатҳои барои қонунигардонии молу мулки ғайриманқул пешниҳодшаванда, намунаи шаҳодатнома дар бораи қонунигардонии дороиҳо, шакли феҳристи дороиҳои қонунигардонидашуда" баъд аз калимаҳои "қитъаи замин" калимаҳои ", аз ҷумла қарори раиси шаҳр ё ноҳия оид ба додан ва ё вобаста намудани қитъаи замин, қарори ҷамоати шаҳрак ё деҳот оид ба додани қитъаи замин, қарори собиқ хоҷагии коллективӣ ё давлатӣ, қарори собиқ шӯрои депутатҳои маҳал (шаҳр, ноҳия ва шаҳрак) дар бораи додани манзили истиқоматӣ ва қитъаи замини наздиҳавлигӣ барои сохтмони манзили истиқоматӣ ва қарорҳои дигари мақомоти ваколатдори давлатӣ дар хусуси он, ки тибқи онҳо бо тартиби муқаррарнамудаи қонунгузорӣ қитъаи замини наздиҳавлигӣ дода шудааст." илова карда шаванд.

3. Дар зербанди б) ҷадвали банди 4 замимаи 4 қарори Ҳукумати Ҷумҳурии Тоҷикистон аз 27 авгусги соли 2021, №327 "Дар бораи Низомномаи фаъолияти комиссия оид ба қонунигардонии дороиҳо, намунаи шакли эъломия ва ариза, номгӯи ҳуҷҷатҳои барои қонунигардонии молу мулки ғайриманқул пешниҳодшаванда, намунаи шаҳодатнома дар бораи қонунигардонии дороиҳо, шакли феҳристи дороиҳои қонунигардонидашуда" тағйироти зерин ворид карда шаванд:

- сатри 4 хориҷ карда шавад;

- сатрҳои 5 ва 6 мувофиқан сатрҳои 4 ва 5 ҳисобида шавад.