ҲУКУМАТИ ҶУМҲУРИИ ТОҶИКИСТОН

ҚАРОР

Дар бораи Муассисаи давлатии "Муҷтамаи ҷумҳуриявии осорхонаҳои Балҷувон"

Мутобиқи моддаҳои 52, 58 ва 132 Кодекси граждании Ҷумҳурии Тоҷикистон ва моддаи 56 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

1. Муассисаи давлатии "Муҷтамаи ҷумҳуриявии осорхонаҳои Балҷувон" таъсис дода шавад.

2. Шумораи ниҳоии кормандони Муассисаи давлатии "Муҷтамаи ҷумҳуриявии осорхонаҳои Балҷувон" 35 воҳиди корӣ муқаррар гардида, аз ҳисоби маблағҳои буҷети ҷумҳуриявӣ маблағгузорӣ карда шавад.

3. Бинои нави осорхонаи таърихию кишваршиносии ноҳияи Балҷувон, воқеъ дар деҳаи Балҷувони Ҷамоати деҳоти Балҷувони ноҳияи Балҷувон ба моликияти ҷумҳуриявӣ қабул гардида, ба тавозуни Вазорати фарҳанги Ҷумҳурии Тоҷикистон гузаронида шавад.

4. Вазорати фарҳанги Ҷумҳурии Тоҷикистон якҷо бо Кумитаи давлатии сармоягузорӣ ва идораи амволи давлатии Ҷумҳурии Тоҷикистон, мақомоти иҷроияи ҳокимияти давлатии вилояти Хатлон ва ноҳияи Балҷувон:

- масъалаҳои ташкилию ҳуқуқии Муассисаи мазкурро ҳал карда, онро дар бинои бо банди 3 қарори мазкур пешбинигардида ҷойгир намоянд;

- ҷиҳати ба тавозуни Муассисаи давлатии "Муҷтамаи ҷумҳуриявии осорхонаҳои Балҷувон" гузаронидани воситаҳои асосӣ (ғайриманқул ва манқул)-и осорхонаи мардумии Балҷувон, осорхонаи таърихӣ- кишваршиносӣ, осорхонаи ноҳиявии "Таърихи Ҷанги Бузурги Ватанӣ ба номи Саидқул Турдиев" ва осорхонаи таърихию кишваршиносии деҳаи Шаҳидони Ҷамоати деҳоти Сари Хосор чораҳои зарурӣ андешанд.

5. Вазорати молияи Ҷумҳурии Тоҷикистон маблағгузории фаъолият ва нигоҳдории Муассисаи давлатии "Муҷтамаи ҷумҳуриявии осорхонаҳои Балҷувон"-ро аз 1 январи соли 2023 аз ҳисоби буҷети ҷумҳуриявӣ таъмин карда, тибқи тартиби муқарраргардида дар солҳои минбаъда ба ин мақсад маблағҳои заруриро дар буҷет пешбинӣ намояд.

6. Ба Номгӯи муассисаву ташкилотҳои системаи Вазорати фарҳанги Ҷумҳурии Тоҷикистон, ки бо қарори Ҳукумати Ҷумҳурии Тоҷикистон аз 28 декабри соли 2006, №604 "Дар бораи Вазорати фарҳанги Ҷумҳурии Тоҷикистон" тасдиқ шудааст, сархати шасту сеюм бо мазмуни зерин илова карда шавад:

"Муассисаи давлатии "Муҷтамаи ҷумҳуриявии осорхонаҳои Балҷувон"".