ҲУКУМАТИ ҶУМҲУРИИ ТОҶИКИСТОН

ҚАРОР

Дар бораи Комиссияи амнияти химиявии Ҷумҳурии Тоҷикистон

Мутобиқи моддаи 18 Қонуни конститутсионии Ҷумҳурии Тоҷикистон "Дар бораи Ҳукумати Ҷумҳурии Тоҷикистон" ва моддаи 57 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

1. Комиссияи амнияти химиявии Ҷумҳурии Тоҷикистон таъсис дода шавад.

2. Низомнома ва ҳайати Комиссияи амнияти химиявии Ҷумҳурии Тоҷикистон тасдиқ карда шаванд (замимаҳои 1 ва 2).

3. Қарорҳои зерини Ҳукумати Ҷумҳурии Тоҷикистон аз эътибор соқит дониста шаванд:

- аз 3 марти соли 2003, № 92 "Дар бораи таъсиси Комиссияи амнияти химиявии Ҷумҳурии Тоҷикистон";

- аз 3 июли соли 2003, № 299 "Дар бораи тасдиқи Низомномаи Комиссияи амнияти химиявии Ҷумҳурии Тоҷикистон".