ҲУКУМАТИ ҶУМҲУРИИ ТОҶИКИСТОН

ҚАРОР

Дар бораи Тартиби таҳия ва эътирофи стандартҳои салоҳияти ҳар як касб

Мутобиқи моддаи 6 Қонуни Ҷумҳурии Тоҷикистон "Дар бораи тайёр намудани мутахассисон бо назардошти талаботи бозори меҳнат" Ҳукумати Ҷумҳурии Тоҷикистон қарор мекунад:

1. Тартиби таҳия ва эътирофи стандартҳои салоҳияти ҳар як касб тасдиқ карда шавад (замима мегардад).

2. Вазорату идораҳо, мақомоти иҷроияи ҳокимияти давлатии Вилояти Мухтори Кӯҳистони Бадахшон, вилоятҳо, шаҳри Душанбе ва шаҳру ноҳияҳо, иттиҳодия ва ассотсиатсияҳои корфармоён вобаста ба амалисозии Тартиби таҳия ва эътирофи стандартҳои салоҳияти ҳар як касб тадбирҳои зарурӣ андешанд.

3. Вазорати меҳнат, муҳоҷират ва шуғли аҳолии Ҷумҳурии Тоҷикистон ҳамоҳангсози амалигардонии Тартиби таҳия ва эътирофи стандартҳои салоҳияти ҳар як касб муайян карда шавад.