Бо қарори Ҳукумати
Ҷумҳурии Тоҷикистон
аз 25 октябри соли 2022, № 505
тасдиқ шудааст
Низомномаи тартиби даъвати шаҳрвандон ба хизмати ҳарбӣ
1. МУҚАРРАРОТИ УМУМӢ
1. Низомномаи тартиби даъвати шаҳрвандон ба хизмати ҳарбӣ (минбаъд - Низомнома) дар асоси Қонуни Ҷумҳурии Тоҷикистон "Дар бораи уҳдадории ҳарбӣ ва хизмати ҳарбӣ" таҳия гардида, тартиб ва ташкили гузаронидани даъвати шаҳрвандонро ба хизмати ҳарбӣ ба танзим медарорад.
2. Шумораи шаҳрвандоне, ки ба хизмати ҳарбии ҳатмии муҳлатнок ва адои хизмати ҳарбӣ дар ҳайати захираҳои даъвати сафарбарӣ даъват мешаванд, бо фармони Президенти Ҷумҳурии Тоҷикистон муқаррар гардида, тақсимоти онҳо ба навъҳои Қувваҳои Мусаллаҳи Ҷумҳурии Тоҷикистон, қӯшунҳо ва воҳидҳои дигари ҳарбӣ тибқи нақшаи аз ҷониби вазири мудофиаи Ҷумҳурии Тоҷикистон тасдиқгардида муайян мегардад.
2. ТАРТИБИ ТАШКИЛ ВА ГУЗАРОНИДАНИ ДАЪВАТ
3. Шаҳрвандони ҷинси марди аз 18 то 27-солаи дар қайди ҳарбӣ қарордошта ё шаҳрвандоне, ки уҳдадоранд дар қайди ҳарбӣ бошанд ва барои ба таъхир гузоштани муҳлати даъват ё озод шудан аз даъват ба хизмати ҳарбии ҳатмии муҳлатнок ҳуқуқ надоранд, бояд хизмати ҳарбии ҳатмии муҳлатнокро дар Қувваҳои Мусаллаҳи Ҷумҳурии Тоҷикистон, қӯшунҳо ва воҳидҳои дигари ҳарбӣ, ки мутобиқи Қонуни Ҷумҳурии Тоҷикистон "Дар бораи уҳдадории ҳарбӣ ва хизмати ҳарбӣ" дар онҳо хизмати ҳарбӣ дар вазифаҳои сарбозон ва сержантон пешбинӣ гардидааст, адо намоянд.
4. Шаҳрвандони қобил ба хизмати ҳарбӣ, ки ҳуқуқи озод шудан ё ба таъхир гузоштани муҳлати даъват ба хизмати ҳарбиро надоранд, метавонанд бо интиқоли маблағ ба суратҳисоби махсус ба таври ихтиёрӣ хизмати ҳарбиро дар ҳайати захираҳои даъватӣ сафарбарӣ адо намоянд.
5. Бо мақсади даъват ба хизмати ҳарбии ҳатмии муҳлатнок ва хизмати ҳарбӣ дар ҳайати захираҳои даъвати сафарбарӣ дар Вилояти Мухтори Кӯҳистони Бадахшон, вилоятҳо, шаҳри Душанбе, шаҳру ноҳияҳои тобеи ҷумҳурӣ ва шаҳру ноҳияҳо комиссияҳои даъватӣ таъсис дода мешаванд.
6. Раисони Вилояти Мухтори Кӯҳистони Бадахшон, вилоятҳо, шаҳру ноҳияҳо, комиссарони ҳарбии Вилояти Мухтори Кӯҳистони Бадахшон, вилоятҳо, шаҳри Душанбе, комиссари ҳарбии шаҳру ноҳияҳои тобеи ҷумҳурӣ ва шаҳру ноҳияҳо, инчунин аъзои комиссияҳои даъватӣ барои ташкил ва гузаронидани даъвати шаҳрвандон ба хизмати ҳарбии ҳатмии муҳлатнок ва хизмати ҳарбӣ дар ҳайати захираҳои даъвати сафарбарӣ масъул мебошанд.
3. ВАЗИФАҲОИ РАИСОНИ ВИЛОЯТИ МУХТОРИ КӯҲИСТОНИ БАДАХШОН, ВИЛОЯТҲО, ШАҲРИ ДУШАНБЕ, ШАҲРУ НОҲИЯҲО, КОМИССАРОНИ ҲАРБӢ ВА КОМИССИЯҲОИ ДАЪВАТӢ
7. Ба зиммаи раисони Вилояти Мухтори Кӯҳистони Бадахшон, вилоятҳо, шаҳру ноҳияҳо вогузор карда мешаванд:
- қабули қарорҳо оид ба таъсиси комиссияҳои даъвати шаҳрвандон ба хизмати ҳарбӣ;
- якҷо бо комиссарони ҳарбӣ даъват намудани шаҳрвандон ба хизмати ҳарбии ҳатмии муҳлатнок, хизмати ҳарбӣ дар ҳайати захираҳои даъвати сафарбарӣ ва фиристодани онҳо ба қӯшунҳо;
- якҷо бо комиссарони ҳарбӣ таъмин намудани ҳозиршавии даъватшавандагон ба комиссариатҳои ҳарбӣ барои гузаштан аз комиссияи даъватӣ;
- пешниҳод намудани ҳисобот ба Ҳукумати Ҷумҳурии Тоҷикистон оид ба гузаронидани даъвати шаҳрвандон ба хизмати ҳарбии ҳатмии муҳлатнок ва хизмати ҳарбӣ дар ҳайати захираҳои даъвати сафарбарӣ.
8. Ба зиммаи комиссияҳои даъватии Вилояти Мухтори Кӯҳистони Бадахшон, вилоятҳо, шаҳри Душанбе, шаҳру ноҳияҳои тобеи ҷумҳурӣ ва шаҳру ноҳияҳо вогузор карда мешавад:
- омӯзиши вазъи оилавӣ, ҷойи таваллуд ва истиқомат, сифатҳои сиёсию корӣ, маънавию руҳӣ, вазъи саломатӣ, инкишофи ҷисмонӣ, таҳсилоти умумӣ ва миёнаи касбии даъватшаванда;
- таҳлили ҳуҷҷатҳое, ки комиссариатҳои ҳарбӣ барои даъватшаванда аз муассисаҳои тиббӣ, ташкилоти манзилию истифодабарӣ, корхонаҳо ва мақомоти дахлдор дар асоси моддаи 10 Қонуни Ҷумҳурии Тоҷикистон "Дар бораи уҳдадории ҳарбӣ ва хизмати ҳарбӣ" ҷамъ овардаанд;
- гузаронидани суҳбатҳо бо даъватшаванда, падару модар ё шахсони онҳоро ивазкунанда, инчунин бо маъмурияти корхонаҳо (муассисаҳои таълимӣ), ки даъватшаванда дар он ҷо кор (таҳсил) мекунад;
- муайян намудани мувофиқати даъватшаванда ба хизмати ҳарбӣ аз рӯи вазъи саломатӣ ва инкишофи ҷисмонӣ, таъиноти онҳо ба навъҳои Қувваҳои Мусаллаҳи Ҷумҳурии Тоҷикистон, навъҳои қӯшун ва ҷузъу томҳои дигари ҳарбӣ.
4. ТАРТИБИ ГУЗАРОНИДАНИ МУОИНАИ ТИББӢ
9. Бо вазъи саломатӣ қобил будани даъватшавандагон ба хизмати ҳарбӣ ва инкишофи ҳаматарафаи онҳо, таъиноти пешакии онҳоро ба навъҳои Қувваҳои Мусаллаҳ, қӯшун ва сохторҳои дигари ҳарбӣ ҳар як табиб-мутахассис бо усули баҳодиҳии фардӣ муайян мекунад. Хулоса оид ба қобил будан ё ғайриқобил будани даъватшавандагон ба хизмати ҳарбӣ, ариза ё шикоятҳо ва далелҳои воқеие, ки дар ҷараёни муоинаи тиббӣ ошкор шудаанд, инчунин ташхиси муқарраршударо ҳар як табиб-мутахассис дар варақаи қайди даъватшаванда ва ҳуҷҷатҳои дигари пешбининамудаи Низомномаи ташхиси тиббии ҳарбӣ сабт менамояд ва бо имзои шахсии табиб-мутахассис бо нишон додани санаи муоинаи тиббии даъватшаванда тасдиқ карда мешавад.
10. Баъди муоинаи тиббиро гузаштани даъватшаванда табиб-узви комиссияи даъватӣ дурустии ҳамаи навиштаҷотеро, ки табибонмутахассисон ба варақаи тиббии даъватии даъватшаванда барои гузориш ба комиссияи даъватӣ ба ҳар як даъватшаванда оид ба вазъи саломатии ӯ, инкишофи ҷисмонӣ, қобил будан ба хизмати ҳарбӣ ва имконияти дохил намудан ба ин ё он навъи Қувваҳои Мусаллаҳ, қӯшунҳо ва сохторҳои дигари ҳарбӣ ва оид ба шахсони беморидошта бошад, дар бораи зарурати ба онҳо додани таъхир аз даъват бо сабаби беморӣ ё роҳхат барои муоинаи иловагӣ ё табобат дарҷ кардаанд, дақиқ месанҷад.
5. ТАРТИБИ ДАЪВАТИ ГУРӯҲИ АЛОҲИДАИ ШАҲРВАНДОН
11. Даъватшавандагоне, ки муассисаҳои таҳсилоти миёнаи касбиро хатм намудаанд, инчунин тайёриро бо ихтисосҳои ҳарбӣ дар муассисаҳои таълимии Кумитаи марказии ташкилоти ҷамъиятии мададгори мудофиаи Ҷумҳурии Тоҷикистон гузаштаанд, ба хизмати ҳарбӣ даъват карда мешаванд ва ба навъҳои Қувваҳои Мусаллаҳ, қӯшунҳо ва сохторҳои дигари ҳарбӣ ба вазифаи барои онҳо мувофиқ, чун қоида, аз рӯйи ихтисосҳои гирифтаи онҳо дар муассисаҳои таълимии (ташкилотҳои) дахлдор фиристода мешаванд.
12. Бародарон-дугоникҳо, агар онҳо дар як вақт аз тарафи як комиссия даъват шуда бошанд ва аз рӯйи маълумоту тайёрии махсус, вазъи саломатию инкишофи ҷисмонӣ, хулқ ва қобилияти дигар нишондодҳои ягона дошта бошанд, бояд, чун қоида, ба хизмати ҳарбӣ якҷоя ба як қисми ҳарбӣ фиристода шаванд.
6. ТАРТИБИ ГУЗАРОНИДАНИ ЧОРАБИНИҲОИ ПЕШ АЗ ДАЪВАТ
13. Бо мақсади ташкил ва сифатнок гузаронидани чорабиниҳои даъвати шаҳрвандон ба хизмати ҳарбии ҳатмии муҳлатнок пеш аз даъват чорабиниҳои зерин гузаронида мешаванд:
- қабули қарор оид ба гузаронидани омӯзиши пешаздаъватӣ ва омода намудани шаҳрвандони синни даъватӣ;
- дар назди Ситоди генералии Қувваҳои Мусаллаҳи Ҷумҳурии Тоҷикистон гузаронидани ҷамъомадҳои як ё дурӯзаи таълимӣметодии комиссарони ҳарбӣ ва сардорони шуъбаҳои (зершуъбаҳои) дахлдори комиссариатҳои ҳарбӣ;
- дар назди комиссариатҳои ҳарбии вилоятҳо гузаронидани ҷамъомадҳои ду ё серӯзаи таълимӣ-методии комиссарони ҳарбии шаҳру ноҳияҳо, сардорони шуъбаҳои (зершуъбаҳои) дахлдори комиссариатҳои ҳарбӣ ва табибон-мутахассисон;
- дар назди комиссариатҳои ҳарбии шаҳру ноҳияҳо гузаронидани ҷамъомадҳои якрӯзаи таълимӣ-методӣ бо аъзои комиссияи даъватӣ, табибон-мутахассисон, ҳайати техникӣ ва хизматрасон.
14. Комиссарони ҳарбии шаҳру ноҳияҳо уҳдадоранд пеш аз даъвати шаҳрвандон ба хизмати ҳарбии ҳатмии муҳлатнок бо роҳбарони ташкилотҳои истифодабарии манзил, раисони ҷамоатҳо, роҳбарони хадамоти кадрии ташкилоту идораҳо, муассисаҳо ва шахсони ҳуқуқӣ новобаста аз шакли моликият, инчунин шахсони масъули ба қайд гирифтани даъватшавандагон, оид ба тартиби хабар кардани даъватшавандагон, ҳозир шудани онҳо ба нуқтаҳои даъват ва фиристодан ба қӯшунҳо машғулият гузаронанд.
15. Хабар додани шаҳрвандон оид ба даъват ба хизмати ҳарбии ҳатмии муҳлатнок ва ҳозир шудани онҳо ба нуқтаҳои даъват тибқи Қонуни Ҷумҳурии Тоҷикистон "Дар бораи уҳдадории ҳарбӣ ва хизмати ҳарбӣ" амалӣ карда мешавад.
16. Даъватномаро ба шаҳрванд кормандони комиссариатҳои ҳарбии ҷойи истиқомат, кор ё таҳсили шаҳрванд ба воситаи роҳбарон, шахсони масъули дигари корхона, муассиса ва ташкилотҳо, сарфи назар аз шакли моликият ва ташкилию ҳуқуқӣ, инчунин шахсони мансабдоре, ки барои баҳисобгирии ҳарбии мақомоти худидоракунии шаҳрак ва деҳот, роҳбарони мақомоти худфаъолияти ҷамъиятӣ (шӯрои маҳалла, кумитаи маҳалла, кумитаи манзил ва ба мисли онҳо) масъуланд, месупоранд.
17. Даъватномаи комиссариатҳои ҳарбӣ дар ду шакл пешбинӣ гардида, шакли якум барои даъват кардани шаҳрвандон ба комиссариатҳои ҳарбии шаҳр (ноҳия) ва шакли дуюм барои сафарбар кардан ба маҳалли адои хизмати ҳарбӣ истифода мешаванд. Шаклҳои даъватнома аз ҷониби Вазорати мудофиаи Ҷумҳурии Тоҷикистон тасдиқ карда мешаванд.
18. Даъватномаҳо дар китобҳои ягона ба қайд гирифта шуда, зери назорати комиссарони ҳарбӣ қарор доранд. Намунаи китобҳо аз ҷониби Вазорати мудофиаи Ҷумҳурии Тоҷикистон тасдиқ карда мешаванд.
19. Комиссарони ҳарбии шаҳру ноҳияҳо уҳдадоранд ҳозир шудани даъватшавандагонро барои гузаштани комиссияи даъватӣ назорат намоянд ва нисбати шахсоне, ки ба комиссияи даъватӣ ҳозир нашудаанд, тибқи талаботи қонунгузорӣ чораҳо андешанд.
20. Ба даъватшавандагоне, ки барои гузаштани комиссияи даъватӣ бо сабабҳои узрнок ҳозир нашудаанд, рӯзи дигари ҳозиршавӣ муқаррар карда мешавад.
21. Комиссарони ҳарбии шаҳру ноҳияҳо доир ба ҳама ҳолатҳои бе сабабҳои узрнок ҳозир нашудани даъватшавандагон ба комиссияи даъватӣ ба мақомоти корҳои дохилӣ барои ҷӯстуҷӯйи онҳо хабар медиҳанд.
22. Аз рӯйи тамоми чорабиниҳои асосӣ, ки бо ташкилу гузаронидани даъвати навбатии шаҳрвандон ба хизмати ҳарбӣ ва таъминоти моддӣ алоқаманд мебошанд, комиссарони ҳарбӣ ба раисони Вилояти Мухтори Кӯҳистони Бадахшон, вилоятҳо, шаҳру ноҳияҳо барои қабули қарори дахлдор муроҷиат менамоянд.
7. ТАРТИБИ БА ХИЗМАТИ ҲАРБӢ ОМОДА КАРДАНИ ШАҲРВАНДОН
23. Омӯзиши пешаздаъватӣ ва омода намудани шаҳрвандони синни даъватӣ тибқи талаботи Қонуни Ҷумҳурии Тоҷикистон "Дар бораи уҳдадории ҳарбӣ ва хизмати ҳарбӣ" ба роҳ монда мешавад.
24. Комиссияҳои даъватӣ аз рӯйи натиҷаҳои муоинаи тиббӣ қарорҳои дахлдор қабул менамоянд.
25. Доир ба тарбияи ҳарбию ватандӯстии шаҳрвандон аз ҷониби мақоми ваколатдор якҷо бо мақомоти давлатие, ки дар онҳо мутобиқи Қонуни Ҷумҳурии Тоҷикистон "Дар бораи уҳдадории ҳарбӣ ва хизмати ҳарбӣ" хизмати ҳарбӣ пешбинӣ шудааст, мунтазам тадбирҳои амалӣ андешида мешаванд.
8. МУҚАРРАРОТИ ХОТИМАВӢ
26. Шахсони воқеӣ ва ҳуқуқӣ барои риоя накардани талаботи Низомнома мутобиқи қонунгузории Ҷумҳурии Тоҷикистон ба ҷавобгарӣ кашида мешаванд.
Бо қарори Ҳукумати
Ҷумҳурии Тоҷикистон
аз 25 октябри соли 2022, № 505
тасдиқ шудааст
Низомномаи тартиби даъвати шаҳрвандон ба хизмати ҳарбӣ
1. МУҚАРРАРОТИ УМУМӢ
1. Низомномаи тартиби даъвати шаҳрвандон ба хизмати ҳарбӣ (минбаъд - Низомнома) дар асоси Қонуни Ҷумҳурии Тоҷикистон "Дар бораи уҳдадории ҳарбӣ ва хизмати ҳарбӣ" таҳия гардида, тартиб ва ташкили гузаронидани даъвати шаҳрвандонро ба хизмати ҳарбӣ ба танзим медарорад.
2. Шумораи шаҳрвандоне, ки ба хизмати ҳарбии ҳатмии муҳлатнок ва адои хизмати ҳарбӣ дар ҳайати захираҳои даъвати сафарбарӣ даъват мешаванд, бо фармони Президенти Ҷумҳурии Тоҷикистон муқаррар гардида, тақсимоти онҳо ба навъҳои Қувваҳои Мусаллаҳи Ҷумҳурии Тоҷикистон, қӯшунҳо ва воҳидҳои дигари ҳарбӣ тибқи нақшаи аз ҷониби вазири мудофиаи Ҷумҳурии Тоҷикистон тасдиқгардида муайян мегардад.
2. ТАРТИБИ ТАШКИЛ ВА ГУЗАРОНИДАНИ ДАЪВАТ
3. Шаҳрвандони ҷинси марди аз 18 то 27-солаи дар қайди ҳарбӣ қарордошта ё шаҳрвандоне, ки уҳдадоранд дар қайди ҳарбӣ бошанд ва барои ба таъхир гузоштани муҳлати даъват ё озод шудан аз даъват ба хизмати ҳарбии ҳатмии муҳлатнок ҳуқуқ надоранд, бояд хизмати ҳарбии ҳатмии муҳлатнокро дар Қувваҳои Мусаллаҳи Ҷумҳурии Тоҷикистон, қӯшунҳо ва воҳидҳои дигари ҳарбӣ, ки мутобиқи Қонуни Ҷумҳурии Тоҷикистон "Дар бораи уҳдадории ҳарбӣ ва хизмати ҳарбӣ" дар онҳо хизмати ҳарбӣ дар вазифаҳои сарбозон ва сержантон пешбинӣ гардидааст, адо намоянд.
4. Шаҳрвандони қобил ба хизмати ҳарбӣ, ки ҳуқуқи озод шудан ё ба таъхир гузоштани муҳлати даъват ба хизмати ҳарбиро надоранд, метавонанд бо интиқоли маблағ ба суратҳисоби махсус ба таври ихтиёрӣ хизмати ҳарбиро дар ҳайати захираҳои даъватӣ сафарбарӣ адо намоянд.
5. Бо мақсади даъват ба хизмати ҳарбии ҳатмии муҳлатнок ва хизмати ҳарбӣ дар ҳайати захираҳои даъвати сафарбарӣ дар Вилояти Мухтори Кӯҳистони Бадахшон, вилоятҳо, шаҳри Душанбе, шаҳру ноҳияҳои тобеи ҷумҳурӣ ва шаҳру ноҳияҳо комиссияҳои даъватӣ таъсис дода мешаванд.
6. Раисони Вилояти Мухтори Кӯҳистони Бадахшон, вилоятҳо, шаҳру ноҳияҳо, комиссарони ҳарбии Вилояти Мухтори Кӯҳистони Бадахшон, вилоятҳо, шаҳри Душанбе, комиссари ҳарбии шаҳру ноҳияҳои тобеи ҷумҳурӣ ва шаҳру ноҳияҳо, инчунин аъзои комиссияҳои даъватӣ барои ташкил ва гузаронидани даъвати шаҳрвандон ба хизмати ҳарбии ҳатмии муҳлатнок ва хизмати ҳарбӣ дар ҳайати захираҳои даъвати сафарбарӣ масъул мебошанд.
3. ВАЗИФАҲОИ РАИСОНИ ВИЛОЯТИ МУХТОРИ КӯҲИСТОНИ БАДАХШОН, ВИЛОЯТҲО, ШАҲРИ ДУШАНБЕ, ШАҲРУ НОҲИЯҲО, КОМИССАРОНИ ҲАРБӢ ВА КОМИССИЯҲОИ ДАЪВАТӢ
7. Ба зиммаи раисони Вилояти Мухтори Кӯҳистони Бадахшон, вилоятҳо, шаҳру ноҳияҳо вогузор карда мешаванд:
- қабули қарорҳо оид ба таъсиси комиссияҳои даъвати шаҳрвандон ба хизмати ҳарбӣ;
- якҷо бо комиссарони ҳарбӣ даъват намудани шаҳрвандон ба хизмати ҳарбии ҳатмии муҳлатнок, хизмати ҳарбӣ дар ҳайати захираҳои даъвати сафарбарӣ ва фиристодани онҳо ба қӯшунҳо;
- якҷо бо комиссарони ҳарбӣ таъмин намудани ҳозиршавии даъватшавандагон ба комиссариатҳои ҳарбӣ барои гузаштан аз комиссияи даъватӣ;
- пешниҳод намудани ҳисобот ба Ҳукумати Ҷумҳурии Тоҷикистон оид ба гузаронидани даъвати шаҳрвандон ба хизмати ҳарбии ҳатмии муҳлатнок ва хизмати ҳарбӣ дар ҳайати захираҳои даъвати сафарбарӣ.
8. Ба зиммаи комиссияҳои даъватии Вилояти Мухтори Кӯҳистони Бадахшон, вилоятҳо, шаҳри Душанбе, шаҳру ноҳияҳои тобеи ҷумҳурӣ ва шаҳру ноҳияҳо вогузор карда мешавад:
- омӯзиши вазъи оилавӣ, ҷойи таваллуд ва истиқомат, сифатҳои сиёсию корӣ, маънавию руҳӣ, вазъи саломатӣ, инкишофи ҷисмонӣ, таҳсилоти умумӣ ва миёнаи касбии даъватшаванда;
- таҳлили ҳуҷҷатҳое, ки комиссариатҳои ҳарбӣ барои даъватшаванда аз муассисаҳои тиббӣ, ташкилоти манзилию истифодабарӣ, корхонаҳо ва мақомоти дахлдор дар асоси моддаи 10 Қонуни Ҷумҳурии Тоҷикистон "Дар бораи уҳдадории ҳарбӣ ва хизмати ҳарбӣ" ҷамъ овардаанд;
- гузаронидани суҳбатҳо бо даъватшаванда, падару модар ё шахсони онҳоро ивазкунанда, инчунин бо маъмурияти корхонаҳо (муассисаҳои таълимӣ), ки даъватшаванда дар он ҷо кор (таҳсил) мекунад;
- муайян намудани мувофиқати даъватшаванда ба хизмати ҳарбӣ аз рӯи вазъи саломатӣ ва инкишофи ҷисмонӣ, таъиноти онҳо ба навъҳои Қувваҳои Мусаллаҳи Ҷумҳурии Тоҷикистон, навъҳои қӯшун ва ҷузъу томҳои дигари ҳарбӣ.
4. ТАРТИБИ ГУЗАРОНИДАНИ МУОИНАИ ТИББӢ
9. Бо вазъи саломатӣ қобил будани даъватшавандагон ба хизмати ҳарбӣ ва инкишофи ҳаматарафаи онҳо, таъиноти пешакии онҳоро ба навъҳои Қувваҳои Мусаллаҳ, қӯшун ва сохторҳои дигари ҳарбӣ ҳар як табиб-мутахассис бо усули баҳодиҳии фардӣ муайян мекунад. Хулоса оид ба қобил будан ё ғайриқобил будани даъватшавандагон ба хизмати ҳарбӣ, ариза ё шикоятҳо ва далелҳои воқеие, ки дар ҷараёни муоинаи тиббӣ ошкор шудаанд, инчунин ташхиси муқарраршударо ҳар як табиб-мутахассис дар варақаи қайди даъватшаванда ва ҳуҷҷатҳои дигари пешбининамудаи Низомномаи ташхиси тиббии ҳарбӣ сабт менамояд ва бо имзои шахсии табиб-мутахассис бо нишон додани санаи муоинаи тиббии даъватшаванда тасдиқ карда мешавад.
10. Баъди муоинаи тиббиро гузаштани даъватшаванда табиб-узви комиссияи даъватӣ дурустии ҳамаи навиштаҷотеро, ки табибонмутахассисон ба варақаи тиббии даъватии даъватшаванда барои гузориш ба комиссияи даъватӣ ба ҳар як даъватшаванда оид ба вазъи саломатии ӯ, инкишофи ҷисмонӣ, қобил будан ба хизмати ҳарбӣ ва имконияти дохил намудан ба ин ё он навъи Қувваҳои Мусаллаҳ, қӯшунҳо ва сохторҳои дигари ҳарбӣ ва оид ба шахсони беморидошта бошад, дар бораи зарурати ба онҳо додани таъхир аз даъват бо сабаби беморӣ ё роҳхат барои муоинаи иловагӣ ё табобат дарҷ кардаанд, дақиқ месанҷад.
5. ТАРТИБИ ДАЪВАТИ ГУРӯҲИ АЛОҲИДАИ ШАҲРВАНДОН
11. Даъватшавандагоне, ки муассисаҳои таҳсилоти миёнаи касбиро хатм намудаанд, инчунин тайёриро бо ихтисосҳои ҳарбӣ дар муассисаҳои таълимии Кумитаи марказии ташкилоти ҷамъиятии мададгори мудофиаи Ҷумҳурии Тоҷикистон гузаштаанд, ба хизмати ҳарбӣ даъват карда мешаванд ва ба навъҳои Қувваҳои Мусаллаҳ, қӯшунҳо ва сохторҳои дигари ҳарбӣ ба вазифаи барои онҳо мувофиқ, чун қоида, аз рӯйи ихтисосҳои гирифтаи онҳо дар муассисаҳои таълимии (ташкилотҳои) дахлдор фиристода мешаванд.
12. Бародарон-дугоникҳо, агар онҳо дар як вақт аз тарафи як комиссия даъват шуда бошанд ва аз рӯйи маълумоту тайёрии махсус, вазъи саломатию инкишофи ҷисмонӣ, хулқ ва қобилияти дигар нишондодҳои ягона дошта бошанд, бояд, чун қоида, ба хизмати ҳарбӣ якҷоя ба як қисми ҳарбӣ фиристода шаванд.
6. ТАРТИБИ ГУЗАРОНИДАНИ ЧОРАБИНИҲОИ ПЕШ АЗ ДАЪВАТ
13. Бо мақсади ташкил ва сифатнок гузаронидани чорабиниҳои даъвати шаҳрвандон ба хизмати ҳарбии ҳатмии муҳлатнок пеш аз даъват чорабиниҳои зерин гузаронида мешаванд:
- қабули қарор оид ба гузаронидани омӯзиши пешаздаъватӣ ва омода намудани шаҳрвандони синни даъватӣ;
- дар назди Ситоди генералии Қувваҳои Мусаллаҳи Ҷумҳурии Тоҷикистон гузаронидани ҷамъомадҳои як ё дурӯзаи таълимӣметодии комиссарони ҳарбӣ ва сардорони шуъбаҳои (зершуъбаҳои) дахлдори комиссариатҳои ҳарбӣ;
- дар назди комиссариатҳои ҳарбии вилоятҳо гузаронидани ҷамъомадҳои ду ё серӯзаи таълимӣ-методии комиссарони ҳарбии шаҳру ноҳияҳо, сардорони шуъбаҳои (зершуъбаҳои) дахлдори комиссариатҳои ҳарбӣ ва табибон-мутахассисон;
- дар назди комиссариатҳои ҳарбии шаҳру ноҳияҳо гузаронидани ҷамъомадҳои якрӯзаи таълимӣ-методӣ бо аъзои комиссияи даъватӣ, табибон-мутахассисон, ҳайати техникӣ ва хизматрасон.
14. Комиссарони ҳарбии шаҳру ноҳияҳо уҳдадоранд пеш аз даъвати шаҳрвандон ба хизмати ҳарбии ҳатмии муҳлатнок бо роҳбарони ташкилотҳои истифодабарии манзил, раисони ҷамоатҳо, роҳбарони хадамоти кадрии ташкилоту идораҳо, муассисаҳо ва шахсони ҳуқуқӣ новобаста аз шакли моликият, инчунин шахсони масъули ба қайд гирифтани даъватшавандагон, оид ба тартиби хабар кардани даъватшавандагон, ҳозир шудани онҳо ба нуқтаҳои даъват ва фиристодан ба қӯшунҳо машғулият гузаронанд.
15. Хабар додани шаҳрвандон оид ба даъват ба хизмати ҳарбии ҳатмии муҳлатнок ва ҳозир шудани онҳо ба нуқтаҳои даъват тибқи Қонуни Ҷумҳурии Тоҷикистон "Дар бораи уҳдадории ҳарбӣ ва хизмати ҳарбӣ" амалӣ карда мешавад.
16. Даъватномаро ба шаҳрванд кормандони комиссариатҳои ҳарбии ҷойи истиқомат, кор ё таҳсили шаҳрванд ба воситаи роҳбарон, шахсони масъули дигари корхона, муассиса ва ташкилотҳо, сарфи назар аз шакли моликият ва ташкилию ҳуқуқӣ, инчунин шахсони мансабдоре, ки барои баҳисобгирии ҳарбии мақомоти худидоракунии шаҳрак ва деҳот, роҳбарони мақомоти худфаъолияти ҷамъиятӣ (шӯрои маҳалла, кумитаи маҳалла, кумитаи манзил ва ба мисли онҳо) масъуланд, месупоранд.
17. Даъватномаи комиссариатҳои ҳарбӣ дар ду шакл пешбинӣ гардида, шакли якум барои даъват кардани шаҳрвандон ба комиссариатҳои ҳарбии шаҳр (ноҳия) ва шакли дуюм барои сафарбар кардан ба маҳалли адои хизмати ҳарбӣ истифода мешаванд. Шаклҳои даъватнома аз ҷониби Вазорати мудофиаи Ҷумҳурии Тоҷикистон тасдиқ карда мешаванд.
18. Даъватномаҳо дар китобҳои ягона ба қайд гирифта шуда, зери назорати комиссарони ҳарбӣ қарор доранд. Намунаи китобҳо аз ҷониби Вазорати мудофиаи Ҷумҳурии Тоҷикистон тасдиқ карда мешаванд.
19. Комиссарони ҳарбии шаҳру ноҳияҳо уҳдадоранд ҳозир шудани даъватшавандагонро барои гузаштани комиссияи даъватӣ назорат намоянд ва нисбати шахсоне, ки ба комиссияи даъватӣ ҳозир нашудаанд, тибқи талаботи қонунгузорӣ чораҳо андешанд.
20. Ба даъватшавандагоне, ки барои гузаштани комиссияи даъватӣ бо сабабҳои узрнок ҳозир нашудаанд, рӯзи дигари ҳозиршавӣ муқаррар карда мешавад.
21. Комиссарони ҳарбии шаҳру ноҳияҳо доир ба ҳама ҳолатҳои бе сабабҳои узрнок ҳозир нашудани даъватшавандагон ба комиссияи даъватӣ ба мақомоти корҳои дохилӣ барои ҷӯстуҷӯйи онҳо хабар медиҳанд.
22. Аз рӯйи тамоми чорабиниҳои асосӣ, ки бо ташкилу гузаронидани даъвати навбатии шаҳрвандон ба хизмати ҳарбӣ ва таъминоти моддӣ алоқаманд мебошанд, комиссарони ҳарбӣ ба раисони Вилояти Мухтори Кӯҳистони Бадахшон, вилоятҳо, шаҳру ноҳияҳо барои қабули қарори дахлдор муроҷиат менамоянд.
7. ТАРТИБИ БА ХИЗМАТИ ҲАРБӢ ОМОДА КАРДАНИ ШАҲРВАНДОН
23. Омӯзиши пешаздаъватӣ ва омода намудани шаҳрвандони синни даъватӣ тибқи талаботи Қонуни Ҷумҳурии Тоҷикистон "Дар бораи уҳдадории ҳарбӣ ва хизмати ҳарбӣ" ба роҳ монда мешавад.
24. Комиссияҳои даъватӣ аз рӯйи натиҷаҳои муоинаи тиббӣ қарорҳои дахлдор қабул менамоянд.
25. Доир ба тарбияи ҳарбию ватандӯстии шаҳрвандон аз ҷониби мақоми ваколатдор якҷо бо мақомоти давлатие, ки дар онҳо мутобиқи Қонуни Ҷумҳурии Тоҷикистон "Дар бораи уҳдадории ҳарбӣ ва хизмати ҳарбӣ" хизмати ҳарбӣ пешбинӣ шудааст, мунтазам тадбирҳои амалӣ андешида мешаванд.
8. МУҚАРРАРОТИ ХОТИМАВӢ
26. Шахсони воқеӣ ва ҳуқуқӣ барои риоя накардани талаботи Низомнома мутобиқи қонунгузории Ҷумҳурии Тоҷикистон ба ҷавобгарӣ кашида мешаванд.
