ҲУКУМАТИ ҶУМҲУРИИ ТОҶИКИСТОН

ҚАРОР

Дар бораи ворид намудани тағйиру иловаҳо ба қарори Ҳукумати Ҷумҳурии Тоҷикистон аз 30 августи соли 2011, № 429

Мутобиқи моддаи 56 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

Ба Оинномаи Корхонаи воҳиди давлатии "Тоҷиксуғурта", ки бо қарори Ҳукумати Ҷумҳурии Тоҷикистон аз 30 августи соли 2011, № 429 "Дар бораи Корхонаи воҳиди давлатии "Тоҷиксуғурта"" тасдиқ гардидааст, тағйиру иловаҳои зерин ворид карда шаванд:

- аз банди 2) калима ва аломати "(Сарқонуни)" хориҷ карда шавад;

- дар банди 10) калима ва рақами "А.Деҳлавӣ, 4 "а"" ба калима ва рақами "Теҳрон, 21" иваз карда шаванд;

- банди 12) дар таҳрири зерин ифода карда шавад:

"12) Тоҷиксуғурта фаъолияти суғуртавиро тибқи иҷозатномаи мақоми назорати суғуртавӣ анҷом медиҳад.";

- банди 13) хориҷ карда шавад;

- дар сархати якуми банди 15) калимаи "қаламрави" ба калимаи "ҳудуди" иваз карда шавад;

- дар банди 21) рақам ва калимаҳои "5200000 (панҷ миллиону дусад ҳазор)" ба рақам ва калимаҳои "10000000 (даҳ миллион)" иваз карда шаванд;

- бандҳои 32(1)), 32(2)) ва 32(3)) бо мазмуни зерин илова карда шаванд:

"32(1)) Мақомоти Тоҷиксуғурта инҳоянд:

- мақоми болоӣ - муассис;

- мақоми идоракунӣ - шӯрои нозирон;

- мақоми иҷроия - директори генералӣ.

32(2)) Шӯрои нозирон роҳбарии умумии фаъолияти Тоҷиксуғуртаро анҷом медиҳад, ба истиснои ҳалли масъалаҳое, ки тибқи Қонуни Ҷумҳурии Тоҷикистон "Дар бораи корхонаҳои давлатӣ" ба салоҳияти муассиси корхонаи давлатӣ ё мақоми ваколатдори он дохил мешаванд, ё ин ки ба зиммаи роҳбари корхона вогузор шудаанд.

32(3)) Ҳайат, мақом, салоҳият, ташкили фаъолият, тартиби даъват, ташкил ва баргузории маҷлисҳо ва ҳуқуқу уҳдадориҳои аъзои шӯрои нозирон тибқи низомномаи шӯрои нозирон муайян карда мешаванд.";

- банди 35) дар таҳрири зерин ифода карда шавад:

"35) Директори генералӣ фаъолияти худ ва ҳалли масъалаҳои вобаста ба Тоҷиксуғуртаро мустақилона дар доираи ваколатҳое, ки бо қонунҳои Ҷумҳурии Тоҷикистон "Дар бораи корхонаҳои давлатӣ", "Дар бораи фаъолияти суғуртавӣ", дигар санадҳои меъёрии ҳуқуқии Ҷумҳурии Тоҷикистон ва Оинномаи мазкур муайян шудаанд, амалӣ менамояд.".