ҲУКУМАТИ ҶУМҲУРИИ ТОҶИКИСТОН

ҚАРОР

Дар бораи ворид намудани тағйиру иловаҳо ба қарори Ҳукумати Ҷумҳурии Тоҷикистон аз 27 майи соли 2017, №257

Мутобиқи моддаи 56 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистои қарор мекунад:

Ба замимаи 1 қарори Ҳукумати Ҷумҳурии Тоҷикистон аз 27 майи соли 2017, №257 "Дар бораи Кумитаи кор бо ҷавонон ва варзиши назди Ҳукумати Ҷумҳурии Тоҷикистон" тағйиру иловаҳои зерин ворид карда шаванд:

1) дар бандҳои 1, 3 ва сархати якуми банди 4 калимаҳои "сиёсати давлатии" ба калимаҳои "кор бо" иваз карда шаванд;

2) дар банди 4:

- дар сархати ҳабдаҳум пас аз калимаҳои "фаъолияти соҳибкорӣ" калимаҳои ", хоҷагидорӣ ва ҳунармандӣ" илова карда шаванд;

- аз сархати бисту якум калимаҳои "ва ба фаъолияти Биржаи меҳнатии ҷавонон оид ба бастани шартнома бо созмонҳои хориҷӣ чораҳои зарурӣ меандешад" хориҷ карда шаванд;

- дар сархати сию дуюм калимаҳои "тақвими ягонаи" ба калимаҳои "нақшаи ягонаи тақвимии" иваз карда шаванд;

- дар сархати сию сеюм калимаҳои "таълимию-машқиро" ба калимаҳои "машқиву варзиширо" иваз карда шаванд;

3) дар банди 8 калимаи "фармонҳои" ба калимаи "фармоишҳои" иваз карда шавад;

4) дар сархати сеюми банди 9 пас аз калимаҳои "Кумитаи зикргардида ва" калимаи "роҳбарони" илова карда шавад;

5) дар банди 16 калима ва рақамҳои "Спортивная, 6." ба калима ва рақамҳои "Академикҳо Раҷабовҳо, 3" иваз карда шаванд.