ҲУКУМАТИ ҶУМҲУРИИ ТОҶИКИСТОН

ҚАРОР

Дар бораи ворид намудани тағйирот ба қарори Ҳукумати Ҷумҳурии Тоҷикистон аз 28 феврали соли 2014, №132

Мутобиқи моддаи 56 Қонуни Ҷумҳурии Точикистон "Дар бораи санадҳои меъёрии ҳукуқӣ" Ҳукумати Ҷумхурии Тоҷикистон қарор мекунад:

1. Сархати чоруми зербанди "в" банди 5 Низомномаи Агентии хоҷагии ҷангали назди Ҳукумати Ҷумҳурии Тоҷикистон, ки бо қарори Ҳукумати Ҷумҳурии Тоҷикистон аз 28 феврали соли 2014, №132 "Дар бораи Агентии хоҷагии ҷангали назди Ҳукумати Ҷумҳурии Тоҷикистон" тасдик шудааст, дар таҳрири зерин ифода карда шавад:

"- ташкил ва таъмини рушди устувори сайёҳии экологии дохилӣ ва хориҷӣ дар ҷангалҳои истироҳатӣ ва парваришгоҳҳо;".

2. Сохтори дастгоҳи марказии Агентии хоҷагии ҷангали назди Ҳукумати Ҷумҳурии Тоҷикистон, ки бо қарори Ҳукумати Ҷумҳурии Тоҷикистон аз 28 феврали соли 2014, №132 "Дар бораи Агентии хоҷагии ҷангали назди Ҳукумати Ҷумҳурии Тоҷикистон" тасдиқ шудааст, дар таҳрири зерин ифода карда шавад:

"Роҳбарият

Раёсати хоҷагии ҷангал

Шуъбаи бунёду барқароркунии ҷангал ва ниҳолхонаҳо

Шуъбаи шикор ва шикоргоҳҳо

Шуъбаи молия, муҳосибот ва банақшагирӣ

Шуъбаи кадрҳо ва таъминоти ҳуқуқӣ

Шуъбаи робитаҳои байналмилалӣ ва иттилоот

Шуъбаи кадастр ва мониторинги давлатии ҷангал".