ФАРМОНИ ПРЕЗИДЕНТИ ҶУМҲУРИИ ТОҶИКИСТОН

Дар бораи ворид намудани тағйироту илова ба фармони Президенти Ҷумҳурии Тоҷикистон аз 15 августи соли 2016, №737

Мутобиқи моддаи 56 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" фармон медиҳам:

Дар банди 13 §9 боби 2 фасли II Феҳристи мансабҳои давлатии Ҷумҳурии Тоҷикистон, ки бо фармони Президенти Ҷумҳурии Тоҷикистон аз 15 августи соли 2016, №737 "Дар бораи Феҳристи мансабҳои давлатии Ҷумҳурии Тоҷикистон" тасдиқ шудааст, тағйироту иловаи зерин ворид карда шаванд:

- қисми муқаддимавии зербанди 13.2) дар таҳрири зерин ифода карда шавад:

"13.2) Хадамоти назорати давлатии энергетикӣ";

- ба зербанди 13.2.1) дар мансабҳои категорияи якум пас аз калимаҳои "Муовини сардори Хадамот" калимаҳои "Сардори раёсат" илова гардида, дар мансабҳои категорияи дуюм аломати нимтире "-" ба калимаҳои "Муовини сардори раёсат" иваз карда шавад;

- қисми муқаддимавии зербанди 13.2.2) дар таҳрири зерин ифода карда шавад:

"13.2.2) Раёсатҳои назорати давлатии энергетикии шаҳри Душанбе, шаҳру ноҳияҳои тобеи ҷумҳурӣ, минтақаҳои Бохтар, Кӯлоб, Суғд, Истаравшан, шаҳри Хуҷанд, шуъбаҳои назорати давлатии энергетикии минтақаи Зарафшон ва Вилояти Мухтори Кӯҳистони Бадахшон".