ҲУКУМАТИ ҶУМҲУРИИ ТОҶИКИСТОН

ҚАРОР

Дар бораи Тартиби адои хизмати ҳарбӣ дар ҳайати захираҳои даъвати сафарбарӣ

Мутобиқи моддаи 37 Қонуни Ҷумҳурии Тоҷикистон "Дар бораи уҳдадории ҳарбӣ ва хизмати ҳарбӣ" Ҳукумати Ҷумҳурии Тоҷикистон қарор мекунад:

1. Андозаи маблағ барои адои хизмати ҳарбӣ дар ҳайати захираҳои даъвати сафарбарӣ 750 нишондиҳанда барои ҳисобҳо муқаррар карда шавад (қарори Ҳукумати ҶТ аз 31.07.2023 № 332).

2. Тартиби адои хизмати ҳарбӣ дар ҳайати захираҳои даъвати сафарбарӣ тасдиқ карда шавад (замима мегардад).

3. Вазорати мудофиаи Ҷумҳурии Тоҷикистон ва Вазорати молияи Ҷумҳурии Тоҷикистон иҷрои тартиби мазкурро таъмин намоянд.

4. Вазорати мудофиаи Ҷумҳурии Тоҷикистон якҷо бо вазорату идораҳои дахлдор ҷиҳати дар сатҳи зарурӣ ба роҳ мондани корҳо оид ба таблиғ ва ташвиқи Қонуни Ҷумҳурии Тоҷикистон "Дар бораи уҳдадории ҳарбӣ ва хизмати ҳарбӣ" ва тартиби мазкур чораандешӣ намояд.