ҲУКУМАТИ ҶУМҲУРИИ ТОҶИКИСТОН

ҚАРОР

Дар бораи ворид намудани тағйирот ба қарори Ҳукумати Ҷумҳурии Тоҷикистон аз 6 декабри соли 2014, № 767

Мутобиқи моддаи 56 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

1. Дар муқаддимаи қарори Хусумати Ҷумҳурии Тоҷикистон аз 6 декабри соли 2014, №767 "Дар бораи таъсиси Шӯрои миллӣ оид ба ҳамоҳангсозӣ ва рушди соҳаи моликияти зеҳнӣ дар Ҷумҳурии Тоҷикистон" калимаҳо, рақамҳо ва аломати "ва бо мақсади амалигардонии Стратегияи миллии рушди моликияти зеҳнии Ҷумҳурии Тоҷикистон барои солҳои 2014-2020," хориҷ карда шаванд.

2. Ба ҳайати Шӯрои миллӣ оид ба ҳамоҳангсозӣ ва рушди соҳаи моликияти зеҳнӣ дар Ҷумҳурии Тоҷикистон (аз рӯи вазифа), ки бо қарори Ҳукумати Ҷумҳурии Тоҷикистон аз 6 декабри соли 2014, №767 "Дар бораи таъсиси Шӯрои миллӣ оид ба ҳамоҳангсозӣ ва рушди соҳаи моликияти зеҳнӣ дар Ҷумҳурии Тоҷикистон" тасдиқ шудааст, тағйироти зерин ворид карда шавад:

- дар сархати "Сардори Раёсати илму маърифати Дастгоҳи иҷроияи Президенти Ҷумҳурии Тоҷикистон" калимаҳои "илму маърифати" ба калимаҳои "маориф, фарҳанг ва иттилооти" иваз карда шаванд;

- аз сархати "Муовини якуми Вазири адлияи Ҷумҳурии Тоҷикистон" калимаи "якуми" хориҷ карда шавад;

- сархати "Муовини Раиси Шӯрои адлияи Ҷумҳурии Тоҷикистон" хориҷ карда шавад;

- дар сархати "Ноиби Президенти Академияи илмҳои Ҷумҳурии Тоҷикистон" калимаҳои "илмҳои Ҷумҳурии" ба калимаҳои "миллии илмҳои" иваз карда шаванд.

3. Дар Низомномаи Шӯрои миллӣ оид ба ҳамоҳангсозӣ ва рушди соҳаи моликияти зеҳнӣ дар Ҷумҳурии Тоҷикистон, ки бо қарори Ҳукумати Ҷумҳурии Тоҷикистон аз 6 декабри соли 2014, №767 "Дар бораи таъсиси Шӯрои миллӣ оид ба ҳамоҳангсозӣ ва рушди соҳаи моликияти зеҳнӣ дар Ҷумҳурии Тоҷикистон" тасдиқ шудааст, тағйироти зерин ворид карда шаванд:

- аз банди 2 калимаи "(Сарқонуни)" хориҷ карда шавад;

- банди 17 дар таҳрири зерин ифода карда шавад:

"17. Вазорату идораҳо, мақомоти иҷроияи маҳаллии ҳокимияти давлатӣ ва ташкилотҳо оид ба иҷрои санадҳои меъёрии ҳуқуқӣ дар соҳаи моликияти зеҳнӣ нақшаҳои корӣ ва ҳисоботҳои худро барои ҷамъбаст ва баррасӣ дар ҷаласаҳои Шӯро ба котиби Шӯро ва мақоми иҷроияи Шӯро ба таври расмӣ пешниҳод менамоянд.".