ҲУКУМАТИ ҶУМҲУРИИ ТОҶИКИСТОН

ҚАРОР

Дар бораи ворид намудани тағйироту илова ба қарори Ҳукумати Ҷумҳурии Тоҷикистон аз 30 декабри соли 2007, № 652

Мутобиқи моддаи 56 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

1. Ба қарори Ҳукумати Ҷумҳурии Тоҷикистон аз 30 декабри соли 2007, № 652 "Дар бораи Агентии захираҳои моддии давлатии назди Ҳукумати Ҷумҳурии Тоҷикистон" тағйироти зерин ворид карда шаванд:

1) дар банди 3 калимаҳои "корхонаҳои воҳиди давлатии ҷумҳуриявии" ба калимаи "ташкилотҳои" иваз карда шаванд;

2) дар банди 4 рақами "34" ба рақами "45" иваз карда шавад.

2. Ба Низомномаи Агентии захираҳои моддии давлатии назди Ҳукумати Ҷумҳурии Тоҷикистон, ки бо қарори Ҳукумати Ҷумҳурии Тоҷикистон аз 30 декабри соли 2007, №652 тасдиқ шудааст, тағйироту иловаи зерин ворид карда шаванд:

1) аз банди 2 калимаи "(Сарқонуни)" хориҷ карда шавад;

2) дар сархатҳои нуҳум, дувоздаҳум ва сенздаҳуми банди 5 калимаи "корхонаҳои" ба калимаи "ташкилотҳои" иваз карда шавад;

3) дар банди 7:

 - дар сархати сеюм аломати нуқта ба аломати нуқтавегул ";" иваз карда шавад;

- сархати чорум бо мазмуни зерин илова карда шавад:

"- барои андӯхту хизматрасонии захираи давлатӣ маблағҳоро аз ҳисоби ташкилотҳои молиявии милливу байналмилалӣ ҷалб намояд;";

4) дар банди 10:

 - дар сархати ҳафтум калимаҳои "корхонаҳои воҳиди давлатии ҷумҳуриявии" ба калимаи "ташкилотҳои" иваз карда шаванд;

- дар сархати ҳаштум калимаи "корхонаҳои" ба калимаи "ташкилотҳои" иваз карда шавад;

- дар сархати дувоздаҳум калимаҳои "амру фармонҳо" ба калимаи "фармоишҳо" иваз карда шаванд;

5) банди 13 дар таҳрири зерин ифода карда шавад:

"13. Маҳалли ҷойгиршавии Агентӣ: Ҷумҳурии Тоҷикистон, 734025, шаҳри Душанбе, кӯчаи Ҳусейнзода, 14.".

3. Сохтори дастгоҳи марказии Агентии захираҳои моддии давлатии назди Ҳукумати Ҷумҳурии Тоҷикистон, ки бо қарори Ҳукумати Ҷумҳурии Тоҷикистон аз 30 декабри соли 2007, №652 тасдиқ шудааст, дар таҳрири зерин ифода карда шавад:

"Роҳбарият

Раёсати таҳлил ва банақшагирии захираи давлатӣ

Раёсати ташкил ва идораи захираи давлатӣ

Раёсати молия ва муҳосибот

Раёсати кадрҳо, хоҷагидорӣ ва корҳои махсус

Шуъбаи робитаҳои байналмилалӣ

Шуъбаи таъминоти ҳуқуқӣ

Бахши идораи захираи сафарбарӣ

Бахши коргузорӣ ва назорат".

4. Дар Номгӯи корхонаҳои воҳиди давлатии ҷумҳуриявии системаи Агентии захираҳои моддии давлатии назди Ҳукумати Ҷумҳурии Тоҷикистон, ки бо қарори Ҳукумати Ҷумҳурии Тоҷикистон аз 30 декабри соли 2007, №652 тасдиқ шудааст, калимаҳои "корхонаҳои воҳиди давлатии ҷумҳуриявии" ба калимаи "ташкилотҳои" иваз карда шаванд.