ҲУКУМАТИ ҶУМҲУРИИ ТОҶИКИСТОН

ҚАРОР

Дар бораи ворид намудани тағйироту илова ба қарори Ҳукумати Ҷумҳурии Тоҷикистон аз 25 июни соли 2020, №390

Мутобиқи моддаи 56 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

Ба оинномаи корхонаи воҳиди давлатии бонки саноативу содиротии Тоҷикистон "Саноатсодиротбонк", ки бо қарори Ҳукумати Ҷумҳурии Тоҷикистон аз 25 июни соли 2020, № 390 "Дар бораи табдил додани муассисаи давлатии "Фонди дастгирии соҳибкории назди Ҳукумати Ҷумҳурии Тоҷикистон" ба корхонаи воҳиди давлатии бонки саноативу содиротии Тоҷикистон "Саноатсодиротбонк" тасдиқ шудааст, тағйироту иловаи зерин ворид карда шаванд:

- дар банди 7 калимаҳои "кӯчаи Теҳрон" ба калимаҳои "хиёбони Саъдии Шерозӣ" иваз карда шаванд;

- аз номи боби 6 калимаи "ВА" хориҷ карда шавад;

- дар боби 8 рақами "49" ба рақами "39" иваз карда шуда, ба сархати якуми он пас аз калимаи "судӣ" аломати вергул илова карда шавад;

- банди 61 дар таҳрири зерин ифода карда шавад:

"61. Фонди оинномавии Бонк ба маблағи 380 000 000 (сесаду ҳаштод миллион) сомонӣ ташаккул дода шудааст.".