ҲУКУМАТИ ҶУМҲУРИИ ТОҶИКИСТОН

ҚАРОР

Дар бораи ворид намудани тағйирот ба қарори Ҳукумати Ҷумҳурии Тоҷикистон аз 8 августи соли 2018, №399

Мутобиқи моддаи 56 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

1. Ба замимаи 1 қарори Ҳукумати Ҷумҳурии Тоҷикистон аз 8 августи соли 2018, №399 "Дар бораи меъёрҳои боҷҳои гумрукии воридотии Ҷумҳурии Тоҷикистон" тағйироти зерин ворид карда шаванд:

- дар сутуни сеюми гурӯҳи 02 мавқеи молии 0207 рақами "10" ба рақами "20" иваз карда шавад;

- дар сутуни сеюми гурӯҳи 24 рақамҳои "5", "23", "2,5" ва "18" мувофиқан ба рақамҳои "10", "46", "5" ва "36" иваз карда шаванд.

2. Вазорати корҳои хориҷии Ҷумҳурии Тоҷикистон бо тартиби муқарраргардида котиботи Созмони Умумиҷаҳонии Савдо ва Кумитаи иҷроияи Иттиҳоди Давлатҳои Мустақилро дар бораи қабули қарори мазкур огоҳ намояд.

3. Қарори мазкур пас аз як моҳи интишори расмӣ мавриди амал қарор дода шавад.