ҲУКУМАТИ ҶУМҲУРИИ ТОҶИКИСТОН

ҚАРОР

Дар бораи масъалаҳои таъмини тайёрии зарурӣ ва иштироки бомуваффақи варзишгарони Ҷумҳурии Тоҷикистон дар бозиҳо ва мусобиқаҳои сатҳи баланди байналмилалии варзишӣ

Мутобиқи моддаи 28 Қонуни конститутсионии Ҷумҳурии Тоҷикистон "Дар бораи Ҳукумати Ҷумҳурии Тоҷикистон" Ҳукумати Ҷумҳурии Тоҷикистон қарор мекунад:

1. Комиссияи доимӣ оид ба таъмини тайёрии зарурӣ ва иштироки бомуваффақи варзишгарони Ҷумҳурии Тоҷикистон дар бозиҳо ва мусобиқаҳои сатҳи баланди байналмилалии варзишӣ таъсис дода шавад.

2. Низомнома ва ҳайати Комиссияи доимӣ оид ба таъмини тайёрии зарурӣ ва иштироки бомуваффақи варзишгарони Ҷумҳурии Тоҷикистон дар бозиҳо ва мусобиқаҳои сатҳи баланди байналмилалии варзишӣ тасдиқ карда шаванд (замимаҳои 1 ва 2).

3. Комиссияи доимӣ оид ба таъмини тайёрии зарурӣ ва иштироки бомуваффақи варзишгарони Ҷумҳурии Тоҷикистон дар бозиҳо ва мусобиқаҳои сатҳи баланди байналмилалии варзишӣ дар муҳлати ду моҳ ҷиҳати таъсиси Фонди дастгирии олимпии Кумитаи миллии олимпии Тоҷикистон чораҷӯй намояд.