ҲУКУМАТИ ҶУМҲУРИИ ТОҶИКИСТОН

ҚАРОР

Дар бораи ворид намудани тағйирот ба қарори Шӯрои Вазирони Ҷумҳурии Тоҷикистон аз 28 июни соли 1994, №305 ва қарори Ҳукумати Ҷумҳурии Тоҷикистон аз 3 августи соли 1998, №287

Мутобиқи моддаи 56 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

1. Ба қарори Шӯрои Вазирони Ҷумҳурии Тоҷикистон аз 28 июни соли 1994, № 305 "Дар бораи Комиссияи миллии Ҷумҳурии Тоҷикистон оид ба корҳои ЮНЕСКО" тағйироти зерин ворид карда шавад:

- банди 1 дар таҳрири зерин ифода карда шавад:

"1. Комиссияи миллии Ҷумҳурии Тоҷикистон оид ба корҳои ЮНЕСКО таъсис дода шавад.";

- ҷумлаи якуми банди 3 хориҷ карда шавад;

- банди 4 дар таҳрири зерин ифода карда шавад:

"4. Вазорати корҳои хориҷии Ҷумҳурии Тоҷикистон котиботи комиссияро бо утоқҳои корӣ, воситаҳои техникӣ, алоқа ва дигар воситаҳои зарурӣ таъмин намояд.".

2. Ҳайати Комиссияи миллии Ҷумҳурии Тоҷикистон оид ба корҳои ЮНЕСКО, ки бо қарори Ҳукумати Ҷумҳурии Тоҷикистон аз 3 августи соли 1998, №287 "Дар бораи ҳайати Комиссияи миллии Ҷумҳурии Тоҷикистон оид ба корҳои ЮНЕСКО" тасдиқ шудааст, дар таҳрири нав тасдиқ карда шавад (замима мегардад).

Ҳайати Комиссияи миллии Ҷумҳурии Тоҷикистон оид ба корҳои ЮНЕСКО

Вазири корҳои хориҷии Ҷумҳурии Тоҷикистон - раиси комиссия;

вазири маориф ва илми Ҷумҳурии Тоҷикистон-муовини раиси комиссия оид ба масъалаҳои маориф;

вазири фарҳанги Ҷумҳурии Тоҷикистон-муовини раиси комиссия оид ба масъалаҳои фарҳанг;

президенти Академияи миллии илмҳои Тоҷикистон-муовини раиси комиссия оид ба масъалаҳои илм;

сардори шуъбаи Комиссияи миллии ЮНЕСКО-и Вазорати корҳои хориҷии Ҷумҳурии Тоҷикистон- котиби масъули комиссия.

Аъзои Комиссия:

мушовири бахши ёрдамчии Президенти Ҷумҳурии Тоҷикистон оид ба масъалаҳои рушди иҷтимоӣ ва робита бо ҷомеа; муовини вазири адлияи Ҷумҳурии Тоҷикистон;

муовини вазири молияи Ҷумҳурии Тоҷикистон; муовини вазири меҳнат, муҳоҷират ва шуғли аҳолии Ҷумҳурии Тоҷикистон;

муовини вазири рушди иқтисод ва савдои Ҷумҳурии Тоҷикистон;

муовини раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон;

раиси Кумитаи рушди сайёҳии назди Ҳукумати Ҷумҳурии Тоҷикистон;

раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон;

раиси Кумитаи кор бо занон ва оилаи назди Ҳукумати Ҷумҳурии Тоҷикистон;

раиси Кумитаи телевизион ва радиои назди Ҳукумати Ҷумҳурии Тоҷикистон;

раиси Кумитаи ҳифзи муҳити зисти назди Ҳукумати Ҷумҳурии Тоҷикистон;

директори Агентии миллии иттилоотии Тоҷикистон "Ховар"; ректори Донишгоҳи миллии Тоҷикистон;

директори Институти таърих, бостоншиносӣ ва мардумшиносии ба номи Аҳмади Дониши Академияи миллии илмҳои Тоҷикистон;

президенти Академияи таҳсилоти Тоҷикистон;

директори муассисаи давлатии "Осорхонаи миллӣ"-и Дастгоҳи иҷроияи Президенти Ҷумҳурии Тоҷикистон;

директори муассисаи давлатии "Китобхонаи миллӣ"-и Дастгоҳи иҷроияи Президенти Ҷумҳурии Тоҷикистон;

директори осорхонаи бостоншиносии Академияи миллии илмҳои Тоҷикистон.