ҲУКУМАТИ ҶУМҲУРИИ ТОҶИКИСТОН

ҚАРОР

Дар бораи ворид намудани тағйиру иловаҳо ба қарори Ҳукумати Ҷумҳурии Тоҷикистон аз 3 марти соли 2011, № 115

Мутобиқи моддаи 56 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

Ба қарори Ҳукумати Ҷумҳурии Тоҷикистон аз 3 марти соли 2011, № 115 "Дар бораи низомнома ва сохтори намунавии дастгоҳи раис, мақомоти иҷроияи маҳаллии ҳокимияти давлатӣ, мақомоти худидоракунии шаҳрак ва деҳот ва лимити шумораи ниҳоии хизматчиёни давлатии мақомоти иҷроияи маҳаллии ҳокимияти давлатӣ" тағйиру иловаҳои зерин ворид карда шаванд:

1) дар замимаи 1 Низомномаи намунавӣ барои дастгоҳи Раиси Вилояти Мухтори Кӯҳистони Бадахшон, вилоятҳо, шаҳри Душанбе ва шаҳру ноҳияҳои ҷумҳурӣ:

- аз банди 3 аломат ва калимаи "(Сарқонуни)" хориҷ карда шавад;

- аз сархати сеюми банди 17 калимаи "маҳаллии" хориҷ карда шавад;

2) дар замимаи 3 Сохтори намунавии мақомоти иҷроияи маҳаллии ҳокимияти давлатии Вилояти Мухтори Кӯҳистони Бадахшон:

- аз номи замима калимаи "маҳаллии" хориҷ карда шавад;

- дар сатрҳои 5 ва "Ҳамагӣ" рақамҳои "10" ва "79" мувофиқан ба рақамҳои "7" ва "80" иваз карда шаванд;

- сатри 11 бо мазмуни зерин илова карда шавад:

11. Шуъбаи рушди сайёҳӣ           4;

3) дар замимаи 5 Сохтори намунавии мақомоти иҷроияи маҳаллии ҳокимияти давлатии вилояти Суғд:

- аз номи замима калимаи "маҳаллии" хориҷ карда шавад;

- дар сатри 7 рақами "21" ба рақами "17" иваз карда шавад;

- сатри 12 бо мазмуни зерин илова карда шавад:

12. Шуъбаи рушди сайёҳӣ           4;

4) дар замимаи 7 Сохтори намунавии мақомоти иҷроияи маҳаллии ҳокимияти давлатии вилояти Хатлон:

- аз номи замима калимаи "маҳаллии" хориҷ карда шавад;

- дар сатрҳои 7 ва "Ҳамагӣ" рақамҳои "20" ва "159" мувофиқан ба рақамҳои "16" ва "165" иваз карда шаванд;

- сатрҳои 12 ва 13 бо мазмуни зерин илова карда шаванд:

12. Шуъбаи рушди сайёҳӣ           6

13. Шуъбаи рушди сайёҳии минтақаи Кӯлоб         4;

- сатрҳои 13, 14, 15, 16, 17 мувофиқан сатрҳои 14, 15, 16, 17, 18 ҳисобида шаванд;

5) дар замимаи 8 Сохтори намунавии дастгоҳи раиси шаҳри Душанбе:

- дар сатрҳои 10 ва "Ҳамагӣ" рақамҳо ва калимаҳои "7", "87" ва "Раёсати иттилоот ва робитаҳои хориҷӣ" мувофиқан ба рақамҳо ва калимаҳои "4", "88" ва "Шуъбаи иттилоот" иваз карда шавад;

- сатри 11 бо мазмуни зерин илова карда шавад:

11. Шуъбаи робитаҳои хориҷӣ        4;

- сатрҳои 11, 12, 13, 14, 15, 16, 17, 18, 19, 20, 21, 22, 23 мувофиқан сатрҳои 12, 13, 14, 15, 16, 17, 18, 19, 20,21,22, 23, 24 ҳисобида шаванд;

6) замимаи 9 Сохтори намунавии мақомоти иҷроияи ҳокимияти давлатии шаҳри Душанбе дар таҳрири нав тасдиқ карда шавад (замимаи 1);

7) дар замимаи 13 Сохтори намунавии мақомоти иҷроияи маҳаллии ҳокимияти давлатии шаҳру ноҳияҳо:

- аз номи замима калимаи "маҳаллии" хориҷ карда шавад;

- дар сатри 3 пас аз калимаи "шуъбаи" аломат ва калимаи ", бахши" илова карда шавад;

- сатри 11 бо мазмуни зерин илова карда шавад:

11. Бахши рушди сайёҳӣ дар шаҳру ноҳияҳои дахлдор        4;

- дар эзоҳ калимаҳои "Талаботи намунавӣ, ки бо қарори Ҳукумати Ҷумҳурии Тоҷикистон аз 3 декабри соли 2005, №478-14" мувофиқан ба калимаҳои "Тартиби намунавии ташаккули воҳидҳои сохтории дастгоҳ ва воҳидҳои тобеи мақомоти иҷроияи марказии ҳокимияти давлатӣ, ки бо қарори Ҳукумати Ҷумҳурии Тоҷикистон аз 25 сентябри соли 2015, № 590" иваз карда шаванд;

8) дар замимаи 20 Лимити шумораи ниҳоии хизматиёни давлатии дастгоҳи раисон ва шумораи муовинони раисони Вилояти Мухтори Кӯҳистони Бадахшон, вилоятҳо, шаҳри Душанбе, шаҳрҳо ва ноҳияҳо:

- дар сатрҳои 1 ва "Ҳамагӣ" шаҳри Душанбе рақамҳои "87" ва "180" мувофиқан ба рақамҳои "88" ва "181" иваз карда шаванд;

- дар сатри "Ҳамагӣ дар ҷумҳурӣ" рақами "1577" ба рақами "1578" иваз карда шавад;

9) замимаи 21 Лимити шумораи ниҳоии хизматчиёни давлатии мақомоти иҷроияи маҳаллии ҳокимияти давлатии Вилояти Мухтори Кӯҳистони Бадахшон, вилоятҳо, шаҳри Душанбе, шаҳрҳо ва ноҳияҳо дар таҳрири нав тасдиқ карда шавад (замимаи 2).

Замимаи 1-2