ФАРМОНИ ПРЕЗИДЕНТИ ҶУМҲУРИИ ТОҶИКИСТОН

Дар бораи Агентии назорати маводи нашъаовари назди Президенти Ҷумҳурии Тоҷикистон

Бо мақсади баланд бардоштани самаранокии фаъолият ва такмили сохтори ташкилии Агентии назорати маводи нашъаовари назди Президенти Ҷумҳурии Тоҷикистон фармон медиҳам:

1 Низомнома, Сохтори дастгоҳи марказӣ ва Нақшаи идоракунии Агентии назорати маводи нашъаовари назди Президенти Ҷумҳурии Тоҷикистон тасдиқ карда шаванд (замимаҳои 1, 2, 3).

2 Шумораи ниҳоии кормандони Агентӣ ба миқдори 443 воҳид (бе хайти хизматрасон), аз ҷумла шумораи кормандони дастгоҳи маркази 274 воҳид мукаррар карда шавад (Фармони Президенти ҶТ аз 29.12.2010 № 970, аз 06.08.2012 № 1309).

3. Ба Агентӣ иҷозат дода шавад, ки ду муовини Директор, аз ҷумла як муовини аввал дошта бошад.

4. Маблағгузории фаъолияти Агентӣ аз ҳисоби маблағҳои буҷети ҷумҳуриявӣ, маблағҳои Раёсати СММ оид ба маводи нашъаовар ва ҷинояткорӣ, давлатҳои маблағгузор ва дигар ташкилотҳои байналмилалӣ анҷом дода шавад.

5. Беэътибор дониста шаванд:

- Фармони Президенти Ҷумҳурии Тоҷикистон аз 12 июли соли 1999 №1248 "Дар бораи тасдиқи Низомнома ва сохтори Агентии назорати маводи нашъаовари назди Президенти Ҷумҳурии Тоҷикистон",

- Фармони Президенти Ҷумҳурии Тоҷикистон аз 28 феврали соли 2003 N1030 "Дар хусуси ворид намудани тағйироту иловаҳо ба Фармони Президенти Ҷумҳурии Тоҷикистон аз 12 июли соли 1999 №1248 "Дар бораи тасдиқи Низомнома ва сохтори Агентии назорати маводи нашъаовари назди Президенти Ҷумҳурии Тоҷикистон" ва прекурсорҳои онҳо ва барои тасдиқ пешниҳод намудани он ба Ҳукумати Ҷумҳурии Тоҷикистон".